दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to 29, 2007
आले आङादा चिठ्ठी
- के.एस.दोङ
वर्षी हुइ लासी खाबा
खहरे स्योङ तिनी
सोङ खर्सर्ीीनजी
पट्टी ङ्हीसे पाय बासी ख्रोम्बा
छोदा तिनी
थाङखर्ना लुङतासी संसार ह्यालतना
लाला बिबा आशाला नाङसाल तिनी
च्योप सिसी निजी ।।।
ङाहा तिङला गुङरी टिबा
आले तोसाराम, आङा ग्युरु माया द
ल्हामन-ल्हामन डान्बामुला ।
आले-आङा ! ङा याम्बुला गल्लीरी क्यार थाङकासी टिसाइ केवा किन्बा आमा सा, नाम्सा डिन्छेन आबा आमा ह्याङला माम ओम एनी कादेला छ्यामरी म्हेछसी ने.सी, हाःसी ब्रबा कान्छा, पराङ, साँजी, डोल्मो, लामो, मैयारानी, ज्याबारानी ओम रुपारानी तइ थुम जिःसी टिबामुला । एनीसे ओजा पुइकाबा चिठ्ठी ङाइ तिला स्याप्जी । तिमालला च्युखा, मेम्गर, कोटगाङ, नारायणथान, चखुर गाङ, मेच्छेला छ्यामरी तेमाल गाङनोन दर्ुना लासी लोकतान्त्रिक गणतन्त्रला लागिरी शान्तिपर्ूण्ा जनआन्दोलन लासी जिन्जिम् जुन आन्दोलनसे सफलताला ज्योमो गाङ थर्ुर्सर्ीीोल्छेसे-गोल्छेसे नेपाल ह्युलरी शान्ति तासी गणतन्त्र पाइला लर्कप तासटिबा मुला । चु ल्हामन बिमा ल्हामन् सेम ताङबा ताम हिन्ना ।
जक्कि प्रसंग पोओ ।एनिसे पिन्बा २०६२ सालला एस.एल.सी.ला रिजल्ट ए थोन्सि जिन्बामुला । जुन रिजल्टसे ङदाइ नोन् ल्हामन् दुःख ताना लाबा मुला । गोर्खापत्ररी एनी ङ्हीला सिम्बोल नम्बर गतामन् म्हाइसाइ ङाइ अस्याबाजी । तसाइनोन् दुःख थम्हान्को एनीसे तिल्दा बिसाम एन्ना लागिरी जीवन नोन छ्याव्यासी ह्रो लाबा मुबा । एन्दा ट्युसन पढप लाबा, गच्छे-गच्छेला गोइलोला छ्यामरी जम्मनला व्यवस्था लपिन्मुबा । प्राङबो आबा आमदा दोष थपिन्को । ह्रो निसे क्षमतासे खम्बा सम्मला एनीदा ह्रो लाबान् मुला । एन्नान् कारणसे लासी चुराङबा असफलताला ब्रोअी म्ह्याङतोजी । खाबा रे कदेरी ज्यानालसी ब्रिबा डोबा लाउ एन्नी तिरेम बिमा तिरेम सफल तसेदा मुला । 'असफलता नोन सफलताला प्रतिक हिन्ना' बिबा तामदा मनन लसी ङ्हाच्छा-ङ्हाच्छा ब्रतोला । म्हीकतेसे मारा घुस ख्वासी फाइला म्रापरी वाङबारी नामर्द सेम लाला आदे । आवश्यनोन तिरेम म्होन्दो दोसी र्सर्सर्ेे मुला । गान्बा ऊइमेसे पाङबा मुलालोम 'म्हीला बुद्धिसे ग्ले दोबा बिमा ह्राङलान बुद्धिसे फकिर दोबा ज्याबा' थेसे लदासी आले आङा एनीला असफल यात्रारी ल्हेबा गोङमा कदे खाबा रे कदेरी सफलताला ग्यालमरी ल्हेतोजी, फाइला म्राप ठ्वाङ अखम्बा या कादेसे फाइला म्राप ठ्वाङबा बाङ लातोजी । तिरेम् बिमा तिरेम आवश्य फाइला च्याल्दा प|mेट् टाङसी म्राप ब्वाक ठ्वाङसेदा मुला । खर्सर्ीीनबा थे खहरे स्योङला छ्याम-छ्यामरी आशाला नाङसाल ए थाङ खर्ना लुङसेदा मुला बिबान तिनीदा चु चिठ्ठी ग्याम्से फेसी नि ह्या ।
थेनोन ज्यो-ज्यो
लुच्छा लामा 'क्योलो-क्योलो'
काभ्रे, तिमाल, सर्स्र्युखर्क - ६
च्युखा माङसाम टोल ।
तिङला माया निष्ठुरीएदा
धोकेवाज, अर्कुला जीवररी खेलवाड क्लाङबा संगीनी तिङह्रान्देलान माया ओम डान्बा
निष्ठुरी, संवोधन लाबा ग्याममी खाइ तिलान मुला, मुर्साई एला सम्झनासे ङला सेमरी बास टिबरी आखाजी । एमी आन्दरी ताङसी टिबा मुला ताला हिन्ना थाहा ङदाई मुला संगीनी तिलाई स्याप्परी लागीरी तिलाई गुमप लातोला । अं एसे ङादा ख्लासी आर्कु त हाप्ाख्वाई निजी । ठिकन मुला, संगीनी ए चुदेदोना कठोर ओम निष्ठुरी ताला बिसी ङला शँका सुत्दा आरेबा । फ्युक्पो ओमर् इज्जत कहलप ताबा गोरगी आपला प्यारी ए जामे खह्राङलासी ङह्राङपा दुःखी कोलाला भुमरीरी फसप ताबारी दोजी । संगीनी, एसेम पाङवान मुबा 'ङाला जीवननोन ए, ऐबिना ङ सोनोन आखाम, एलान हिन्ना ङला जीवन' तर एसेम तिनी ङाला तिङरी छ्युरी ब्लोसी थारेङ टाङगाला लिच्छा हयार्सर्ीीनजी । र्ङइमी थाहा आरेबा ए चुतेवा निष्ठुरी दोला बिसी ।
संगीनी, एसेम घरी-घरी पाङवान मुबा र्'र्ङइ टाङगा त घृणा लाला टाङगा आहिन चु जीवनदा एला माया मुसाम ताला' तिला चु नोन हिन्ना एला खोक्रो आदर्श - तीला दोना ऐसे ङाला तिङला ग्ले बिजी, दात्ते तिल्दा एसे खाते बिसी गाङ स्योङ थासी ङा ग्यामसे थारेङ निजी, चुदेकेन ओम एसेम ङाला तिला म्राङजी केटाकदे ह्रुप्सी तोपुङपरी सुत्दा लिच्छा आताजी आखिर तिल्दा -.... चुनोन हिन्ना ह्याङला चोखो माया - तिला चुनोन हिन्ना ह्याङ लाता वाङ ह्रिसी जीवन गि तासी छ्याम टिबरी बिसी लाबा बाचा - थे ब्याँसीला गोठेरी टिसी पाङवा ताम एसे म्लेजी - संगीनी तीला दोना एसे थाहा मुबा । तिनिनोन थाहा मुला ताला ङाला हैसियतला ताम । हिन्ना ङा गोरगी गरिबला कोला न त ङा तेन लामान सम्पत्ति मुला, न त बिलासिताला सामननोन । खै ङाचामी तिलान मुलोम, चेाखो माया तेन इमान्दारीता बाहेक । चुदे ङाला हालत म्राङना म्राङना एसे तिल्दा ङादेन फोस्रो प्रेमला नाटक क्लाङजी, ओम समुन्द्र न्हाङरी ब्लुमसी गाङसाल ग्यामरिन ख्लासी ब्योङना लाजी आखिर तिल्दा देखावटी प्रेमला प्रस्ताव थान्जी -
निष्ठुरी, संगीनी, धोकानोन पिन्दोबा हिन्साम तिल्दा एला देखावटी प्रेमला जालरी म्हेर पुङजी । थे बेलारी ङा बिमा अर्कु फ्युक्पो-फ्युक्पो ब्योनकादे एला मीरी अस्याब्बा मुबा ओम - ठिकन मुला संगीनी दारेम एला मिन चेख्केन थेर्साई घृणा सेमरी पैदा तासी खाला एमी अर्कुला तासी जिन्जी । थेदाचा ङाता ह्राङलासी म्लाङगै कोठारी क्राना आलाउ ह्या । खाइमाई गाङसाल ग्यामरी अख्लाको ङा एनोन एला थे कठोर माया ग्यामसे थारेङ ताबारी कोसिस लाबाई केन मुला । जीवन ह्रेङबा टीम सोतापाइ ल्हामान टिम ..........।
लिच्छारी दाप्पेन ङाइ चु छिग घरी-घरी पाङगे म्हान्जी, ङाता ह्राङ एला जीवन ह्रोता धोका पिन्सी ह्राङसे ह्राङदान म्लेेना अलाऊ । एनिला जीवन खाइमा तामान नेसी-नेसीं ताङसीटिगाइ जीवनरी दुख लाबासे तहस नहस लासी अफ्याङकै । एनिला जोडि चखेवाला जोडी ह्राङ म्राङटीगाइ ङाला ज्याबा डान्बा
- दुवीसिं लामा
बोल्दे फेदीचे काभ्रे
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।