दारेम तराइला वोगलगी जिल्लारी ग्यारजा गीसे १६, पहाडला ३९ जिल्लारी ग्यारजा गिसे ङही थुम ओम हिमालरी २२ निर्वाचन थुम तासेदा मुला । चु विमा ङहाच्छा तराइरी ८८, पहाडरी ९५ ओम हिमालरी २२ निर्वाचन थुम मुबा । छार सिफारिस अनुसार तर्राईला २० जिल्ला मध्येरी मोरङ, धनुषा, रुपन्देही, कैलाली, नवलपरासी, बारा, रौतहट तेन महोत्तरी लासी ब्रे जिल्लारी ङही ङही ओम लेङबा चुङङही जिल्लारी का-कार निर्वाचन थुम काप्सेला मुला । चर्ुर्सर्ेेहाडला जिल्ला मध्ये याम्बुरी सोम थुम काप्सेदा मुला । सोम थुम काप्मा याम्बुरी च्युइ निर्वाचन थुम तासेदा मुला । चु लिच्छा मोरङरी कु निर्वाचन थुम मुला ।

निर्वाचन थुम काप्पा स्यान पहाडी जिल्ला काभ्रेपलाञ्चोक, कास्की, माकवानपुर तेन उदयपुररी का-कार निर्वाचन थुम काप्सेला मुला । २०५८ सालला जनगणनादा मुख्य आधार किन्तासी निर्वाचन थुमला निर्धारण लाबा हिन्ना । ९६ हजार मातदाता बराबर गी निर्वाचन थुम स्हेङबा हिन्ना । तर्राईरी आन्दोलन ल्हामा तासी गेन निवासे सरकारसे निर्वाचन थुम निर्धारण आयोग गठन लाबा हिन्ना ।

आयोगसे ग्रेन लोन्पो गिरिजाप्रसाद कोइरालादा विहिबार प्रतिवेदन पेश लाबा हिन्ना । सरकारसे प्रतिवेदनला अध्ययन लासी निर्वाचन आयोगदा कार्यन्वयनला लागिरी पिन्सेदा मुला ।

निर्वाचन थुम निर्धारण आयोगसे थुमला सिफारिस लाबा मुला विसाम सरकारसे अझैनोन संविधानसभाला चुनावला मिति घोषणा लावारी खाम्बा आरे । अन्तरिम सरकार गठन लामा असार डु गते चुनाव लाबारी ब्रे दलला गुङरी सहमति तावा मुबा । तर निर्वाचन आयोगसे चुनावला लागिरी लातोबा ल्हामा तयारी आतावासे लामा निर्वाचनला मिति घोषणा लाबारी हतार अलाउ बिसी चेतावानी पिन्बासे सरकार न्हाङरी साङगुल निवा मुला ।

संविधानसभालान चुनावला मितिला छ्यामरी स्यान विषयरी छलफल लावारी तिनी गोरब्रे दलला बैठक ग्रेनलोन्पोला निवास वालुवाटाररी तासी टीबा मुला । चु तामसोर तयार लादेदोना चुनावला मिति घोषणाला लागिरी गम्भीर बहस तासी टीमा मुला । तिनिला बैठकसेनोन चुनावला मिति घोषणा ताबा संभावना च्याङना मुबा तामसोरनोन याङबा मुला ।

आदिवासी जनजातिकादेसे जातीय जनसंख्याला आधाररी निर्वाचन प्रणाली तोबा माग लासाइ सरकारसे चुराङबा निर्णय खाबा पटि जनजातिकादे ङ्हाच्छा ह्रयान्देन विरोध लासि खाबा मुवा ।

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।