याम्बु । पाप धुरीबाट कराउँछ बिमा ह्राङनोन अपराधीकादे लासाइनोन अपराध गेकादे खाइमाइनोन लाबा, छुम्बारी आखाम । घटना ताबा ल्हालान दुइ लिच्छा हत्या लाबा अपराधिकादे चुङबारी सफलता मुला । प्रसंग तिला विसाम सिन्धुपाल्चोक जिल्लला घटना हिन्ना । तिनी विमा झण्डै दिङ ङ्िह ङहाच्छा २०६२ साल असार १४ गतेला घटनाला ताम हिन्ना । १४ गते म्हुना कु ङ्हामा भोताङ गाविस वडा नं. २ ला बोगाल सोमसे ङ्हा -६५) दिङला समाजसेवी धनमाया तामाङला अनैतिक ढंगले हत्या ताबा मुला ।

हत्याराकादेरी सिन्धुपाल्चोक जिल्लालान भोताङ गाविस २ ला दिङ ४७ ला ङ्हाच्छाला प्रधानपञ्च मान लामा तामाङ, थेनोन गाविसला २४ दिङला ग्याल्बो तामाङ, स्यालसिंला खुइ ४३ दिङला फट्टा तामाङ, १९ दिङला सिंगी तामाङ, दाबोहेन विबा १८ दिङला आइता तामाङ घटनारी संलग्न हत्याराकादे हिन्ना विसाम घटनारी संलग्न माइता तामाङ दात्ते फरार मुला । मान लामा थेन फट्टा तामाङला गुङरी मुबा अनैतिक सम्बन्धला कारण चु घटना ताबा गोबा मुला ।

स्थानीय बासिन्दा सुबास लामा थेन दलु लामाला आन्सार थे अपराधीकादे नाम्सारी ल्होलो-ल्होलो खाल्ला आतंक मच्चाप लाबान नाम्साबादा ल्होल्हो खाल्ला त्रास धम्की उन्बाल खाबा लाबा मुला । थेनोन अपराधमुलक गेरी थेनीकादे चुङबा हिन्ना । मृतक धनमायाला जामे नमिता तामाङसे अपराधीदा कडा सजायँला माग लाबान किटानी जायरी लाबा आन्सार दात्ते अपराधीकादे सिन्धुपाल्चोकला चौतारा हिरासतरी मुला ।

धनमाया तामाङ २०४८ साल ह्यान्छे नाम्सारी टिबान खाबा हिन्ना विसाम चु विमा ङ्हाछा भारतरी टिबा लाबा मुला । धनमाया लघुउर्जा गेताङ अर्न्तर्गत सामाजिक गेरी संलग्न मुबा ।

दात्ते अपराधीदा जोगाब लाबारी दल थेन नेताकादे सक्रिय ताबानोन गोबा मुला ।

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।

प्रायोजक थेन वेभ मास्टर मुकेश लामा, याम्बु, नेपाल ।
E-mail ceo@tamsalingonline.com