याम्बु । तामाङ डाजाङला ब्लिछा साधारणसभा याम्बुरी थुम्बा मुला । होजा सभारी ङ्हाच्छाला न्होरचोहो सन्चु ब्लोनसे आर्थिक प्रतिवदेन प्रस्तुत लास्युबा मुबा विसाम गौराही बुद्ध योञ्जनसे प्रगती प्रतिवेदन प्रस्तुत लास्युबा मुबा । होजा सभासे अर्जुन ग्लानला चोहोदानरी म्हेन्दो च्युइसे ङ्हाला कार्यसमिति मुबा छार कार्यसमिती दाम्बा मुला । चोहोरी अर्जुन ग्लान, ह्रोचोहो बुद्ध योञ्जन, गौराही रामकुमार जिम्बा, ह्रोगौराही सन्जु ब्लोन, न्होरचोहो लिला बहादुर दोङ, मुला विसाम मुल्मीकादेरी सि एस दोङ, चन्द्र तितुङ, पाल्साङ दोङ, बुद्ध राम थिङ, निरुभक्त वाइबा, नेपालप्रसाद स्याङदान, योकबहादुर घिसिङ, सम्भरबहादुर थिङ, गोले के आर चालिसेली, आस्मिता थिङ मुला ।

दारेम खाबा रेरी डाजाङला आपुरो गेकादेदा पर्ूण्ाता पिन्बान निसेला छ्यामरी ल्हाना विमा ल्हाना स्रष्टाकादे जोम्ना लासेला योजना मुला विसी चोहो अर्जुन ग्लानसे सुङजी ।

याम्बु । निबा असार ३०रे उपत्यका बन्दकुनु तामाङ डाजाङ थेमे ग्योइकाइ गेताङ लाबारी बिसी याम्बुला मानविकी क्याम्पसरी दोखाबा मुबा । निश्चित दुइरी खाजिवाई स्रष्टा, आदोखाबासे लामा गेताङ लाई वा आलाइ वा बिसी निरास तार्साई कार कार लाबान दर्जन ङ्िह विमा ल्हाना स्रष्टाकादे जोम्बा मुबा ।

"तोर्सर्ेेयोमो गाङ मुला, मार्सर्ेेान्दि स्योङ मुला, गुङरी ङाला दिम मुला, दिमरी ह्राङलान ठिम मुला बिबा इन्द्रराम मोक्तानला ह्वाइखग्याम तिबा थे ग्योइकाइ गेताङरी 'ह्रो आदोनान शत्रु ताजी ग्याम आचुुनान थुम्सी निजी, चु खाह्राङबा क्वाई ए ङाला, गुलाफ म्हेन्दो साम्सी निजी' विवा पर्ूण्ा प्रेमाव्यक्तिला गजल निरुभक्त वाइवासे प्रस्तुत लास्युबा मुबा विसाम गेताङरी कल्पना तामाङ लो, पि.एल लामा, राजकुमार गोले, ह्यान्छे स्यानस्यान स्रष्टाकादेसे ह्राङ ह्राङला सिर्जना प्रस्तुत लाबा मुला ।