कवि गोष्ठी फिरी तुन्बा समिक्षा

विवादरी फुटबल

हृयुल्साला फुटबल थुम दाप्पेन तिरेम बिबादरी वाङबा मुला । अखिल नेपाल फुटबल सँघला चोहो गणेश थापाला गे लाबा शैलिला बिरोध लाबान बि डिभिजनला ङसि क्लबसे लिगनोन बहिष्कार लाबा घोषणा लाबा हृयान्दे बिबादसे छार रुप किन्बा हिन्ना । बहिष्कार घोषणा लाबासे लामा एन्फाला क्यालेण्डर अनुसार सम्पन्न तासी जिन्तोबा बि डिभिजनला लिग लाबारी खाम्बा आरे ।

एन्फाला चोहो गणेश थापाला एकल ब्यक्तिबादी चरित्रला बिरोध लाबान क्लबकादेसे लिग बहिष्कारला घोषणा लाबा हिन्ना । एन्फला चुनाब प्रजातान्त्रिक तरिकासे तातोबा ओम फिफा ग्याम खाबा करौडौला आर्थिक सहयोगरी गणेश थापासे अनियमितता लाबा थेनिला आरोप मुला । फिफासे एन्फादा गोल प्रोजेक्टला लागिरी करौडौला आर्थिक सहयोग लाबा मुला । चोहो थापासे दाते दोना एन्फाला कानुन सम्मत ढँगसे लेखापरिक्षण आलाबानोन थेनिला आरोप मुला ।

दातेला लिग बहिस्कारला अभियान सञ्चालन लासी टिबा क्लबकादेला माग नाजायज अहिन्साइ छार बिसाम पक्कान आहिन । चु बिमा ङ्हाच्छाएनोन ल्हामानरेम चुराङबा खालला बिबाद तासी जिन्बा मुला । तिरेममी हृयुल्सारी ङ्ही फुटबल सँघ अस्तित्वरी मुबा । सरकारसे गीता राणा चोहो मुबा सँघदा मान्यता पिन्बा मुबा बिसाम फिफासे थापा चोहो मुबा सँघदा मान्यता पिन्बा मुबा । लगभग दीङ ङ्ही बिमा ल्हामा ह्रेङबा चु बिबाद लिच्छा खादासी थापा चोहो मुबा सँघदा मान्यता पिन्बान जिन्जी ।

हृयुल्साला ल्हामा ह्राङबा खेलकुदला गेन्दुनकादे प्रजातान्त्रिक तारिकासे सञ्चालन तासी टिबा आरे चु दातेला बास्तबिकता हिन्ना । जनतादा उन्बाला लागिरी चुनाबला नाटक चेख्खेन लाबा म्राङबा मुला । ल्हामा ह्राङबा गेन्दुनरी गीनोन म्ही ह्रेङबा दुइ हृयान्दे चोहोला रुपरी टिबासेनोन चु तामला पुस्टि ताला । ह्राङसे गेन्दुनरी टिदासी तिलाइनोन लाबारी अखामसाइ चोहोला कुर्ुर्सर्ीीख्लाबा परिपटि मुला। एन्फानोन चुराङबा ताम ग्याम पृथक टिबारी खाम्बा आरे ।खाइमातामान कोठा न्हाङरी चुनाब लाबा एन्फासे चुपालसे बिसाम ङ्हाच्छाला रेकादेरी बिमा जाक्की प्रजातान्त्रिक तरिकासे चुनाब लाबा मुबा । दाते आन्दोलनला नेतृत्व लासी टिबाकादेसेनोन एन्फाला होजा चुुनाबरी बो किन्बासे चु दातेला आन्दोलन सिदान्त तेन प्रजातान्त्रिक मान्यता लागिरी बिमाइनोन एन्फारी खाबा सहयोगला लागिरी हिन्ना ।चोहो थापासे फिफा तेन छ्याम कारोबार लामा ह्राङलान दिमला ठेगाना पिन्बा ओम इमेल ठेगानाएनोन थापाला ह्राङलान मिनला प्रयोग लाबा थेनिला आरोप मुला ।

एन्फारी प्रजातान्त्रिक तारिकासे चुनाब आतादे ओम आर्थिक कारोबारकादे पारदर्शी अतादे लिगरी बो अकिन्बा अडान मुला बिसाम चर्ुर्सर्ेेोहो थापासे बिसाम स्यान तामरी वार्ता लाबारी खाम्साइ चुनाबला तामरी बिसाम फिफासे मान्यता अपिन्बा कारण उन्बान वार्ता लाबारी आखाम बिसी पाङबा मुला ।

एन्फला ताम लातोमा दाते आन्दोलन लासी टिबा कादेसे बिबा ह्राङनोन कादे तामरी चोहो थापासे एकल ब्यक्तिबादी निर्णयदे लाबा हिन्ना । ओदे ताना तानान नेपालला फुटबलला बिकाशला लागिरी थापाला च्याङना योगदान बिसाम पक्कान आरे । चोहो थापालान एकल प्रयासला कारणसे गोल प्रोजेक्टला मिनरी हृयुल्साला ल्हामान ग्लारी करौडौला भौतिक पर्ुबाधारकादे तयार ताबा मुला बिसाम बाल खेलाडीकादेदा नि शुल्क होस्टेल तेन पढाइला ब्यबस्था लाबान ल्हामान प्रतिभाशाली खेलाडी तयार लाबा गेनोन लासी टिबा मुला । राटि्रय लिगला पुरस्कार २० लाख दोना लाबान,खेलाडीदा मोटरसाइकल,कार पुरस्कारला ब्यबस्था लाबान फुटबल खेलदा ब्यबसायिक खेल दोना लाबा प्रयास लासी टिबा मुला । ओदे चे आहिन्ना हृयुल्सला प्रतिनिधित्व लाबान फुटबलला खप्पमइ बिमा ग्रेन प्रतियोगिता बिश्वकपरी अनुशासन समितिला सदस्यला रुपरी गेनोन लासी जिन्बा मुला । बिसाम एशियाली फुटबल सँघरी नोन महत्वपूर्ण सदस्यला रुपरी ल्हामान जिम्मेवारीकादे पुरा लासी जिन्बा मुला चोहो थापासे । समग्ररी पाङतोमा चोहोला रुपरी गणेश थापाला कार्यकालकादेदा सफल रुपरीन किन्बरी खाम्ला ।

दाते लिग बहिस्कार लाबान आन्दोलन लासी टिबाकादेला माग ह्राङला ग्लारी पक्कान जायज मुला तर ह्राङला माग पुरा लाबाला लागिरी लिगनोन बहिस्कार लाबान खेलाडीला प्रतियोगितारी बो किन्बारी याङबा अधिकारदा काबा गेदा बिसाम पक्कान ठिक बिबारी आखाम । न्हाङगार लिग बहिस्कार लाबाकादेला बिरोधरी खेलाडीकादे आन्दोलित तासाम खारङबा परिस्थितिला सिर्जना ताला ओम थेला जिम्मेवार खाला ताला -