खाजी -खाजी -खाजी ! खै तिग खाजी बिबानोन क्योङसेन ङ्यानबा ताजी । टिकामैखला स्योङ ङामरी गिट्टी तोसी चिबा दिलमाया लामादा तिलै थाहा आरे । थेरी चिबा ल्हानान ताजी । साहुसे पिन्बा टाङासे स्ह्यो ङ्याँसे या सुङ जोड्दिबारी योसाम ताजी । खाजी बिसी ग्रेन ग्रेन ताम लाबानोन ङ्यान्बान मूला । तर तिग खाजी थेदा खालैसे पाङ्बा आरे । काभ्रे -नाग्रेल सोनाम थिङ एनोन ठमेलरी रिक्सा स्याङ्सी चिबा सोम दिङ ताजी । खाइमा सिंहदरबार खाइमा रत्नपार्कला नारा जुलुस म्राङबा थेबा ल्हानान ताजी, भो टाहिटिग्याम बसन्तपुरला डबली द्योना रिक्सा स्याङ्मा रुपैयाँ टाङा किन्बा थेदा निबा कामरेकुनु बिसाम खाबासम्म बोमो खाजी । तिक्दा बिसामि थे कुन भोटाहिटिग्याम बाङ्बा जुलुससे ग्याम काबाम मुला । ग्रेन -गे्रन नारा ङ्यान्जी । ग्रेन गे्रनको मुबा कहीकादे छ्योङसी-छ्योङसी क्रिङ्बा म्राङजी । तर संवीधानसभाला चुनावला नारा ङयान्मा विसामि तिग टिमु गोबारी म्हीइजी । तर खाल्से बिसै खालैदा खालैदा फर्ुसद आरे ।

ह्यूल्री खाजी बिबा तिग खाजी क्योङ दान थाहा आरे । खावा तिगै अहिन संविधानसभा चुनाव खाबा हिन्ना । गोर व्रे पार्टर्ीी

कार्यकर्ताका से नाम्सा नाम्सारी निवारीचुबा मुला । सरकारसे असार ६ गते निर्वाचन मिति घोषणा लाजिन्बा चू दुइरी सोनाम थेन दिलमायाँसे खाजी बिबाजेन तिक्द थेजी ओम खालैदा थाहा आरे ।

ह्युल्ला क्रिय पोतोबा निर्वाचन खालैदा थाहा आतासाम खाल्से भोट पिन्ला - वास्तवरी चू प्रश्न ह्युल्री फ्याङजीबा मुला । उत्तर चा ल्हानानदा थाहा आरे । बोक्टो दिमसे नाङ्सी दुल्सी लाबा क्योङदान थाहा मूला। राज्यसत्ताला म्हार गोरगोकि पक्षसे जेकेन ल्हेम्सी चिवा मूला।ह्राङला ङामला झोलेकादेशे च्युगू कान पिन्बा विमा ग्रेन विकासजनतासे म्राङबा आरे भोट ताबा दुइरी जेकेन नाम्सारी सेम्से आमान्सै क्याफुल्या बिनान दोखाबा ठिम नेताका देसे ख्लाबा आरे । छार ह्यूल स्हेङबा विसी सुङसे पाङ्सी जेकेन आता बिबा फ्योङलान ताम मूला । याम्वुसे कर्ण्ाालिला समस्यादा म्राङबा बोक्टो ठिम थेनिला छार अहिन् । चुहा योनालासि पोतोबका दुइ मूला बिसाम तामाङ ह्यूल्बासे गोताबा चातिग ओम - प्रश्न थे हिन्ना तर उत्तरचा तिग - हिन्ना ज्यार्दौला ठिमसे शोषण लाबा हिन्ना दोङराप साक्षी मुला । तसैनोन दारेमला तामाङला सही दोखाङ तिग ओम - गोतोबा थेन लातोबा संगीन घडि चु हिन्ना । संघिय लोकतान्त्रिक गणतन्त्ररी ह्यूल्से गोङमा चुसी जिन्जी । खसिला थोबो थान्सी नागिला स्या चुङबा ग्ला विसि छ्या -छ्या लाबान छ्यार्बा भाषण लाबा माओवादीला नेता सिहदरबारला लेप्पा कर्ुर्सर्ीी चिसी जिन्सी । ओतेजेन आताना सरकारि पक्षदा पुरान सत्ता बिसि म्हाङरी सुतै ङान्ना छार जनसत्ता पाङसि ब्राबा थेनासे मन्त्रालयला च्युल -च्युल टेबुलरी फाइल थान्बान फिरफिर स्याबा कर्ुर्सर्ीीचुङसी जिन्जी । तसै लेलेला तामाङ ,डुमखाना लासेदा, जनकपुरला झा, तोप्केगोलाला शिङ्सा डोल्पाला डोल्पो ,पाँचथरला लिम्बुुुसे चातिग याङजी ओम -''आयाङबासे याङजी फि सुतै ग्लोङजी "ताजी चुनोन । अझन नाम्साला प्राङबो जनतासे सिटामोल आयाङनासितोबा मूला । ल्हाला म्हिसे धरो गिक क्वान आम्राङना चितोबा अवस्था मुला । लेबाफेबाला शिकार अवस्य ताबा हिन्ना । सप्त कोशीला फिरी पुल आरे थेनिसे भोटाहिटला आकासे पूल म्राङबामूला । चुह्राङबा ठिम खासैले ताङबा आरे । थेनिदान तोबा खाल्सा थेन ह्राङसेन ब्रिबा नीति जनतासे स्हो म्याङतोला । चुनोन हिन्ना जनआन्दोलनला म्याण्डेड । संविधान थेनिसेन ब्रिबारी क्याङबा थेन ह्राला सेम निबा संविधान स्होबारि वो किन्वा दुइसाङ संविधानसभा हिन्ना ।

अन्तरिम संविधानरी जनजातिला छिग सुत्तै ब्रिबारी म्लेबा सरकार सेग्यागर दानला आन्दोलनला मेदा अझन क्युइ छेप्पासुर लाबा आरे । ङानी ग्रेन स्यान्दोला मी अस्तित्व आरे ब्रिबाह्राङ लाबा माओवादी सेनोन जातीय अधिकारदा वास्ता आलापा वा बिसी चुदाइनोन ख्लाबा आता । खवरदारी लासी टितोला । हिन्ना समस्या ग्रेन मूला । संविधानसभा ङामरी खाबा मुला । चूनौति म्राङसी खालै लोङसी काङ दार्ना लाबा आता । क्योङसेन संघीय लोकतान्त्रिक गणतन्त्र वासी छार संविधान स्होबारी गीक ताबा चुनोन दूइ हिन्ना । क्योङसेन गोतोला ।

                                                                                     - आरके जिम्बा

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।

प्रायोजक थेन वेभ मास्टर मुकेश लामा, याम्बु, नेपाल ।
E-mail ceo@tamsalingonline.com