काँग्रेसला कारण ह्युलरी गणतन्त्र घोषणा लाबारी गाइजि

खाला मुला ताला सीबी लामादा गोली छेब्बा ?

खबरदारी आन्दोलनला आवश्यकता

छार दिङला होइस्हेरथेन ङेबान नागार्जुन

खराङलसी नानाआङाकादे विदेशरी चुङबाटिम ?

संचार थुमरी लोकतान्त्रिकरण थेन पुनः संरचना

ग्लेसे दक्षिणकालीरी पुजा लाजी

नुवाकोट याम्वू सम्पर्क भेला

सिनासला अन्तरक्रिया गेताङ थुम्जी

सञ्चार समूहला साधारणशभा

का दान गेताङ तासेदा शहिद अनिल लामाला मिनरी श्रद्धञ्जली सभा

सरकारी सेवारीनो समाबेशी अभियान

प्रतिभा प्रवाह गेताङ

विद्यार्थी घेदुङला विचार गोष्ठी

जातिय तेन क्षेत्रिय पार्टी ठ्वाङवारी याङतोला

सेमरी म्हान्बा ताम

ताम्सालिङ न्हाङरी चेतना बोर्बा अभियान मुला

तामाङ काइला काइ

श्रीलंका तेन अष्ट्रेलिया उपधिला ग्यामरी

खै ! खालाङ खाजी लोकतन्त्र ?

प्रगतिशील ह्वाइ कोदोजी

योञ्जनला डान्बा खाजी

ङाला वास्तविक कहानी

          ताम्सालिङसे लाबाजा तिलाई आला

लेप्सी जिन्बा यात्रा ला गोङमा कादे लेप्नान लातोला

तिला ज्याबा डान्बा बिसे ?

पिर ताबा मुला

गजल

तामाङ फिल्मला ब्यस्त कलाकार

तामाङ चलचित्रला दर्शक च्याङना मुला

याम्बुुसे ज्यात्ना नागार्जुन गाँङ याम्बु क्यारक्युरलाला ह्युलबाला लागिरी पक्कान ङाआसेबा मिन आहिन । नागार्जुन गाँङदा जामाचोक अझ तामाङ ग्योइरी लाङरुदेन मिनग्याम ङोसेबारी खाम्ला । नागार्जुन गाँङला ह्राङलान महत्व मुला । ह्याङसे नागार्जुनला दोङराप माइसी च्याजी बिसाम बौद्ध धर्म थेन तामाङला दोङरोप थर्ुबा नामदारकादे नागार्जुन गाँङथेन सम्बन्ध मुबा दोङराप याङबारी खाम्ला । चुह्राङले ह्राङला ल्होलोन महत्व मुसाइता पनि नागार्जुन गाँङ थेन थेला वातावरण बिसाम दर्ुइ दुइरी विवादरी खासी टिबा मुला । आज्याबा विवादग्यामसे थारेङ ताबारी बाङ लाबा ओन्छ्यान नागार्जुन गाँङ छार दिङ अर्थात् २०६४ साल गी रेकुनु विसाम सेमरी स्हु पुइसी तासाइनोन छार दिङला स्योला छार होइस्हेरथेन छ्याम ज्युम ङेबा देप्पान ह्राङजा दोखाबा डोन्बोदा ङेबान डेन लाबारी व्यस्त म्राङबा मुबा । छार दिङ कुन नागार्जुन गाँङला लेप्पा कुरी याम्बुसे ज्यात्ना, थारेङला कोरबोनकादेला ज्याबा चहल पहल म्राङबा मुबा । थेह्राङलेन थारेङ ह्यान्छे याम्बुला गोलढुंगा ग्याम्से घण्टा ङ्िहा बिमा ल्हाना एक्कोहोरो खान क्रेसीमान काङ स्हुला छ्यामरी नागार्जुन गाँङला कुरी दोमा खाजिवाइ कोरवोनकादे साँच्चिन सेमन्हाङ ह्यान्छेन फूरफुर ताङसी ङेबा स्याबा म्राङबा मुबा ।

थारेङ-थारेङ ल्होलो-ल्होलो ग्लाला कारेबानकादे गिसेम गि छार-छार ङोआसेवा कोरबोन थेन ङोसेबा देप्पारी उत्सुक म्राङबा मुबा । थाहा आरे थे ह्राङ-ह्राङला ङोसेबा देप्पाला ताङरी कादेसे गिसेम गिरी सेम तिङनोन देप्ची । क्यारथेन्जा ङोसेबा देप्पान छ्याम गुरु पद्मसम्भव थेन तामाङ छ्योर्तेनदा साँक्षी थान्सी मायालु जोडीकादेसे सत्तानला लागिरी मायानोन देप्ची ताला । ल्होलो-ल्होलो थरिला कोरबोनकादेला लागिरी ओत्तेन उपयुक्त छुबा ग्लारी दोमा जो खालाईला सेम फर्ुताङसी सेमला स्हुकादे स्योङ म्लेसी सिम्बा लाबाथेन स्याबारी खाम्बा छोर्बा मुबा ।

खालाइला सेमला ह्रो ह्राङबान म्राङबा नागार्जुन गाँङला थोबोग्याम याम्बु पोकोल ह्यान्छे क्यार क्यूर औधि ज्याबा दृष्य म्राङबा मुबा । थेरी दोबा कोरबोनकादे नागार्जुन गाँङला दार्ज्र्यूला लुङदार थेन छ्याम क्यारक्यूरला दृष्यकादे क्यामेरारी च्यूप्पारी व्यस्त म्राङबा मुबा ।

ह्युल न्हाङ ह्युल फिर्क्याप थारेङ-थारेङसे दोखाबा कोरबोनकादेदा ङेसी डेन लासी क्रासी-क्रासी फेतोबा ओन्छ्यान नागार्जुन गाँङला बिसाम ह्राङलान व्यथा म्राङबा मुबा । ओत्ते जेबा ज्योमोलुङ ह्राङबा, लानी ह्राङबा, म्हेन्दो ह्राङबा नागार्जुनला लेप्पा कुरी गोङमा न्हेमा तिलोओन गौरवला अनुभूति ताबा मुबा विसाम तिलोओन प्रत्येक गोङमा गोङमारी नागार्जुनला सेम स्हु खाबा, तिङ स्हु खाबा छोर्बा मुबा ।

भाग्यवश थे छार दिङला छार रेकुनु अर्थात २०६४/१ रेकुनु चु पंक्तिकारनोन ह्राङला ह्रोकादेला छ्यामरी नागार्जुनला कुरी गोङमा न्हेबारी संयोग डिक्पा मुबा ।

गोङमा ल्हेबान निमा तामाङ गोन्बो अर्थात् ला गुरु पदमसम्भवला लाकु ङ्हाच्छा दोसी गतिशिल गोङमा टक्क रोकाप तामा चु पंक्तिकारला आमाने सामुने थे तामाङ गोन्बोला पुजारे अर्थात् लाकु थेन गोन्बोला ङाम्ला म्हि दा राप्पा स्याप्ची । थे म्हि स्यान खालाई आताना थेनोन गोन्बोला पाठ पुजा लाबा पुजारे टिम । खालाङ दोसाइ कुटिसी टिबारी आखाम्बा चु पंक्तिकारसे ङ्योइबा आन्सार त्रिशुलीला कान्छाराम मोक्तान पुजारेसे प्रत्यक्ष रुपरी चुह्राङले दुखेसो सुङजी "ङानी चुरी टिबारी ल्हाना गार्‍हो मुला । स्यानमी तिला पाङसे चाबा क्युदोना चु गाँङसे माम्बु रिङरोङरी दोसी बातोबा मुला । तिलाई ज्याबा व्यवस्था आरे । जस्तोन दुःख नासी टिसाइनोन गोर्गी ताङ बाला ताम तिला विसाम दात्ते चुरी ङ्हाछा ह्राङ ह्यो लाबा ढाँट लाबा स्यान अपराध गे लाबाकादेला डर जा विसाम थारेङ ताबा मुला ।

मोक्तानसे सुङबा आन्सार नागार्जुन गाँङ गुरु पद्मसम्भवदा ज्यालबारी स्यान हु्रइ बिमा तामाङ थेन तिब्तेनकादे ल्हाना बिमा ल्हाना दर्शनार्थी दोखाबा मुला । थेह्राङलेन पुजा पाठला ताम लातोमा ग्रेन पुजा ल्होछारला छ्यामरी बुद्ध जयन्तीरी ताबा मुला । ल्होछार थेन बुद्ध जयन्तीला अवसररी ल्होलो ल्होलो ग्लाला लासी छ्यो आछ्यो तोङ सोमदोना श्रद्धालु भक्तजनकादे नागार्जुन गोन्बोरी जोम्बा मुला । नागार्जुन गाङरी दोबाला लागिरी गोलढुंगाग्याम गाडी निबा ग्याम १६ किलोमिटर मुला बिसाम पैदल यात्रीला लागिरी ५ किलोमिटर ग्यालाम ब्रातोबा मुला ।

नागार्जुनला ग्यालाम ह्रिन्हाङरी रेएदाङसे आप्राधीेक गेकादे ल्हेबादा नियन्त्रण लाबाला लागिरी बन तथा भूसंरक्षण केन्द्रसे-म्हेत्तो ब्ली सुरक्षाकर्मी थान्बा मुला । तासाइ थे पर्याप्त आरे । ओत्ते जे आताना थेरी नाङसाल, क्यर्ुइला ग्रेन समस्या मुला । विसाम सडकला ओत्ते सुविधा आरे । चु ह्राङबा हरेक दृष्टिकोणसे च्यामा ल्हाना समस्याला ल्हुङरीनोन तार्साई जेसी टिबा नागार्जुन पर्यटनक्षेत्रला ग्रेन संभवना पुइबा ग्ला हिन्ना, ज्याबा ग्ला नागार्जुन हरेक समस्या थेन संर्घष्ा लासी टिबा म्राङबा मुला ।

नेपालला छ्यामरी फिर्क्याव हृ्युलला डोन्बोकादेला आकर्षाला केन्द्र विन्दृु दोबारी सफल नागाजर्ुृनला संरक्षण थेन सर्ंबर्द्धनतरी राज्यसे बाङ लातोबा आवश्यक म्राङबा मुला । चुपट्टी सरकारसे सेम पिन्सी नागार्जुनदा साँच्चिन क्योङनोन स्हेसे सुविधा सम्पन्न स्होखाम्साम फिर्क्याप हृ्युल्ला डोन्वोकादेमी डुइबारी अवश्यन खाम्ला । ओत्ते जे आताना ज्योमोलुङ ह्राङबान ओन्छ्यान थे नागार्जुन गाङ बामनाङ पाडाम्हेन्दो थोसीमान डोन्बाकादेला डेनरी ताङसीमान हरेक रेला स्योला होइस्हेरथेन सत्तान -सत्तान ङेबारी खाम्सेला ।