तामाङ ह्वाइ संगितला माहोलरी तामाङ एल्बमकादे तेबो ताङ त्रि्र रुपरी ल्हेसी टिबा मूला । चुनोन एल्बमतेबी भिड्भाडला माहोलरी अमृत लामाला ङहाच्छा सोलो डाङ "छार ह्युल ह्याङ तेमाल जात्राला अबसर लासी तेबा" "छार ह्युल" एल्बम तामाङ सञ्चार समूहसे याम्बुृरी सेह्ङबा फापर दोहोरी साँझुरी बुद्धिजीवी ङा गणेश योञ्जनसे विमोचन लास्युबा हिन्ना ।

ल्होलो ल्होलो खाल्ला ल्हाना एल्बमला छ्यामरी फिल्मकादेरी ह्वाइ कोसी जिन्बा काइपा अमृत लामाला ङाहाच्छा डाङ हिन्ना । ल्हाना ह्राङबा मायाप्रेम, दुःख पिडाला ह्वाई कोबा काइपा बिसी ङोसेबा अमृत लामासे ह्राङला एल्बम छार हृयुलरी विसाम ल्होलो-ल्होलो ब्रोइला ह्वाई प्रस्तुत मूला ।

एल्बम छारह्युलरी साइड एरी एता ङाला, म्हिसे म्राङबा, ङाला सेमन्हाङरी, ताम्सालिङ बोलला गोर ब्ली ह्वाइ मूला विसाम, साइड बीरी ङाला सेम्जो, ल्होसार, ओज्याज्यो, ताम्सालिङ बोलला गोर ब्ली ह्वाइसमेटापन्लाबा मूला । अमृत लामाला काइला छ्यामरी दिपेन्द्र दोङ, प्रकाश ब्लोन, छिरिङ मोक्तानला छिग थेन विश्वदोङ, चन्द्रकुमार दोङ, अमृत लामा, कुवेर सिं दोङला संगीतला छ्याम-छ्याम इन्दिरा गोले, शशीकला मोक्तान, योगिता मोक्तान, बबिता पाख्रिनला काइला संयोजनरी छारह्युल एल्बम दोबारी संयुक्त ताबा मूला । छार ह्युला एल्बमरी दिपेन्द्र दोङला गोरसोम छिग मूला बिसाम प्रकाश ब्लोनता नोन गोरसोम छिग्मुला । थेह्राङलेन, छिरिङ मोक्तानला याखारगी छिग मूला । थेहोह्राङलेन गोरसोम ह्वाइर अमृत लामासेन काइस्हेङबा मुला । एल्बम छार ह्युल्ला ल्होला न विशेषता तिला म्राङबामूला विसाम ह्युल्ला परिस्थिति आन्सार प्रकाश ब्लोनला छिग मूबा ताम्सालिङ बोल्ला ह्वाइ अमृत लामाला काइला छ्यामरी योगिता मोक्तान थेन बबिता पाख्रिनला काइरी ङहिरेम खाई लाबा मूला । समग्र रुपरी छार ह्युल एल्बम ज्याबा ब्रिख्खेनकादेला ज्वाबा छिग, ज्याबा काइस्हङेखेन कादेला काइसाङ ओह्राङ लेन ज्याबा काइकादेला मिश्रणला रुपरी उत्कृष्ट म्राङबा मुला ।

छार हृयुल एल्बमरी ङ्यान्खेनला सेम कुसैला छ्यामरी ह्युलसे् माइबा ह्राङबा ताम्सालिङ ह्यान्दे ल्होछार, माया प्रेम ह्राङबा ब्रोइला ह्वाइकदिला संगालोला रुपरी खाबा मुला । एल्बमकादेला प्रतिस्पर्धात्मक भिडभाडरी काइपा अमृत लामाल ङहाच्छा छार डाङला रुपरी थोन्बा एल्बम छार ह्याुलसे ङयान्खेनकादेला सेम डासी ह्राङला ल्होलो न परिचय ओन्सी ज्याबा अस्तित्व कायम लाबारी सफल ताबारी खाम्ला म्राङबा मूला ।

                                                                - याङसीला तामाङग्याम

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।

प्रायोजक थेन वेभ मास्टर मुकेश लामा, याम्बु, नेपाल ।
E-mail ceo@tamsalingonline.com