दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
घेदुङला डेन गेताङ
याम्बु । नेपाल तामाङ घेदुङ याम्बु से छार घेदुङला पदाधिकारी गेताङ स्हेङजी । गेताङरी याम्बु जोङसे नेपाल तामाङ घेदुङला डुछा जोम्नासे दाम्बा छार प्रतिनिधिकादेदा डेन लाबा मुबा । होजा डेन गेताङरी याम्बु जोङ घेदुङला गौही जीत बहादुर तामाङ, नेपाल तामाङ घेदुङला ह्रोचोहो दिडकी लामा, गौराही कुमार ब्लोन,रवि तामाङ युवा घेदुङला चोहो अमिर मोक्तान, बलबहादुर लामा ह्यान्छे स्यान-स्यान डोन्बोकादेसे ह्राङ-ह्राङला न्हेङमो थान्स्युबा मुबा ।
गेताङ पुन्य बज्र लामाला चोहोदानरी थुम्बा मुबा ।
छार गेन्दुन बर्ल्ड तामाङ कल्चर
ल्होल्हो सांस्कृतिक गेताङला छ्यामरि कलाकार समाजसेवी, बुद्धिजिवी, पत्रकार ह्राङबा वेनान ग्लाला व्यक्तित्वकादेला गी स्होवान विकृति विसंगति कादेदा व्याङवान पर्ुखासे स्हेावा कला जगर्ेना लादासि सांस्कृतिक आन्दोलनग्याम कुनाकाप्चारी म्हासि चिवा कला, प्रतिभा ह्रिमठिमकादेदा समावेश लासि वोर्वा ओम ल्होलो ह्युलकादेरी चिवान खाबा नेपाली प्रवासीकादेथेन भाईचारिक सम्बन्ध थेन सहकार्य लवान निवा नेपालला ल्हानान ग्लारि ठाम्सी चिवा गेन्दुनकादेथेन सहकार्य लासि ग्रामीण क्षेत्ररी लिच्छा तासिचिवा वर्गकादेदा टेवा पिन्बा खालला गेताङकादे स्हेङवा उद्देश्य थोवान खोपोङरी तामाङकादेसे आर्कु छार गेन्दुन ठ्वाङवा मुला । भरत योञ्जनला संयोजकत्वरी ठोङवा बर्ल्ड तामाङ कल्चर मिनला होजा गेन्दुनरि लालबहादुर योञ्जन चोहो, मोहोन दोङ ह्रो चोहो, राजेन्द्र घिसिङ गौर्राई ओम लक्ष्मी योञ्जन न्होर चोहो मुला । थेह्राङनोन लासि सदस्यकादेरी अम्बिका मोक्तान, शुक्र लामा, भिम दोङ, रोज योञ्जनला छ्यामरी स्यान स्यान मुला बिसाम सल्लाहकारकादेरी प्रेम लोप्चन, तिर्थ मोक्तान थेन हिरा लामा स्याङवा मुला विदासि चु गेन्दुनला चोहो लालबहादुर योञ्जनसे ताम्सालिङदा जानकारी पिन्बामुला ।
छोरङान महिला समाजला योग अभ्यास
याम्बु । छोरङान तामाङ महिला समाज बौद्धसे ङसि रेला योग अभ्यास गेताङ स्हेङबा मुला । नानाआङाकादेला स्वास्थ्यरी ध्यान पिन्सी होजा गेताङ स्हेङबा हिन्ना । छोरङान तामाङ महिला समाजला चोहो फूबुयाङजी घिसिङसे सुङ्बा अनुसार थे गेताङ निबा लाला १५ रे ह्यान्छे २१ रेदोना संचालन ताबा मुबा बिसाम गेताङरी सोम च्युइसे ङसि नानाआङासे बे किन्बा मुबा । गेताङरी सुरेन्द्रराज नकर्मी, अमिना लामा, पर्ूण्ामाया लामा ह्यान्छे स्यान प्रशिक्षककादेसे प्रशिक्षण दोन्स्युमुबा । गेताङदा ओम योग संस्था टुसालसे प्रशिक्षककादे उपलब्ध लाबा मुबा । योग अभ्यास गेताङ श्री बौद्ध तामाङ कल्यान गुठीरी ताबा मुबा ।
ग्योइकाई गेताङ ताजी
याम्बु । तामाङ डाजाङसे लाएन दाङसे स्हेङसी खाबा ग्योइकाई गेताङ निबा २६ रेकुनु मुला । होजा गेताङरी तामाङ ह्वाइखाला विषयरी इन्द्रराम मोक्तान, चन्द्रमान बज्यू, आस्मिता थिङ, गोले केआर चालिसेलीसे ह्राङ-ह्राङला सेमताम थान्स्युबा मुबा । बुद्ध तितुङ, गोले के आर चालिसेली, चन्द्रमान बज्यू, सुकरानी दोङ, सजना गोले, अस्मिता थिङ, इन्द्रराम मोक्तान, नेपाल प्रसाद स्याङदान, लिला बहादुर ह्यान्छे स्यान स्यान स्रष्टाकादेसे ह्राङ-ह्राङला सिर्जना प्रस्तुत लास्युबा मुबा । ग्योइकाइ गेताङला होजा गेताङ च्यूइ ङ्हासे ङ्हा बो -५५) हिन्ना । याम्बुला मानविकी क्याम्पस आरआर भृकुटिमण्डपरी ताबा होजा गेताङ सि. एस. दोङसे संचालन लास्युबा मुबा ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।