दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
चुह्राङबा तादोला दुइला जामेकोला
तिनी ङा गोरगिक जामेकोला ताबा हैसियतसे जामेकोलालान गुङरी टिसी तिलैगोबा ओम गोना लाबा बाङ लाबाइगेन मुला ।जामेकोला ह्याङला समाजरी जा कोला बिमा जाक्कि मारनोन टितोबा , दिमथेमेदा अङ्योइना खालाङएन निबारी आताबा जन्ति आलदेदोना खालैला दिमरी म्हुना गिक सुत्तन थाबारी आताबा टिनोन तोबा दुइ -अवस्था) खासाइदा पनि बेनान स्पष्टीकरण पिन्तोबा ओम थे जेक्खेन आताना जहाँ टिजी थेनोन ग्लारी दोशी निउ चुरी तिला म्हाइबारी खाबा बिसी अनेक थरिला आरोप प्रत्यारोप कादे जामेकोला फिरी पोप्ला । ओनछ्यान तिला लासे चु समाजला नियम नोन थेह्राङबा टिम बिइ म्हान्बा लाइ म्हान्बा ताम तेन गे कादेदाइ सेमन्हाङरीन तोक चिम्सी सेम नासी तिङ खिसी टितोबा मुबा । बिसाम दात्तेला चु एक्काइसौ सताब्दीरी देखासी हृ्याङला जामेकोलाकादे नोन जा कोला बिमा लिच्छा आरे है बिसी ल्हामान जामेकोलाकादेसे उदाहरण ओन्सी जिन्मूला । पासाङ् शर्ेपासे ज्योमोगाङ क्रेसी हृयाङलान नाआङाला छान यान्जी बिसाम सेमल्हेङला थुृमरी पारिजात नानासे ह्राङला छान जेक्खेन अथान्न नेपाली सेमल्हेङरी देवकोटा लिच्छाला सफल सेमल्हेङ खेन्पो सफल ताजी बिसाम तिल्दा अझै हृयाङला समाज थेनोन ग्लारी अल्झपतासी टिबा । चुदेबा दुइरीनोन जामेकोला कादेदाह्राङला आत्मानिर्ण्र्ाााइ अधिकार आयाङमा बिमाजाङहाच्छा ला ह्ाङबा दुइ आरे दात्तेला जामेकोला शैक्षिकनोन ङाहच्छा खासी जिन्मुला । ओदे तासाइ पनि ह्ाङलान दिमथेमे ग्याम से शारिरीक मानसिक रुपसे शोषित तासिन टिबान मुला । ङाला गोरगिक आह्वान मुला हृ्युल्ला क्योङनोन जामेकोला कादेला चु दुइ बिबा म्रिङकोला कादेला जागरणला दुइ हिन्ना । ह्राङला मुक्तिला लागिरी ह्राङनोन रेसी छेबारी खाम्दोला चु दुइरी नोन आरेसामी रेबाकादेसे हृ्याङ दान नाङसी ङहाच्छा ब्राबारी बाध्य तासेला मुला ।
ङादा म्हान्बा मुला विचारकादेला पोरेनोन दात्तेला दुइला आधुनिकता हिन्ना । थेतासि सामाजिक राजनैतिक ओम थेपट्ट िजिज्ञास पिन्बा जेक्खेन दात्तेला दुइला जामेकोला बिबारी खाम्ला चु दुइरी खासी हृयाङकुटिसी टिला आदे ह्ाङला सेमन्हाङला इच्छा चाहना रहरकादेदा थुम्ना लाबारी चुरी ल्हामान सर्घष्ा लादोला तर चु दुइ बिबा ह्याङलान हिन्ना बिसी ह्राङला गोङमादा कोङनाले जुसी ब्राबारी खाम्दोला । म्हिसे स्होबा ग्यामरी अहिन ह्ाङला ग्याम ह्राङसेन स्होसी ब्रातोला चु समाज तेन दिनथेमेदा समालोचनात्मक ढंगसे गोना लाबारी बाङ लादोला ओम ह्राङला जामेकोला तेन नानआङा सेमला म्हाङदाइ गोबारी खाम्दोला ।
दात्तेला शिक्षित जामेकोलासे चु तामदा नाबारी आखाम थेतासी क्योङनोन ज्योज्यो आले कादेसे चु तामदा नुप्नाले चु समाजरी जामेकोला कादेदाइ ह्राङला अस्तित्व कायम लाबा छ्यामरी स्वतन्त्रपर्ूवक ह्राङला सेमला ताम पाङयाङबा अधिकार ग्यामसे बञ्चित लाआम्याङ अनि जस्तो सुकै चुनौति तेन सर्घष्ाला दुइरी नोन चु जामेसे ह्राङाला हक अधिकारदा सुनिश्चित लासिन ख्लाला ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।