दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
सिनेम्हेन्दोला विमोचन
याम्बु । सिनेमुलक स्योस्यो सिनेम्हेन्दोला ग्रेन डोन्बो फिल्म निर्देशक जयनन्द लामाला छ्याग्यामसे विमोचन ताबा मुला । गेताङरी ब्रिख्खेन रविन्द्र तामाङसे ह्राङला ल्हेङमो थान्स्युबान तामाङ दोङरापरीन पर्ूण्ारुपरी तामाङ ग्योइरी तेबा 'सिने म्हेन्दो' ऐतिहासिक तासेला मुला, सिनेम्हेन्दोसे फिल्म, ह्वाइ संगीतला छ्यामरी मासी निबा नाटककादेलानो माइसी समिक्षा लातोबा तामाङ स्योस्योकादेला क्योङसेन संरक्षण लातोबा हिन्ना बिसी सुङजी । तामाङ संचार समुहला चोहो प्रतिक ङेसुरसे तामाङ ग्योइला लागिरी छार प्रयास सिनेम्हेन्दोसे लाबा मुला, सिनेम्हेन्दो सम्रगरी प्रसंसा योग्य, स्योस्यो न्हाङला स्हेन्हारे ज्याबा मुला बिसाम ग्योइला हिसाबरी शुद्धता थेन अनुशासनरी ध्यान पिन्तोबा बिसी सुङजी । थेह्राङलेन ग्योइ, धर्म, संस्कृतिला छ्यामरी माबान मासी निबा कला थेन कलाकारला खोजी सिनेम्हेन्दोसे लातोला सुङबान संचारकर्मी अमरध्वज लामासे ह्राङला ल्हेङमो थान्स्युबा मुबा । गेताङरी संचार समुहला ङ्हाच्छाला चोहो रुद्र सिं तामाङ, संचारकर्मी रमिता बल, संचारकर्मी दिपेन्द्र दोङ, संचारकर्मी भरत बम्जन, आदिवासी विद्यार्थी समुहला चोहो तेज कुमार लिम्बु, नायिको सुकु मोक्तान, शान्ति लामा, नायक हिरालाल ब्लोनसे सिनेम्हेन्दो फिरी ह्राङह्राङला सेमताम थन्स्युबा मुबा । याम्बुला विश्वाभाषा क्याम्पसरी ताबा होजा विमोचन समारोहरी ल्हामान कलाकार संचारकार्मीकादेला उपस्थिती मुबा ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।