दात्तेला दुइरी ज्याबा गे लाबा खाला बिबाला सवालरी तामाङकादेसे ङादा दाम्सी थे चोहोला बो ङादा पिन्मा ताङबा मुला । तामाङकादेसे ज्यानालासी दाम्बा ह्राङबा छोर्बा मुला ।

घेदुङसे तिनी दोना जति महाधिवेशन लाजी थेरी चोहोला लागिरी कडा प्रतिस्पर्धा लाबा ठिम मुबा । चुपाल्सेमी र्सवसम्मतीरी ह्राङदा चोहो दाम्बा बिबा थेबा मुला खास तिला हिन्ना ?

थे सहि ताम हिन्ना ।ङादा र्सवसम्मतीसे चोहोरी दाम्बाला कारण घेदुङप्रति ङाला र्समर्पण, ङाला विचार, गे लाबादा मुल्यांकन लासी जोम्नारी दोखाबा तामाङ इष्टमित्रसे चु म्हि चोहो तातोबा बिसी ल्होलोन माहोल स्होजी । चोहोरी स्यान ह्रोकादेनोन रेबा मुबा । र्ङाई घेदुङप्रति तामाङ ह्युलबा प्रति समर्पित तासी गे लाबासे चुसे ज्याबा गे लाला मान्जी । ङाएनोन ज्याबा गे लाबारी इच्छुक म्हि हिन्ना ङादा गे लाबारी ग्ला पिन्गो पिन्सी ज्याबान सुङसे पाङजी थेसे लामा चुसे ज्याबान गे लाला बिसी क्योङनोन र्सवसम्मतिरी निबारी सेम ताजी ।

ह्राङ चुविमा ङहाँच्छा घेदुङरी स्युसी ल्हाना दर्ुइ गे लासि जिन्बा मुला । ङहाच्छा पश्चिम अञ्चल ह्रोचोहोला रुपरी गे लास्युबा म्हि । चुत्ते तानातानान तामाङकादेला गुङरी धनप्रसाद तामाङ बिबा ओत्ते ङोसेबा मिन आहिन बिबा थेबारी खाबा मुला चुरी ह्राङला तिला प्रतिक्रिया मुला ?

चु खाह्राङले ताजी विसाम ह्याङला तामाङ संचार याम्बुरी मुला, याम्बु छ्योछ्योरी मुला । पश्चिमरी क्यार ओत्ते संचारमाध्याम आरे । तामाङ संचार आरेमा ह्यान्छे ओत्ते सेवारी आखाम्नी । स्यान कारण ङा खाप्पा म्हि हिन्ना बिसाम मिन बिमाइनोन गे ल्हाना लातोबा बिबा हिन्ना । छ्यामरी पश्चिमरी टिसी गे लाजी याम्बुरी प्रसारप्रचार आताबा हिन्ना । थेसे लामा ङा ह्रोकादेला गुङरी छार ह्राङबा छोर्जी । ङाला हे्रङबा अनुभव मुसाइनोन पुरानो म्राङबारी आखाम्नी । तर घेदुङला सम्बन्धीत ह्रोकादेदा ङ्योईसामी चु म्हि पुरानो थेन ह्रेङबा अनुभव मुबा म्हि तर प्रचाररी खाबा म्हिजा आहिन बिला ।

चु बिमा ङ्हाच्छा घेदुङरी परशुराम तामाङ, महेन्द्र जंग तामाङ ह्राङबा दिङला हिसाबसेनोन परिपक्व म्हिसे नेतृत्व लाबान खाबा मुबा । तर ह्राङला दिङ च्याजी बिसाम ब्योन म्राङबा मुला । दारेम घेदुङला नेतृत्व युवावर्गरी ह्राङग्याम प्रवेश ताबा गे चुबारी म्हाइबा बिबारी खाम्ला ?

बिबारी खाम्ला । चु अवस्था विषय दुइसे बाबा हिन्ना । तर गेलाबा आन्दोलन लाबा बिबा म्हिला दिङसे आहिन थेला गे, विचार से लाला । खाजिवाई गे लाबारी नेतृत्व लाबारी परिस्थितिसे ओन्ला । थे आन्सार गे लाबारी युववर्गसेनोन खाम्ला । ह्राङसे सुङमा ह्राङनोन दारेम घेदुङरी युवावर्गला प्रतिनिधित्व शुरुवात ताजी बिसी ङोसेला ।

घेदुङला डुछा जोम्नासे ह्राङदा चोहोला रुपरी दाम्बा मुला । दारेम जा घेदुङसे तामाङकादेला गुङरी चु-चु गे लातोला बिसी होह्राङबा तिलाई योजना स्होबा मुला की आरे ?

ङानीला योजना सोच तासी जिन्बा मुला । ङ्हाच्छा तिका विसाम ताम्सालिङला विषय हिन्ना । स्यानजा नेपाल तामाङ घेदुङदा ह्युलक्योङनोन तामाङ मुबा ग्लाग्लारी दोना सेनागोना लाबा, सोमछा योजना बिबा घेदुङ तामाङला संगठनदा ताम्सालिङरी बोर्बारी निवारी आधार स्होबा बिबाला अर्थ तामाङ न्हाङरी आर्थिक हिसाबरी आत्मनिर्भर स्होबा गे र्बोर्सर्ेे हिन्ना । थे बिबाजा तामाङ कल्याणकारी सहकारी कोष स्होसेला हिन्ना । चुह्राङबा गेाताङ स्होसी ङ्हाच्छा निबा योजना मुला । छ्यामरी घेदुङसे ह्राङलान भवन स्होबा योजनानोन ङ्हाच्छा बाबा मुला ।

ह्राङसे ताम्सालिङला ल्हेङमो लास्युजी । ताम्सालिङ बाबाला लागिरी ह्राङनीसे खाह्राङबा खाल्ला आन्दोलन तय लास्युबा मुला ?

दात्ते ताम्सालिङदा स्थापना लाबारी खाप्पाई बिमा ङ्हाच्छा तामाङ संघसंस्थाकादे गिकनोन स्होबा, थेह्राङलेन राजनैतिक संस्थाकादेदा ग्लागिरी गोलबन्दी लाबा, थे लिच्छा तामाङ राजनैतिक पार्टर्ीीठन लाबारी प्रेरीत लाबा चु सोम ग्यालामसे ब्रासेला मुला । स्यानजा तामाङकादेदा सडक आन्दोलनरी बोर्बा, राजनैतिक पार्टर्ीी तामाङकादेदा राजनैतिक पार्टर्ीीहाङरीनोन तामाङ ह्रोकादेदा ताम्सालिङला ताम गोना ल्होलोन ल्होलोन अभियान स्होबा । पार्टर्ीी नीतीरीनोन ताम्सालिङला ताम थुइसी थान्बान निजी बिसाम व्रि्रोह लाबा ग्याम ग्रेन ताला । चुह्राङले सडक आन्दोलन, पार्टर्ीीपार्टर्ीी ताम्सालिङला ताम लासाम बेनान गि तामाह्यान्छे तामाङ हरेक ग्लारी ङ्हाँछा पुइबारी दोबारी खाम्ला । थेला लागिरी ङानीसे ताम्सालिङ क्षेत्ररी तामाङ उम्मेदवारकादेजे रेतोबा ओम ताम्सालिङ क्षेत्र विमा फिरक्यापनोन तामाङला कादे जनसंख्या मुला थेला प्रतिशतला आधाररी उम्मेदवारी रेबारी पिन्तोबा बिसी योजना स्होबा मुला । थेह्राङलेन निर्वाचन प्रणालीरी जातीय, जनसंख्याला आधाररी निर्वाचन प्रणाली स्होतोबा बिसी आन्दोलन लाबा दुइरी जुन-जुन पार्टर्ीी ताम्सालिङला ताम आङ्यान्बा आथेबादा बाहिष्कार आन्दोलन लातोबा योजना मुला ।

दारेम ह्युलरी संविधानसभाला चुनाव योनान ताबान मुला ल्होलो-ल्होलो जातीय गेन्दुनसे जातीय, जनसंख्याला आधाररी निर्वाचन प्रणाली तोवा विवा लाबा मुला । तर सरकारसे विसाम जनसंख्यला आधाररी निर्वाचन प्रणाली स्होबा बिबा मुला । चु विषयरी ह्राङनीला तिलाई ठोस योजना मुला ?

चु विषयरी संविधान ङ्िहारेम संशोधन ताबा प्रक्रिया बाबान मुला । ह्याङला तामाङ सांसदकादे ह्रुप लासी ताम्सालिङला ताम थान्सी कमिटी स्होबा ताम ताबा मुला । संविधान दोस्रो संशोधनरी तामाङ संसदकादेसे ह्याङ ताम्सालिङला ताम थान्तोबा मुला । थेह्राङलेन जुलुस आन्दोलन नारा, घेराउ गेताङकादे स्हेङबा योजना मुला ।

नेपाल तामाङ घेदुङला ल्हेङमो लातोमा तामाङला गुङरी घेदुङ फराकिलो ताबारी आखाम्नी, जिल्ला विस्तारला ताङ ६५ वटा जिल्लारी दोसाइनोन सुचारु रुपरी गेलाबारी आखाम्नी बिमा घेदुङला जवाफ द्व्न्द्वला कारण थेह्राङबा ताबा हिन्ना बिबा लामूला । दारेमजा ह्राङ चोहो दोस्युबा मुला । निबा दुइरी जुन ढंगसे नेपाल तामाङ घेदुङला शाखाकादे विस्तार ताबा मुबा निबा दिङरी सक्रिया मुबा शाखाकादेदा दारेमला रेरी खाह्राङले सक्रिया ताना लाबा योजना स्होबा मुला ह्राङनीसे ?

घेदुङलान ताम तामाङला टा-टारी दोना लाबारी दात्ते ङानीसे एकिकृत संगठन स्होबा योजना लाबान मुला । थे योजनारी तिला मुला बिसाम जुन ग्यालामग्याम घेदुङला ताम ह्युल्सा न्हाङनोन बोर्बारी वाङ लासेला ओम सामाजिक सांस्कृति मुद्दाकादे थिबा, आर्थिक आत्मनिर्भरताला योजना बाबा, सं्रगठन विस्तार लाबा छ्यामरी आन्दोलनला विषयदा छ्यामनोन बोर्बा ह्यान्छे बृहत एकिकृत कार्य संगठन स्होबारी खाम्ला । चु आधाररी आन्दोलन छ्याम-छ्यामबोर्मा संगठन टाटारी दोला बिबा मान्बा मुला । छ्यामरी संविधानसभाला विषयरी शन्देश, सभा, प्रशिक्षण गेताङ, क्षेत्र, जिल्ला जिल्लारी दोना लाबा बाङ मुला । थेलिच्छा संविधानसभारी खाला निबा बिसी आन्दोलन लाबा संविधानरी निबा म्हिमाइसी तिगा लातोबा बिबा डान्तोबा ओम संविधानसभासे स्होबा छोरमुला । थेला लागिरी संगठन स्होबा योजना स्होबा मुला ।

दात्ते चुत्तेबा दर्ुइरी ह्राङ नेपाल तामाङ घेदुङला चोहो दोबा मुला ? घेदुङला चोहोला हैसियतसे तामाङकादेदा तिला सुङला ?

तामाङकादेदा तिगा बिबा सेम मुला बिसाम ह्याङ तामाङ सत्तान कमजोरी, ताजी बिसाम सत्तान लिच्छा ताला । बेनान थुमरी तामाङगिक तातोला ह्युल न्हाङला तामाङरी राजनैतिक जागरुक बाखाम्तोला । थेलामाह्यान्छे पर्ूण्ारुपरी जागरुक तासी जे आन्दोलनरी नितोला । आहिन विसाम सत्तान म्हिसे नाङसीन थान्ना । थेतासी आन्दोलनरी ज्याबा नेतृत्व तोला । ज्याबा नेतृतव ताना लाबारी क्योङदान राजनैतिक जागरुक बाखाम्तोला । ओम तामाङ क्योङसेन घेदुङसे तिला तिला लासी टिबा मुला बिबा मुल्यांकन लातोजी । घेदुङ म्हर्ेर्सर्ीीटबा मुसाम रेन्तोजी ।

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।

प्रायोजक थेन वेभ मास्टर मुकेश लामा, याम्बु, नेपाल ।
E-mail ceo@tamsalingonline.com