दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
डेमोस लोप्खाङला अभिभावक दिवस
खोपुङ ।सुयविनायकरी मुपा डेमोस् इङ्लिस लोप्खाङला ङसिछा अभिभावक दिवस गेताङ सेङजी ।
गेताङला ग्रेन डोन्वो लोप्खाङ स्रोत केन्द्रला श्रोत व्यक्ति लक्ष्मी प्रसाद ढुकुछेसे ठोङसेङ लापा थे गेताङरी शिक्षाका सुनिता जोन्छेसे डेन्साङ ल्हेङमो थान्स्युपा मुबा । लोप्खाङला प्रगति प्रतिवेदन थान्पान प्रधानाध्यापक विनोद लामासे शैक्षिक क्षेत्ररि डेमोस इङलिस लोप्खाङसे ङाच्छा ह्यान्देन महत्वपर्ूण्ा योगदान पिन्बाला छ्यामरी अझ खापा दिङकादेरी सशक्त, प्रभाबकारी थेन गुणस्तरीय शैक्षिक गतिविधिता निरन्तर ङाच्छा बोर्सर्ेे मुला बिसी सुङजी लोप्खाङसे निःशुल्क कम्प्युटर शिक्षा, प|mेन्च ग्योइला कक्षा सञ्चालन, मार्सल आर्टला ल्होलो ल्होलो थुम थेन ह्वाइ, संगीत, स्यापा ह्राङपा प्रशिक्षण पिन्पा लामुबा ।
गेताङरी विद्यालय ब्यवस्थापन समितिला चोहो ज्ञान बहादुर लामासे खोपुङरी मुबा निजी लोप्खाङ कादेथेन चे प्रतिस्पर्धा आलाना याम्बु पोकोल न्हङरी मुबा बेनान निजी लोप्खाङकादे थेन प्रतिस्पर्धा लापान ङाच्छा वाङवारी बाङ लाबान मुला विसी सुङजी । थेराङनोन लासी अभिभावकला तर्फग्याम विष्णुमाया लामा, पाल्देन लामा, मानध्वज लामा, राजन लामासे ह्राङला ल्हेङमो थान्स्युबा मुबा । थेनोन अवसररी लोप्खाङसे शैक्षिक सत्र २०६३ री कक्षा ८ ला जिल्ला स्तरीय परीक्षारी उत्कृष्ठ अंक बाबारी सफल तापा लोब्वोन कादे, कृष्ण बहादुर श्रेष्ठ, रवि श्रेष्ठ, राजकुमार लामा, थेन विजय लामाता तोङ गी नगद पुरस्कार पिन्बा मुबा । थेराङनोन लासी गेताङरी शैक्षिक, खेलकुद थेन अतिरिक्त क्रियाकलापरी उत्कृष्ठ ताबा लोब्वोन कादेदा पुरस्कार थेन प्रमाण पत्र पीन्बाला छ्यामरी दलित थेन जेहेन्दार लोब्बोन कादेदा छात्रवृद्धिनोन पिन्बा मुबा । सांस्कृतिक गेताङला छ्यामरी ह्वाअी थेन ल्होलो-ल्होलो जनजातिला स्याबाकादे उन्बाला छ्यामरी मार्सल आर्टला ल्होलो-ल्होलो विद्याकादेनोन उन्तासी गेताङदा छुना लापा मुबा गेताङ सहप्रधानाध्यापक रत्न र्राईला चोहोदानरी थुम्बा मुबा ।
- रश्मी दोङग्याम
श्रद्धाञ्जली सभा लाजी
खोपुङ । डोङबा गर्जराम दोङला निबा २६ रेकुनु श्रद्धाञ्जली गेताङ स्हेङजी । होजा गेताङरी डोन्बो जनमोर्चा नेपालला ह्रोचोहो तेन स्वस्थ लोन्पो गिरीराज मणि पोखरेलसेे गर्जराम दोङसे उन्बा क्रान्तिकारी अभियानला म्हाङदा ह्याङसे थुम्ना लातोबा बिसी सुङजी । थेह्राङलेन डोन्बोकादे प्रगतिशील सांस्कृतिक संघला चोहो निनु चापागाइँ, शशी श्रेष्ठ, विद्यायक कमान सिं लामा, प्रेम कुमार लामासे गर्जराम दोङला प्रगतिशील विचारला कदर लाबान थेसे उन्बा ग्यालामरी ब्रातोबा ल्हेङमो थान्स्युबा मुबा । रामेछाप, काठमाण्डौ संर्म्पर्क समिति जनमोर्चा नेपालसे स्हेङबा होजा सभा-सभाला संयोजक अमृत सिं लामाला चोहोेदानरी थुम्बा मुबा ।
- रश्मी दोङग्याम
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।