जनजाति महासंघसे जेठ १८, २७ तेन २८ गते नेपाल बन्द लासोदा
निर्मल लामाला स्मृति दिवस

शान्ति खाबा छोर्बा आरे

मिख्लीला ल्हुइन्हाङरीनोन समाजसेवारी समर्पित

साङ्गे केवासाङ रे धुमधामसे दाङजी

युवा घेदुङला कादान

योग विज्ञान प्रशिक्षण गेताङ थुम्जी
महासंघला डेन गेताङ याम्बुरी
सञ्चार सममूहला छलफल
नुवालला च्यारिटी जेठरीन
छोरङान महिला समाजला साधारण सभा

ह्रवाइखा ङ्यान्माहेन्से..................
ताम्सालिङ बापरी ह्याङ युवाकादेसे तिला लातोला ओम ?

हेराङला भारदेउरी छ्योर्तेन

विवादरी फुटबल

नेपाल ह्युलसारी ताम्सालिङला सान्दर्भिकता

तामाङ राष्ट्रिय कवि गोष्ठी याम्बुरी

न्हासा-न्हयोरीला च्यारिटीसो

एल्वम चर्चा : बैरागीला नोबा गाँङ

मायाल न्हान: अचम्मला ङाङ ह्रिबासे सेम खुल्दुल !

नाम्साला ताम

व्हाइखा : ह्युलला कैरन

आज्याबा आरे:
मोडल रन्जिता लामा ।

ज्याबा फिल्म स्होतोला :
इमानसिंह योञ्जन, फिल्म निर्माता

हृयुलरी संविधानसभाला ताम लाबारी वाङबानोन दिङ गिक बिमा ल्हामा तासी जिन्बा मुला । सम्भवतः हृयुल्बाकादेला नाबेङनोन सुखासी जिनजी ताला राङ ङादा छोर्बा मुला । तिल्दा बिसाम संविधानसभाला ताम लाबा तर चुनाव बिसाम लाबारी आखाम्मा, खाल्दा थेराङ आछोर ताला र ?  संविधानसभा, संविधान सभा बिसी हृयुल्बाकादेसे हृयुल्ला लागिरी ल्हामान रेम संघर्ष लासि जिन्बा मुला । हृयुल्बाकादेला धर्यताला सिमानोन वाअीसी जिन्बाम मुला । तर हृयुल्री संविधानसभाला चुनाव बिसाम खाअीमा तासे - बिबान तिलाअी थाहा ताबारी खाम्बा आरे । गोबोनकादेसे खाअीमा दोनारी संविधानसभाला चुनाव लाबारी खाम्लाओम - चु दुअीरी हृयुल्बाकादेला म्हाङदा साच्चिनजा तिला गोबानकादेसे खेलवडा लाबारीन छेबा हिन्नाओम - बिबा शंका उपशंकाकादे लाबारी वाङसी जिन्बा मुला । अझन आन्दोलनकादे ओदेन तासी टिबा मुला बिसाम हत्या थेन हिंसा राङबा गेताङकादेनोन आदेन ल्हेसी टिबान मुला । हृयुलसे खाअीमा दोना चुराङबा परिस्थितिला सामाना लासी टिसे - बेनान बेनान दुःङाल ङाम्सी टिबाला मुला चु अबश्यथारी.... ।

हृयुल्बाकादे बेनाला चाहाना हृयुल्री लोकतान्त्रिक गणतन्त्रला स्थापना लादोबा । थेसे लामा दारेम बेनान गोबानकादेसे हृयुल्बाला चाहानादा कुठाराघात लाबारी बिसाम पक्कन आता । अल्बादा धोका पिन्जी बिसाम दारेम खाअिमाअी ख्लासेला आरे ।

तर, दान्दे गोबानकादेसे ज्याबा भूमिका बिसाम क्लाङबारी खाम्बा आरे । लोकतन्त्र खाबा लिच्छा संविधानसभाला चुनाव लाला बिसी चुनावला मिति घोषणा लासाअीनोन निर्वाचन लाबारी निर्वाचन आयोगसे चुनाव लाबारी तोबा विधान सोसी आजिन्बासे ओम अी आरे बिसी पाङबाअी पायान चुनाव दारेम खाअीमा ताला बिबान थाहा आरे ।

चुर्सेपट्टी िब्रे दलला चिसाङ सुक्ताअीनोन टिबारी आखाम्बा ओर्सर्ेेंविधानसभाला चुनावला मितिनोन घोषणा लाबारी आखाम्बा ओम थेराङनोन लासी दान्देला अन्तरिम संसद ग्यामनोन गणतन्त्रला घोषणा लाबारी आखाम्बा हिन्साम दारेम हृयुल्बासे हृयुल्ला गोबानकादे ग्याम तिला आशा लासे - तिला थेनिकादेदा संसद भवनरी निसी होहल्ला लाबारी थे ग्याम खाबा भक्ता पचप लाबारी चेक्केन जनआन्दोलन भो ङ्िहरी भो पिन्बा हिन्ना - तिला थेनिकादेसे राङला व्यक्तिगत स्वार्थला लागिरी राङला भोनोज च्योल्बा मुबा - पक्कन हाअिन । थेसे लामा दारेम योना बिमा योना ब्रे दलला चिसाङ टिसी हृयुल्से म्हाअीबा सहि निकासा लातोजी ।

साँच्चिन नेपाली कांग्रेसले ग्ले थान्बा थेन आथान्बाला विषयरी अझैनोन निष्कर्षतेबारी आखाम्बा ओम एमाले घुर्की हुन्बा थेराङनोन लासी माओवादीसे धम्की लासिन टिबा हिन्साम, हृयुल खाअी तिला ताला थेला ठेगाननोन आरे । चुला जिम्मेवारी किन्बा खाल्छे ? पाङनोन तोमा गिसे अर्कुदा, ओम अर्कुसे हर्कुदान दोष थेन आरोप लाबा हिन्साम तिनि दोना संविधानसभाला चुनाव लाबारी आखाम्बाला कारण थेन चुला दोषीजा खालाओम ? कि दोषी पहिचान लाबाला लागिरी देप्पेन बाकादेसे अर्कु आन्दोलन लादोजी ?

लोकतन्त्र खाबा लिच्छा बेनानसे छार नेपालला आशा लाबाला मुबा । छार व्यवस्थाला आशा लाबा मुबा । तर थे आशा, चेक्केन ङ्िहराला म्होङ धोबा मुला । म्होङएनोन दिनिरी म्राङबा म्होङ खाराङबा बिसाम, फ्योत छोर्मा स्योङ म्लेबा खाल्ला ।

झन् ग्रेन लोन्पो गिरिजाप्रसाद कोइरालामी तोबा दुअीरी प्रतिकुल ओम आतोबा दुअीरी अनुकुल ताबा म्ही । हृयुल्ला तोबा ताम लाबाला लागिरी चिसाङ टितोजी बिमा बिरामी, आखाम्बा धोबा, बिदेशी कुटनीतिज्ञकादेथेन ताम लाबारी बिसाम खाम्बा खाअी खाराङबा नियत हिन्ना ओम चु - कि नेपाली कांग्रेससे ग्लेथेन हु्रप तासी, ग्ले थान्बारी न्हाङ न्हाङरी सल्लाह लासीनोन टिबा मुला ?

तिनि न्हनङगारला चेक्केन ताम लाबा हिन्ना बिसाम कांग्रेस जोङ सभापतिकादेला जोन्ना सेङबा मुबा । यामबुरी । थे जोम्ना ग्याम तिला ताम फिर्कयापरी खाबा मुला बिसाम कांग्ेसकादे राजतन्त्र रहित लोकतन्त्र मुसाम ताबा तर गणतन्त्र बिसी पाङबारी अथवा गणतन्त्र बिसी घोषणा लाबारी जा तिल्दा आखाम्बा - चु ताम ग्याम खाअी तिला गोसे हृयुल्बासे ? कि अझन् हृयुल्बा लाडा मुला बिसी चुराङबा दोभासे ताम लाबा ? चु ताम गयाम अर्कु तामनोन प्रष्ट ताला थे हिन्ना कांग्रेस अझै गले तोलो बिसी चेक्केन पाङबारी आखाम्बा तर ग्ले यान्बारी जा बिसाम सेम ताबा ।

ग्ले आतो बिसी ल्हामान हृयुल्बासे प्राण आहुती लाबा मुला ल्हामान हृयुल्बाकादेला मेहनत वाङबा मुला, बिसाम ल्हामान म्हीकादेला चाहानानोन हिन्ना चु । थेसे लाचमा ज्योन्खाअु हयाङ बेनान डिक्के, हृयुलरी हयुलबासे बिबाराङ आता बिसाम खाअु ह्याङ थेराङबा म्हीकादेदा ब्याङबारी, ताप्पारी ङ्हाच्छा वाङगे ।