कवि गोष्ठी फिरी तुन्बा समिक्षा

तामाङ चलचित्र सेमरि छोरङानग्याम चुवा तामाङ चलचित्रला यात्रासे तिनी दोखामा छ्यो अछ्यो दर्जन ङ्ही ह्राङवा तामाङ चलचित्रकादे ह्याङ तामाङला ओन्छाङ्री खासी जिन्वामुला । तामाङ चलचित्रकादे चुह्राङ लासि ल्हेसि निवा ताङदा तिलोओन सकारात्मक रुपसेन च्यावामुला विसम अर्कुहोना गुणस्तरिय तामाङ चलचित्रकादे आखाबा विवा तिलोओन गुनासो विसम यथावतनोन मुला । हिन्बामि तामाङ चलचित्रकादे वेनान अज्यावा विवाचामि पक्कान आहिन । वेनान चलचित्रला ह्राङला ग्लारी ल्होलोन महत्व थोवा मुला ल्होलोन सन्देश पिन्वामुला । गोरगी चलचित्र स्होवा बिबा न त मनोरञ्जनला लागिरी चेक्खेन हिन्ना न त सन्देशमुलकला लागिरी । गोरगी चलचित्ररी सन्देशमुलकमि मुनोन मुला छ्यामरि मनोरञ्जननोन अति आवश्यक मुला विसम समय अनुकुल चलचित्र स्होखाम्तोवा अनुभवएनोन मुला तामाङ चलचित्र निर्माताकादेला । चलचित्र निर्माताकादेला ताम लातोमा तामाङ चलचित्र दर्शककादेला सेम डावारि खाम्वा तामाङ चलचित्र मोलमला निर्माता इमानसिंह योञ्जनला अनुभवएनोन चुह्राङवान मुला । ह्राङ गोर्गी गलैचा व्यवसायी तर्साई ह्राङला ग्योइला मायासे लामा तामाङ चलचित्र स्होवा सुङवा निर्माता इमानसिंह योञ्जनसे तामाङ चलचित्ररि तामाङ रिमठिम वितासि घेवा लवा, विहे लवा चेक्खेन हुन्दासिनोन आता । दत्तेला दर्ुइ अनुसार दर्शककादेला माग गोवान चलचित्र स्होतोवा तर्क थान्वामुला । ताम्सालिङला चु वोरि डोगे तामाङ चलचित्र निर्माता इमानसिंह योञ्जनथेन लावा ल्हेङमोः

स्यान चलचित्र आस्होना तामाङ चलचित्र तिक्दा स्होवा ?

- ङा गोरगी तामाङला कोला, स्यान चलचित्रकादेमी ल्हानासेन स्होसि चिवामुला चु अवस्थरी ह्याङसे ह्याङला ग्योइदा माया लातोला विवा सेम थोसि तामाङ चलचित्र स्होवा हिन्ना ।

तामाङ चलचित्र मोलम लिच्छामि ह्राङला खप्पाई तामाङ चलचित्रकादे अखालाई म्हाले ?

- तामाङ चलचित्र स्होवा ङाला व्यवसय आहिन । ह्राङला ल्होलो व्यवसाय मुवासे होजाहोनाएनोन च्यानोन तोजि थेतासि अखावा हिन्ना होराङमि दारेम तामाङ चलचित्र अस्होवा विवारी म्हाईवाएनोन आहिन दुइला कारणसे योना थेन गाईवा चेक्खेन हिन्ना, दब्वेन तामाङ चलचित्र स्होवा सेम मुला ।

तामाङ चलचित्र मोलमसेमि ज्यावा दर्शक याङवा मुवा । खराङवा अनुभव ताजि जामादुइरी ?

- जव तामाङ चलचित्र दर्शककादेला ओन्छाङरि खवामुवा । ल्हानान माया लास्हयुजि दर्शककादेसे । ल्हानालान सल्लाह सुझावएनोन याङजी । थे दर्ुइरि ल्हामान ताङवा मुबा थे तसिन अर्कु तामाङ चलचित्र स्होवा सेम लावामुला ।

तामाङ चलचित्रकादे ल्हानान खसिचिवा चु दर्ुइरि ह्राङएनोन तामाङ चलचित्र निर्माता तवासे खराङलसि मुल्यांकन लस्ह्युवा मुला ?

- गोरगी ताममि ह्याङ तामाङसे तामाङ चलचित्र च्यावारि याङमा गर्व लातोला अर्कु ताम तामाङ चलचित्र स्होवाकादेसेनोन दर्शकसे खराङवा चलचित्र म्हाईवा मुला थे गोतोला । दत्ते दर्शककादेला जुन प्रकारला तामाङ चलचित्रकादे गुणस्तरीय खवारि अखाम्बा विवा गुनासो मुला थेदा र्ङाई सकारात्मक रुपसे च्यावामुला ।

तामाङ चलचित्रदा गुणस्तारिय स्होवारि तिक लातोला ओम ?

ङाह्छा चलचित्र यूनिट ज्यावा तातोजी, युनिट चेक्खेन ज्यावा तसि आतालाई चलचित्ररि कथावस्तु तामाङ समाजरि विकाव तावा खाल्ला तोजी, कथावस्तु, ज्याबा विवान यूनिट डिक्पा हिन्ना । दर्शककादेला गुनासो अनुसार गुणस्तरीय चलचित्र अखामा ङादाई सेम स्हुखाबा मुला ।

अभिनयला आधाररि सुङतोमा तामाङ कलाकारकादेला अवस्था खराङवा मुला ओम ?

- तामाङ कलाकारकादे चलचित्रकादेला कथावस्तु ज्यावा मुसाम जस्तोन कडा परिश्रम लासि हिन्र्साई अभिनय लावरि तयार मुला । ङादा छोर्वामुला अभिनयरि ह्याङला तामाङ कलाकाररिता च्याङना आरे ।

चुतेवा दर्ुइरि तामाङ चलचित्रला अवस्थाचा खराङवा मुला ?

- दत्ते तामाङ चलचित्रकादेमि ल्हानान ह्रोकादेसे स्होवारि वाङवामुला । खचिवा ज्यावा खजिवा अज्यवा विवाम दर्शककादेसेन सुङला । तामाङ चलचित्र ल्हाना विमा गुणस्तरिया खसाम ज्यावा तला विवाचा ङाला मान्यता हिन्ना । तामाङ चलचित्र स्होवाकादेसे चुदा व्यवसाय स्होला विसि आहिन तामाङ ग्योईदा माया लसि स्होतोला ?

तामाङ चलचित्रदा व्यवसायिक रुपसि वोर्वारिचा खम्बा अवस्था आरे ?

- तामाङ चलचित्र विवा ह्याङ तामाङसे चेवखेन च्यावा हिन्ना थे तसि ह्याङला दर्शक च्याङना मुला । चु अवस्थारि जतिपनि ह्रोकादेसे तामाङ चलचित्र स्होवा मुला ङादा छोर्पामुला थेनिकादेसे चुदा व्यवसाय स्होला विसी आहिना की तामाङ रिमठिम ग्योई सेमलेङ धर्मदा सोना लावा सेम थोसी तामाङ चलचित्र स्होवा मुला ।

चलचित्र मोलम यूनिटला दरेमला योजनाचा तिक मुला ?

- तामाङ चलचित्र ल्हाना खर्साई गुणस्तरिया अखवा विवा गुनासो खसिचिवा दर्ुइरी ज्यावा चलचित्र दर्शकसे म्हाईवा चलचित्र दर्शकदा पिब्वा मोलम युनिटला योजना हिन्ना । तर चु चुदे दर्ुइह्यान्से चुला विवा निश्चित तावा आरे ।

लिच्छारि ह्राङला दर्शककादेदा सुङतोवा तिलाई मुसाम

सुर्ङगाले ?

-र् दर्शक कादेसे मोलमदा ल्हाना माया लास्हयुवा मुवा थेलिच्छा मोलम मुनिटला चलचित्र अखवा विवा जति पनि प्रतिक्रिया दोन्दा दर्शककादेदा योनान अर्कु चलचित्र वसि ह्राङनिला ओन्छाङरि खसेदामुला ह्राङनिला मायाला कदर लाबान छार सेम थर्ुबा फिल्म बसि योनान खासेदा मुला ।

- खड्ग मोक्तान