बन्द तेन हडतालसे मंसिररी
सिङ्गुनरी जबरजस्ती दुर्सा
नाङसाल गेताङ दिङ कु री
जनजाति आन्दोलन तेन छार नेपाल
संकट, संघर्ष, संझौता थेन निरुमाया
नाम्सा दिमरी लोप्खाङ स्हेङबान
डाजाङला ब्लिछा साधरणसभा
उपत्यका बन्दरी ग्योइकाइ गेताङ
मुटुको चिनो विमोचन
संविधानसभाला चुनाव तेन माओबादी
गुम्बा व्यवस्था समितिदा व्यवस्थित लातोला
नेपाल क्रिकेटला सेमिफाइनलरी
ब्राजीलसे डाजी कोपा अमेरिका कप
खालेदोङरी छार ग्योइ
पर्वतारोही माइला तामाङदा डेन लाजी
महोत्सवरी तामाङ चलचित्र मोलमला प्रदर्शन
आमाला मायाला छायांकन लिच्छाला ताङरी
कलाकारिता थुमरी ङा सन्तुष्ट मुला
शान्ति लामा नायिका
दुर्सा गाङरी राप्प म्हि
प्रकाश ब्लोन चलचित्र छायांकनला
 

सेमला ह्रो फुरिमायादा चिठी

सेमला ह्रो फूरिमाया, एदा ङाला ल्हुइभरला डान्बा... ग्यालामबिमा ह्रेङबा ओम गान्दिबिमा नुप्पा माया मुला । एला मायासे पित्खापा चु चिठीता डेसी आब्याङ्गो, खाम्साम् एसे थोपा बासारी -गाल्दारी) जोर्सर्ीीान्गो ह्या ?

सेमला ह्रो एमी नाम्सारी ज्याबा ताङबान मुताला तिनीन्हाङगारमी असारला बेला बिगे माना चासी मुरी म्होबा बेला ज्याना लासी गे लाउ । ङामी आसाररी गे लाबारी खाआखम्नी तर्साई चुकोर्सर्ेे बाली ज्याबा तगाई बिसी स्योएदाङ्से ङाइ ला ज्याल्बा लाबा मुला । एनीकादेला ख्यर्ुर्लिङ च्यातरी साङा सुमा ओम मायाङ कोला छ्यूमी बुरी असारे हृवाई गोसी बुसुबा औतिन सेम मुबा । तुयुङ्मा एनीला बुसुमा हिलोरी स्योत प्लेसी बुन्ज्युङ पाप्पामी ङादा दन्तेह्राङदेन छोर्बा मुला ।

सेमला ह्रो एसे पित्खापा चिठी र्ङाई ओनेला ङयाच्युङकुनु स्याप्जी एला चिठी स्याप्मा ङाला चु सेम औतिन फूर ताङबामुबा । एसे ङाला बारेरी दान्ना चिन्ता लाबाचिमु ठिक्कान मुला दारेम एसे ङाजेला आहिन हृयुल्ला बारेरीनोन् चिन्ता लातोला बिबा र्ङाई म्हान्बा मुला । हृयुलरी लोकतन्त्र खाबा दिङगी वात्र्साई लोङसी चितोबा दर्ुइ मुला दत्ते खाल्ला ताम पतिक चासे खाइमम् ह्यूल्री आज्याबा सङ्गुल खाला बिपाचिम खाइमम् फोरम रो खाइमम् तिला मोर्चाला आक्रमण खाइमा खाजिबा पार्टर्ीी कोक्टेङ ग्याम चुङ्सी तुम्बक थोला पाङ्नोन आखाम चुराङबा अन्यौल वातावरणरी सोसी चिबा मुला एला माया याम्बुरी ।

तिनाङ्गार एमी गेलासी पोक ब्लाप्प मुताला तर्साई ए सेम ताङ्ना लासि चिउ हृया । नाम्सारी मुबा बेलारी चोङ चोङ स्हीक स्हीक तासि चिबा एला माया दत्ते याम्बुरी दुङालसे लासी ब्लेबा ह्राङबा तासि चिबा मुला । नाम्सारी मुबा दुइरीमी म्हान्बा मुबा याम्बुरी औतिन छुबा मुताला ओम औतिन सुख मुताला बिसी तर आहिन्बा चिम । याम्बुला दुङालमी याम्बुरी खामा चेख्खेन थाहा ताबाचिम् । एसे चिठीरी ब्रिबाचिम याम्बुरी दोमा यान्देमी क्रा वाला लासी स्ह्यालनोन तुम्बा चस्मा ख्याप्सी म्हेत्तो सोम्ते वाङ्बा टिर्सट गाल मुबा पाइन्ट ओम क्रुनाङ ह्रेङबा स्होन्बो -लाखाम) क्वान्सी ब्राबा मुताला बिसी तर ङा ओराङबा लासी दत्तेदोना ब्राबा आरे ओम ओराङलासी ब्राबा सेमएन आरे । एसेमी पतिक आचाला ताला दत्तेमी ङा याम्बरी ज्यामी गे लाबा मुला । स्योरी बुसुरुक्क रेमायान्दे ह्रीप तामा दोना छाङ् नाङनाङ इँट्टा पुइतोबा मुला । र्ङाई याम्बुरी थेरनोन ग्लारी गे म्हाइजी तर जहाँ निर्साई डोबाब्रिबा लाबारी सेबा म्हिचेख्खेन म्हाइबाचिम । र्ङाई दुइरी डोबाब्रिबा आलेबासे लामा तिनी चु दुङाल न्हातोजी । र्ङाई खराङबान दुङाल न्हातोर्साई एदा दुङाल आताकाई बिबा ङाला सेम मुला । थेसेलामा एसे ज्यानालासि डोबाब्रिबा लाउ हया - ङादा थाहा मुला एदा डोबाब्रिबा लाबारी थेरनोन गार्‍हो मुला । दिम्रीमी गेएन लातोबा मुला तार्साई गेला छ्यामछ्यामरी एसे ज्याना लासी डोबाब्रिबा लाउ । चु जम्बुलिङरी सोसीचिबा स्वार्थी म्हिकादे बेेनादन एसे डातोला । ङामी इँट्टा पुइबा तासाइ एमी फिरफिर स्याबा मेचरी चिसी गे लातोला ओम जम्बुलिङरी ज्याबा गेलासी दोङ्रापला पाना पानारी एला मिन ब्रितोला ।

सेमला ह्रो चुराङबा दुङालला चिठी पित्काजी बिसी एसे सेम कुच्युक आलाउ । एला माया जाचा सेम थोसी चिबाआरे । म्हिलुइ तामायान्देमी खाइमा सुख खाइमा दुःखमी तानोन तालामाले आहिन ओम - तिनी दुःख याङसामी न्हाङगारमी सुख याङला बितासी सेम बुझ्ब लासि चिबा मुला । सेमला ह्रो एदामी सेम डिक्पा बितासिचेख्खेन बिपा हिन्ना झन् तिनी न्हाङ्गारमी ङादा औतिला दुङाल मुला । चु चिठी ब्रिबा रेकुनुमी गे आलाबा चुङङा रे ताजि । गोजीरी सिका गी दोना टाङ्गा आरे । तिरेला ताम हिन्ना ङा स्योरिन बुसुरुक्क ह्रेसी छाङ डा पुइसी इँट्टा पुइबारी निबा मुबा । इँट्टाला उरुमरी दोसी इँट्टा गोक थिसी छाङरी चेख्खेन युबारी छेमुबा इँट्टा न्हाङ्रीमी वाला म्लाङकाई छ्रि्रेम्रि्रे बाक्टाङ र्-र्सप) मुबाचिम ओजा बाक्टाङसे ङाला क्याच्छे काङ्री ट्वान छ्वासी ङाला काङऐनोन बाक टाङसी चिबामुला । दत्तेमी ङा खानई र्इसेओर्से ब्राबारीनोन आखाम्बा मुला । यागरगी कोठा न्हाङरी ह्राङ गीनोन चितोबा मुला थेसेलामा ङादा दर्ुइ थाबारीन् मुस्किल मुला । सेम बुझ्ब लाबारी र्ङाई सोर्मे -चुरोट) थुङ्बा लोप्पा मुबा । सोर्मे थुङसी सोमरेब्लीरेयान्दे हर्ुइ-हर्ुइ ब्यूङ्बा खाबामुबा । दत्तेमी ङा थे सोर्मेसे लासी सोर् निबासम्मा ब्युङबा मुला । सेम बुझब लाबारी पाङगे सेमला स्हु म्हाकाई बिसी थुङ्बा सोर्मेसे झन स्हु काप्ची । तिनी र्ङाई थाहा याङजी, र्ङाई थुङबारी लोप्प सोर्मेसे ङादा लोप्पा ख्वाजीमु । एसेमी ङादा बोमो लाला ताला सोर्मे थुङबा बिसी । ङाइ सोर्मेमी रहरसे थुङबामी आहिन म्हाले सेमला पिरसे लामा थुङबा मुबा तर तिनी र्ङाई थाहा याङजी चु सोर्मे बिबा स्हे ज्याबा आहिन्बा चिम् ।

थेसेलामा एसेजा खराङबाम पिर तार्साई चु सोर्मे बिबा स्हे आथुङगो हया - ओम र्ङाई सोर्मे थुङजी बिसी बोमोई आलाउ एलान ओन्छाङरी छ्योई चुङसी ग्रान फासी र्ङाई चु सोर्मे थुङबा ख्लाला । सेमला ह्रो सेमला तामकादे ब्रिनाब्रिनान तिनीमी ह्रेङबा ताजिम । असारला बेला ह्राङदामी चिठी डोपा फर्ुसद ए आरेताला । चु सेमला दुङालला तामकादे जति ब्रिर्साई आबे । एथेन ङा ह्रुपतासिन सेमला तामकादे पाङबारी ङा ल्होछाररी खाला जामा ह्रुपतासि मोक्कोन सेमला तामकादे लालामाले ह्या ?

एदा माया लाबा ह्रो