घेदुङला छार गेताङ घेदुङ ला डुछा महाधिवेशनसे छार नेतृत्व चयन लाबा मुला । चु दुइरी छारछार जिज्ञासा
रेबा बिबा स्वभाविक हिन्ना । छार जिज्ञासा रेबा प्रक्रियारी ह्राङ ह्राङ ला जिज्ञासा
थान्बा पहल ताबा मुला । ङानीला डुछा महाधिवेशनसे दात्ते तत्काल गोर ङ्िह संकल्प पारित लाबा मुला । थे
गोर ङहि प्रस्ताव बिबा ङ्हाच्छा जा नेपाल तामाङ घेदुङला राजनैतिक कार्यदिशा
संविधानसभारी निबारी ह्याङला मुल मुद्दा बिबा विषयदा ह्राङला मुल एजेण्डाला रुपरी
प्रस्ताव पारित लाबा मुला । थे प्रस्ताव पारित लाबा ताङरी थेरी गोर ङ्िह सोम तामदा
ग्रेन विषय स्होबा मुला । ङ्हाच्छाला ताम बिबा जातिय जनसंख्याला आधाररी समानुपातिक निर्वाचन प्रक्रिया
हिन्ना । ङ्िहछा ताम बिबा संघिय लोकतान्त्रिक गणतन्त्र हिन्ना थेह्राङबन सोमछा ताम
बिबा जातिय क्षेत्रिय स्वशासन हिन्ना । चु गोर ङ्िहसोम तामदा ङानीसे ग्रेन विषय
स्होबा मुला । चु गोर ङ्िह सोम विषय -इस्यु) ला सर्न्दर्भरी मूल रुपरी ङानीला मुद्दाकादे हिन्ना
बितासी ङहाच्छा बोर्बा ताम पारित लाबा मुला । चु मुद्दाकादे मुल मुद्दा डान्बान चु
खाबा संविधानसभारी तामाङ ह्युलबाला संविधानसभाला निर्वाचनरी बो किन्बाला लागिरी
ह्याङला योजना रणनीति तिला ताबा ओम थेला नीति तिला तासेला बिबा सर्न्दर्भरी नोन
प्रस्ताव पास लाबा मुला । थे ङहिछा प्रस्तावरी तिला बिबा मुला बिसाम बेनान दलकादेदा
तामाङकादे जुन-जुन दलरी ङानी मुला । थे दलरी ताम्सालिङ क्षेत्ररी तामाङकादेला
बाहुल्यता मुबा क्षेत्ररी तामाङ उम्मेदवार जेख्खेन रेबारी म्याङतोला बिबा ङ्हाच्छा
निती ङानीसे पारित लाबा मुला । यदि दलकादेसे ताम्सालिङ क्षेत्ररी तामाङ ह्युल्बाला
बाहुल्यता मुला तर तामाङ उमेदवार रेबारी आपिन्ना गैर तामाङ उम्मेदवार रेबारी
पिन्साम थे गैर तामाङदा ह्याङसे बहिष्कार लातोला । स्यान दललान तासाइनोन तामाङ
उम्मेदवारदा ह्रो लातोला बिबा नीतिनोन ङानीसे पास लाबा मुला । चुह्राङलामा ङानीसे म्लेबारीन आताबा ताम तिलान्द बिसाम जुन प्रस्तावकादे पारित
लाबा मुला होजान प्रस्तावला निती आन्सार उम्मेदवारदा ह्रो लासेला हिन्ना । तामाङ वितासी जुन स्याप्जी होजान तामाङदा आताना ताम्सालिङला एजेण्डा थेन
लोकतान्त्रिक गणतन्त्रला एजेण्डादा स्विकार लासेला तामाङ उम्मेदवारदा ह्रो लासेला
नीति ङानीसे संीवधानसभाला सर्न्दर्भरी तामाङ उम्मेदवारकादेला हकअधिकारला लागिरी तय
लाबा नीति हिन्ना । चु गोर ङहि नीति दात्ते संकल्प प्रस्तावला रुपरी डुछा महाधिवेशनसे पारित लाबा
नीति हिन्ना । चु बाहेक ल्हानान मुद्दाकादे मुला जुन मुद्दाकादेदा तामाङ घेदुङसे पुइसी ब्रोताला
। ङानिला सम्मेलन जिन्बान ह्याम ङ्हाच्छाच बैठक टिबा मुला । ङानिला ङहाच्छा बैठकसे
दात्ते गोरसोम तामदा प्राथमिकता पिन्बा मुला । ङ्हाच्छा ताम । जुन डुछा महाधिवेशन
ताजी चु महाधिवेशनला सन्देश तिला ओम - होजा सन्देशदा देशव्यापी रुपरी बोर्खाम्तोला
। बिबा ताम तय लाबा मुला । देशव्यापी सन्देश सभारी निबा दुइरी संविधानसभाला सर्न्दर्भरी प्रशिक्षण
गेताङकादेनोन लासेला मुला । ङानिला मुल निीति बिबा संविधानसभाला प्रशिक्षणदा
देशव्यापी रुपरी बोसर्ेला मुला । थेतासी दात्तेला गेताङला ङहाच्छा एजेण्डा हिन्ना । ङहि्छा गे बिबा संविधानसभाला
प्रक्रिया जिन्मा ह्यान्छे । ङानी ह्राङला अभियानदा निरन्तरता पिन्सेदा मुला । अभियानदा ख्लासेला आरे छ्यामरी
ङानिसे तामाङ घेदुङला भवन स्होतोला । भवन स्होबा अभियानदा त्रि्रता पिन्तोबा,
अभियान राष्ट्रिय कार्यसमिति से तय लाबा मुला । चुह्राङले दात्ते नेपाल तामाङ
घेदुङसे भवन स्होतोबा तामदा पास लाबा मुला । थेला लागिरी तामाङ अग्रजकादेला समिति स्होसेला मुला । चुला सर्न्दर्भरी जुन योजना
मुबा थे चु विमा ङहाच्छाला कार्यकालरी योजना तयार लाबा मुला थेदा गेला रुप पिन्बारी
अग्रजकादेला नेतृत्व स्होसी ङ्हाच्छा बोसैला हिन्ना । चुला छ्यामरी तामाङ कल्यानकारी कोष स्होसेला मुला । कल्यानकारी कोष
ह्युलक्योङनोन जिल्ला कार्य समितिला पहलरी स्थापित लासेला सोच स्होबा मुला । चुह्राङले दात्ते जम्मा गोर सोम योजना घेदुङला भवन स्होबा, ताम्सालिङथेन
संविधानसभाला विषयरी ह्युल क्योङ प्रशिक्षण गेताङ लसेला ओम तामाङ कल्याणकारी कोष खडा
लासेला गोरसोम मुद्दा ङानीसे मोटामोटी रुपरी तय लाबा मुद्दा हिन्ना । ङानी दात्ते बेनान विषयरी हे्रङबा ग्रेनग्रेन योजना स्होबा स्थितिरी आरे ।
सचिवालयदा राष्ट्रिय कार्य कारिणी समितिसे म्यान्डेट पिन्बा मुला । स्यान ल्हाना
प्राविधिक तामकादेला छिनोफानो लातोबा मुला । ङानीसे हप्ता गिङ्िह न्हाङरीन बैठकटिसी
ल्हानान गे लातोसेला मुला । दात्ते अन्तरिम संविधान ङ्िहरेम संशोधन ताबान मुला । थे संशोधन लासी संसदरी
प्रस्तुत लातोबा मुला । ओम तामाङ सांसदकादेदा हु्रपलासी समिति गठन लासेला मुला ।
जुन कमिटी ग्याम तामाङकादे मुद्दाला काइ तेबारी खाम्बा स्होतोला योनान आदिवासी
सांसदकादेला ल्होलोन कमिटी स्होसेला योजना मुला । संविधानसभा संशोधन तासी प्रस्तुत
ताबा दुइरी ह्याङला मुद्दाकादे प्रस्तुत लाबारी आदिवासीकादे गोलबद्ध लातोबा
गेताङकादे मुला । (मन्तव्यरी आधारित)
प्रायोजक थेन वेभ मास्टर मुकेश लामा,
याम्बु, नेपाल ।
- कुमार योञ्जन तामाङ
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
E-mail ceo@tamsalingonline.com