गुरुङ ब्रिसी लाहुरे दोबा सेम आताजी
- पर्यटन व्यवसायी भिम ब. तामाङ
भिमबहादुर तामाङला केवा २०१४ साल वैशाख ६ गते भर्ुर्जुङखोला ३
कास्कीरी ताबा हिन्ना । आपा सेत्तेसिं तामाङ तेन आपा सुकुमाया तामाङला कुरी केवा
किन्स्युबा भिमबहादुर तामाङ सफल पर्यटन व्यावसायी हिन्ना । दात्ते दोनारी
ङसिरेमदोना फ्रान्सरी दोसि जिन्बा भिमबहादुर तामाङसे
युरोपला बेनाम ह्राङबा ह्युलकादे कोर्सि जिन्बा मुला । तामाङ, नेपाल तामाङ घेदुङ
आजीवन सदस्य, केटाकेटी नेपाल फ्रान्स, सबैको लागि शिक्षा
फ्रान्सलान छोरीछोरा
नेपाल स्वीसला सदस्य समेत मुला । दात्ते मण्डला टे्रकिङ प्रा.लि. संचालन लास्युबा
भिमबहादुर तामाङतेन ङानिसे लाबा ल्हेङमो चुरी थान्बा मुला ।
ह्राङ चु पर्यटन व्यवसायीरी खाइमा ह्यान्दे वाङस्युबा ?
ङा सन् १९७७ ह्यान्दे पोखराग्याम्से विदेशीला नाइके स्होबान चु थुमरी वाङबा हिन्ना । ङाला दिम पोखरा ङामरी ताबासेनोन जक्कि सजिलोई ताजि । चु गेरी ङादा नाम्साला ज्योज्यो गिसे बोर्सि पिन्बा हिन्ना ।
पोखरारीचा ह्राङ कादे दुइदोना गे लास्युजी ?
ल्हाना आलाजि बिसाइ ताला । लगभग दिङ ङही जे लाजि ताला । नाइके ताबासे कुल्लिकादे म्हाइबा थेनिदा ज्याना लादासी गे लापुङबा गे लाजि । थे लिच्छ ङा सन् १९७९ रीम याम्बुरी खाजि ।
ह्राङ विदेशीला नाइके दोबा दुइरी ह्राङला आपाचा तिलास्युबा मुबा ?
ङाला दिम म्हेम्हे बेनाम लाउरे बिसाइ ताला । आपा भारतीय -वेलायती) सेनारी जागिररी मुबा । चु सन् १९४५ ला ताम हिन्ना । आपामि जामा दुइरी गुरुङ दोबान लाउरे जागिर सोल्बाला रिम ।
ह्राङ लाउरेला कोला, लाउर आसेना तिल्दा चु व्यवसायपट्ट िवाङस्युबा ओम ?
आहिन । ङाइएनोन लाउरे दोबारी दिङ ङही दोना बाङ लाजि । तासाइ दोबारी आखाम्जि ।
ङाला आपा म्हा बेनान गुरुङ दोबान लाउरे जागीर चाबाला मुबा टिम । ङालाचा नागरीकतारी
गुरुङ आब्रिबासे लाउरी दोबारी आखाम्जिम बिबा ताम लिच्छा खासि थाहा याङजि ।
ह्राङचा तिल्दा गुरुङ आदोना नागरिकतारी तामाङनोम थान्स्युबा ओम ?
ङादाइ जागिर चाबारी ङाला आपा तेन म्हासे गुरुङ दोबारी कर आलाबा अहिन । तासाइ ङाइ आङयान्जि । गुरुङ दोदासि जागिर चाबा बिमा लाउरेन आदो बिबा अठोट लाजि । ङा लाउरे दोबारीनोन आखाम्जि ।
ह्राङ लाउरे आदोना पर्यटन व्यवसायरी वाङ स्युजी ह्राङदा लाउरे दोबारी आम्याङमा दुःख ङहाम्बा आरे ?
थेराङबा तिलाई आरे । ङा दात्ते जुन थुमरी मुला चुरी ङा ल्हानान सन्तुष्ट मुला । ङा लाउरे जागीर चाबा हिन्साम लाउरे चेक्खेन दोसेला । दात्ते ङाइ पर्यटन थुमरी नोन ज्याबा लासि टिबा मुला । चुला छपामरी सामाजिक गेकादे समेत लाबारी म्याङमा ङा औ दिन खुशि मुला ।
ह्राङसे लास्युबा सामाजिक गेला फिरी ल्हेङमो लानोन लाला, दात्रत्तचा पर्यटन व्यवसायलान फिरी ल्हेङमोलाइ ह्राङसे चु मण्डला ट्रेकिङचा खाराङ लासी खाइमा ह्यान्दे ठवाङस्युजि ?
जब ङा पोखराग्याम्से याम्बुरी खाजि थेलिच्छा दिङ गी होना शर्ेपा गे लाजि । थेलिच्छा ङाइ गे्रट हिमालयन एडनेञ्चर बिबा कम्पनीरी गाइडला गे लाजि । दिङ डु दोना गाइडगे लाजि । गाइड गेलाबाला ताङरी सन् १९७९ ला लिच्छारी फ्रान्सरी लासोमदा लागिरी निबा अवसर याङजि । थेलिच्छा प|mेन्च ग्योइलोप्पा गे लाजि । थे लिच्छा सन् १९८६ ह्यान्दे प|mेन्च टुर लिडरला गे लाजि ।
मण्डला टे्रकिङ प्रा.लि. बि.सं. २०४५ सालरी ङानी म्हेत्तो च्युइते ह्रो डिक्तासी ठ्वाङबा हिन्ना । शुरुरी ङानिसे ह्राङलान कोठाग्याम्से चुबा हिन्ना ।
ह्राङ सन् १९७७ री गे लामाचा ह्राङसे डेबोचा कादे याङबा मुबा ?
जामा ङाइ १२ रुपेरी गे लाबा मुबा । जामा विदेशीन च्याङना खाबा गेएनोन ल्हाना आरेबासे ओतेबा डेबो स्होबारी सजिलो आरेबा ।
ह्राङमी नाइके हयान्दे गे लाबा म्ही दात्तेम हाकिम दोबान गे लास्युबा मुला नाइके दोबा तेन हाकिम दोबाला गुङला तिलाई फरक याङस्युबा मुला ?
थेराङ वा तिलाई फरक महशुस लाबा आरे । ह्राङ चुरी ओराङ दोकाबा आहिन । ग्रेन मिहनेत तेन परिश्रम लादासि दोकाबा हिन्ना । ङादा भरियाला समस्या तिला थेनिला भावना तिला बिबा ताम थाहा मुला । ङादा बेनान समान ह्राङबा छोर्बा मुला । तासाइ चु थुमला म्हिकादेसे ङादा सम्मान लामाचा बिसाम चु थुमरी ज्याबान लाजिम ह्राङ छोर्बा मुला ।
दात्ते ह्राङला कम्पनी ग्याम्से दिङगीरीकाते पर्यटककादेदा सेवा दोन्स्युबा मुला ?
चुतेवान बिदासि पाङबारी आखाम्र्साई दात्ते आतेबा ज्याबा आरे । सन् २००० री क्यार ङानिसे दिङ गी म्हेत्तो एक हजार बिमा ल्हाना पर्यटककादेदा सेवा पिन्बारी सफल ताबा मुबा । तासाइ दिङ च्युइला द्वन्द्व ला कारण ङान्दा ल्हानान गाह्रो ताजि । तासाइ जेनतेन अफिस सोनालाथान्बा मुला ।
ह्राङसे द्वन्द्वला ल्हेङमो लास्युजि, दात्तेम ल्यूलरी शान्ति ताबा मुला । तिनी न्हाङगारचा खाराङवा मुला ह्राङ ला व्यवसाय ?
दात्तेनोन ओतेबा ज्याबा आरे । शान्ति ताबाला पायन पर्यटन खाला बिबाइ आरे । दारेम ह्युलरी स्थायी शान्ति ताजि बिसाम पर्यटक आखा बिबा तामनोन आरे । दात्तेन ज्याबा आतासाइ अक्टोबरदा लागिरी बिसाम बुकिङ ताबान मुला ।
ह्राङला कम्पनी खालाङ-खालाङला पर्यटककादे ल्हाना खाबा लाबा मुला ?
ल्हाना प|mेन्च हिन्ना । थेला छयामरी ब्रिटिश, स्वीस, साउथ अप्रिmकाला पर्यटक ल्हाना खाबा मुला ।
चु द्वन्द्वला गुङरी सुत्ताइ ह्राङला अफिस ज्याना लादासि चलाब ताबा रिम चुला कारण ?
ग्रेन ताम ङानिला कम्पनीप्रतिला विश्वास - आर्कु व्यक्तिगत सम्बन्ध । विदेशीदा ताङना लाबारी खाम्साम गे लाबारी तिलाई दुःखन आरे । थेनिदा तिलासामान गे लामा स्पष्ट लातोला । द्वन्द्वसे ङान्दा ल्हानान समस्या ताना लाजि । पर्यटक खाबारी तयार तासाइ सुरक्षाला तिलाई ग्यारेन्टी लाबारी आखाम्मा बुक तासि जिन्बा बदर लातोजि । कर्मचारीकादेदिनरी निवारी आखाम्मा याम्बुरी ह्राङसेन न्हातोमा ल्हानान दुःख नातोजि ।
ह्राङला कम्पनीरी काते कर्मचारीकादेसे गे लाबा मुला ?
नियमित रुपरी गेलाबा दर्जन ङहि तादाम्ना मुला । थे बिमा टे्रकिङ ला हिसाबसे चुतेन ताला बिबाला आरे ।र्
पर्यटन व्यवसायदा ज्याना लाबारी दारेम तिला लातोला ह्राङ छोर्बा मुला ?
स्यान बिमाइनोन ह्युलरी शान्ति तातोजि । शान्तिताजी बिसाम पर्यटन प्रशस्त खाला । दात्तेकादे ग्लारी विदेशीदा निआपुङबा मुला । थे बेनान खुल्ला लातोजि । हिमाल क्रेबारी ल्हानान मह्रंगो फातोबा मुला थे सस्तो लातोजी । थेला छ्यानरी पर्यटकला पर््रवर्द्धनला लागिरी सरकारसे ज्याबा नीति नियम स्होतोजि ।
ह्राङतेन ल्हेङमो लाबाला ताङरी सामाजिक गेला ल्हेङमोइ तेस्युबा मुबा टे्रकिङ बिमा स्यान तिलाई गेएनोन लास्युबा मुला ह्राङसे ?
ङालान कम्पनीरी टे्रकिङरी खाबा पर्यटककादेला सहयोगरी तिलाई जिल्लारी क्यार गे कादे लाबा मुला । विशेषलादासि शिक्षा, स्वास्थ्य तेन अनाथ वालबा लिकादा सहयोग लासि टिबा मुला ।
थेराङवा सामाजिक गेचा खालाङ खालाङ लास्युबा मुला ह्राङनिसे ?
कास्कीला सार्दिखोला घाचोक, पुरुनचौर, माच्छापुछ्रे गाविसरी क्यार १२ वटाते भवनकादे स्होवाला मुला । निबा दिङरी लमजुङरीनोन स्होबाला मुला बिसाम चुपाल्से काभ्रेला तेमालरी नोन भवन स्होवान मुला । सन् २००० ह्यान्दे अनाथ जात्रुकुकादेदा कपनरी पढाब लासि पिन्बा मुला । थेला लागिरी केटाकेटी नेपाल फ्रान्ससे ह्रो लाबा मुला । आर्कु छोरी-छोरा बिबा स्वीसला गेन्दुनसे सन् २००३ ह्यान्दे कालोपुलरी आपङ्ग अनाथ जात्तुकुदा चाबाला व्यवस्था लाबा मुला । थेला छ्यामरी सबैको लागि शिक्षा बिबा ग्याम्सेनोन ग्ला-ग्लारि ह्रोलाबा मुला ।
ह्राङसे टे्रकिङला छ्यामरी चुराङबा सामाजिक गे लातोला ह्राङचा खाराङ लासि छोर्जि ?
स्यान भन्दैनोन ङा पढब लाबा दुइरी लोपखाङ ङामरी आरेबा घण्टा ब्ली दोना ब्रातासी लोप्खाङरी नितोबा मुबा । थेला कारण ङादा लोप्खाङ स्होतोला, ङामरी तातोला बिबा मुबा । आर्कु ताम कादे विदेशीलाई सहयोगला भावना तार्साई थेला गुङरी टिदासि गे लाबा म्हि आरेबासे नोन ङाइ लासि पिन्बा हिन्ना ।
चुराङबा गेन्दुनकादेसेम सहयोगला मिनरी व्यक्तिगत फाइदा किन्बा बिबा आरोप लाबा मुला नि चुला फिरी ह्राङला बिचार मुला ?
ओराङबा मुबारी खाम्ला तासाइ ङान्से थेराङ लाबा आरे । ङान्छे ल्हानान जात्तुकुकादेदा च्याबा मुला तार्साई थेनिदा सहयोग लाबा रसिद ह्यान्दे बेनान सहयोगी दात्ताकादेदा ज्याना लादासि उन्बा मुला । खाप्पाइ लोखाङ, स्होबा दुइरी थेन्दान वोरदासि शिल्यान्सास लाइपुङबा डेबोइनोन थेन्दान नाम्साला म्हिला यारी पिन्पुङबा मुला । स्यानला तिला तामान मुसाइ ङान्न ओराङबा आरे ।
ताम्सालिङ अनलाइन डट कम ला लागीरी तेबा ग्रेन
डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले,
प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार
डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन,
प्रबन्धक अम्बर बम्जन तामाङ थेन
प्रायोजक थेन वेभ मास्टर मुकेश लामा, याम्बु,
नेपाल ।
E-mail ceo@tamsalingonline.com