जनजाति महासंघसे जेठ १८, २७ तेन २८ गते नेपाल बन्द लासोदा
निर्मल लामाला स्मृति दिवस

शान्ति खाबा छोर्बा आरे

सम्बिधान सभा: दोषी खाला ?

मिख्लीला ल्हुइन्हाङरीनोन समाजसेवारी समर्पित

साङ्गे केवासाङ रे धुमधामसे दाङजी

युवा घेदुङला कादान

योग विज्ञान प्रशिक्षण गेताङ थुम्जी
महासंघला डेन गेताङ याम्बुरी
सञ्चार सममूहला छलफल
नुवालला च्यारिटी जेठरीन
छोरङान महिला समाजला साधारण सभा

ह्रवाइखा ङ्यान्माहेन्से..................
ताम्सालिङ बापरी ह्याङ युवाकादेसे तिला लातोला ओम ?

विवादरी फुटबल

नेपाल ह्युलसारी ताम्सालिङला सान्दर्भिकता

तामाङ राष्ट्रिय कवि गोष्ठी याम्बुरी

न्हासा-न्हयोरीला च्यारिटीसो

एल्वम चर्चा : बैरागीला नोबा गाँङ

मायाल न्हान: अचम्मला ङाङ ह्रिबासे सेम खुल्दुल !

नाम्साला ताम

व्हाइखा : ह्युलला कैरन

आज्याबा आरे:
मोडल रन्जिता लामा ।

ज्याबा फिल्म स्होतोला :
इमानसिंह योञ्जन, फिल्म निर्माता

हेराङला भारदेउरी छ्योर्तेन

हेराङ । स्रांङ्गे केवासाङ ला दुइसाङारी ह्युल्ला ल्होलोल्होलो ग्लारी ल्होलो-ल्होलो गेताङ रहेङसी २५५१ छा सांङ्गे केवासाङरे दाङबाला ताङरी याम्बुसे ज्यात्ना मुबा हेराङला भारदेउरी याम्बुग्यामसे गेताङ स्हेाङखेन टोलीला छ्याम कलाकार ओम पत्रकारकादे हेराङलान चापागाँउ, धापाखेल, टिका भैरब ताबान कल्पोटला सिम्बा क्युइसे क्युइ फुइबा माना लाबान ले-ले थासी भारदेउरी दोबा मुबा । थे ज्याबा माहोल बिसाम छ्योर्तेन निर्माण समितिसे स्होबा हिन्ना । तामाङ ह्युलबारी बुर्द्धधर्म सम्बन्धी ज्ञान थेन चेतना खाबाला कारण हेराङ जोङला दक्षिणभेग

http://www.tamsalingonline.com/भारदेउ गाविस अन्तरगत वडा नं. ८ पाउचौररी सांङ्ग केबासाङला दुइसाङरी खेन्पो लामा गुरु ङावाङ वोश्संरग्याम पेबुम छ्योर्तेनला ठोङसेङ ताबा मुबा । होजा ठोङसेङ गेताङला ङहाच्छा कुनु पेबुम छ्योर्तेनरी पासाङ बज्र लामाला सक्रियतारी खेन्पो ङावाङ वोश्सेर छ्यामरी स्यान म्हेन्दो ङसि लामा गुरुग्याम राप्ने गेताङनोन स्हेङबा मुबा । होजा पेबुम २ लाख ५० हजारला लागानिरी निर्माण ताबा हिन्ना । होजा ठोङसेङ गेताङरी नेपाल तामाङ घेदुङला केन्द्रिय सल्लाहकार नरबहादुर स्याङतान, तामाङ राष्ट्रिय मुक्ति मोर्चाला मुल्मि उज्ज्वल लामा, नेपाल तामाङ घेदुङलान थेबा गौराइही कुमार योञ्जनासे ज्याबाडान्बा फुलबा मुबा । थे ग्लारी ङहाच्छारेम छ्योर्तेन स्हेङबासे काइमो इन्दिरा गोलेसे ह्वाइ कोबान तिबा होजा गतेाङरी सांगितिक गेताङनोन स्हेङबा मुबा । काईमो इन्दिरा योञ्जन थेन तुलसा बाइबा ह्वाइरी दर्शककादे स्याबारी पेबा म्राङबा मुबा विसाम काइपा रोजमोक्तानला हेलम्बुको बजारथेन कल्कते काँइयो ह्वाइरी क्रा सार्बा खेप्पा ह्यान्छे कोलादोना स्याबा म्राङबा मुबा । ह्वाइ कोबालान ताङरी इन्दिरा गोलेसे दर्शककादेदा तामाङ ह्वाइ ङ्यान्गे कि ज्यार्दी विमा तामाङ विसी दर्शकला जवाफ याङबा मुबा छ्यामरी ए होइ ज्यानै खायो उसको मायाले थेन पर्ूव मेची ह्यान्छे बोलला ह्वाइरी दर्शककादे स्याबा छ्योङबा मुबा । गेताङला लिच्छा लिच्छारी प्रेमलोप्चनसे कोस्युबा आवामी बोर्जी देबसे बोलाला ह्वाइरी काइपाला छ्यामनोन छुसी ताङसी टिबा दर्शककादे मिख्ती प्रुलुलु मिख्ली पिन्छी क्राबा मुबा । गेताङरी बुद्धकला केन्द्र थेन स्यान स्यान कलाकारकादेसे स्याबा ओन्बा मुबा । होजा संगितिक गेताङ ङयासेला डु ङ्हयामादोना ताबा मुबा । गेताङ सानु कान्छा मोक्तानला चोहोदानरी थुम्बा मुबा । थेला स्थानिय वासीन्दा आन्सार यसु धर्मला प्रभाव ल्हेबा होजा ग्लारी स्थानिय ह्युलबालान पहलरी छ्योर्तेन स्हेङबा मुला । ह्राङदा खाह्राङबा छोर्बा मुला - छ्योर्तेनसे तामाङ ह्युलबरी बौद्ध धर्म सम्बन्धी खाह्राबा प्रभावकारिता पिन्बारी खाम्ला विसी ङ्योइमा चुह्राङबा सेमताम याङबा मुला ।

तामाङ ह्युलबाला गुङरी छ्योर्तेन स्हेङबा बिबा ल्हानान ताङबाला ताम हिन्ना । चु ताङबाला तामदा व्यक्त लाबारी ङाथेन थेह्राङबा तिलाइ छिगसेन आरे । हेराङला दक्षिण भेगरी चुरी झण्डै ४० तोङ संख्याला र्घनावस्तीरी ८५ प्रतिशत तामाङ ह्युल्बा मुला । दोङरापरीन तिनी ङ्हाच्छा रेम छ्योर्तेन स्होबा गे थुम्बा मुला चुसे तामाङ ह्युलरी महत्वपूर्ण भूमिका क्लाङसेला मुला । चुसे चुरीला तामाङला दोङरापरीन ज्याबा टेवा पिन्वारी खाम्सेला आशा लाबा मुला ।

( सोनाम मोक्तान मुल्मी छ्योर्तेन निर्माण समिति

ङ्हाच्छा तामाङरी तिलाइनो चेतना खाबा आरेबा तिनी तामाङरी चेतना खाबाला उपलब्धीनोन छ्योर्तेन स्हेङबारी खाम्बा हिन्ना । तामाङकादेसे चुह्राङबा गेदा निरन्तरता पिन्बारी खाम्साम तामाङ ह्युलरीन बौद्ध धर्म सम्बन्धी चेतना दोबारी खाम्बा आधार म्राङबा मुला ।

- जीतबहादुर गोले भारदेउ हेराङ

चु ग्लारी छ्योर्तेन स्होबा बिबा छार गे हिन्ना । ङादा छोर्बा मुला तामाङला घनावस्ती मुबा चुग्लारी चु छ्योर्तेनसे तामाङला ल्हुइला व्यवहार शैलीनोन पोबारी खाम्ला । चु ऐतिहासिक गेदा तामाङकादेसे गौरव लाबारी खाम्तोला । तामाङसे चुदा व्यक्तिगत रुपरी आच्याना तामाङ ह्युल्बाला सम्पत्तिला रुपरी च्यातोला ।

- मिनबहादुर मोक्तान,  मुल्मी छ्योर्तेन निर्माण समिती

तिनी चु ग्लारी छ्योर्तेन स्होबा गे सफल ताबा मुला । चु चुरीला तामाङ ह्युलरीन ऐतिहासिक गे हिन्ना । चुसे तामाङ ह्युल्वालान दोङरापरी महत्वपूर्ण भूमिका क्लाङबारी खाम्सेला मुला । वास्तवरी चु ग्लारी बुद्ध धर्म संम्बन्धी तिलाई ज्ञानोन आरेबा । दारेम चुसे ज्याबा जागरण बाबारी खाम्ला ह्राङला धर्मदा ख्लासी स्यान म्हिला धर्मदा टेवा पिन्बा गे ख्लासेला मुला ।

तामाङ ह्युल्बारी चु ह्राङबा लहरसे बुद्ध धर्म सम्बन्धी छार-छार सोच बाबारी बाङ तासेला मुला । स्होबा छ्योर्तेनदा छार युवापिढींसे संरक्षण पिन्बारी आवश्यक मुला ।

- भीमवहादुर गोले मुल्मि छ्योर्तेन निर्माण समिति

भारदेउरीला दोङरापरीन ऐतिहासीक ग्रेन नमुना गे ताबा मुला । चुसे तामाङला मौलिक पहिचान पिन्बारी खाम्ला । तामाङ ह्युलबारी बौद्ध धर्मला ज्ञान चेतना फैलाप लाबान स्यान तामाङ ह्युलरीनो छ्योर्तेन माने, गुम्बा स्होबा चेतनाला लहर दोसेला डान्बा मुला

- सुरज स्याङतान न्होर चोहो, छ्योर्तेन निर्माण समिति