कवि गोष्ठी फिरी तुन्बा समिक्षा

- बज्यू चन्द्रमान तामाङ

निबा बैशाख २९ गते कुनु तामाङ डाजाङसे स्हेङबा सोम्छा राष्ट्रिय तामाङ कवि गोष्ठिरी बो किन्बा अवसर याङजी । र्ङाई दात्तेदोना सहभागी ताबा तामाङ ग्योइकाइला गेताङ मध्येरी हाज्युबाई बिमा ग्रेन गेताङ हिन्ना चु । गेताङरी प्रतियोगीला रुपरी बिम ङ्यान्खेनला रुपरी सहभागिता ङाला लागिरी उपलब्धी मुलक ताजी । निगादा बिसाम होजा गेताङरी र्ङाई थलो गिरी ल्हामान ह्वाइखा कादे ङ्यान म्याङजी ।

तामाङ डाजाङसे निबा दिङ ङा ह्यान्दे तामाङ ग्योइकाइला थुमरी ल्होल्हो गेताङकादे स्हेङसी खावान मुला । थे तामाङ डाजाङला लिच्छाला संस्करणला तामाङ ग्योइकाइला थुमरी याकारणी ऐतिहासिक महत्व मुला । थेह्राङ लासिन राष्ट्रिय स्तरला ह्वाइखा प्रतियोगिता ताबासे तामाङ ग्योइरी ह्वाइखाला अवस्था थेन स्तर हानाङ दोजिम बिबा लेखा जोखाला लागिरीनोन होजा गोष्ठी ल्हामान महत्वपूर्ण मुला छोर्बा मुला । थेला लागिरी तामाङ डाजाङदा थुंजेछे फुल्नोन तोला ।

ह्वाइखा गोष्ठीरी गोर ब्रे जोङला च्युइ सोमसे ब्रे कवि कवियत्रीकादेसे बो किन्बा मुबा बिसाम, आस्मिता थिङ ङाच्छा गोले, के.आर. 'चालिसेली' ङाच्छा बुद्ध तितुङ सोम्हा थेन नेपाल प्रसाद स्याङदान ल्विच्छा ताबा मुबा । प्रतियोगितारी खाल्से डाजी खाल्से ब्रेजी बिमाई महत्वपूर्ण पक्ष जा थेरी खाराङबा खाराङबा प्रवृत्तिला र्सर्ृजनाकादे दोगाजी बिबा जा हिन्ना मान्बा मुला । तामाङ ह्वाइखाला दान्देला स्थिति प्रवृत्ति थेन खाबा रेकादेरी ह्वाइखा स्तर तोर थिः बादा मुबा । चुनौतिकादे तिगा ओम बिसी विश्लेषण लादोसेला मुला । चु गे तामाङ ग्योइकाइला थुमरी अपरिहार्य तासी जिन्बा मुला । हिन्बाम, तामाङ ग्योइकाइरी ब्रिगु स्याङबाला इतिहास ल्हामा ह्रेङबा आरे । तामाङ ग्योइकारी तिलाई बिमा ल्हामा बिधा ह्वाइखा तासाइनोन चु विधारी आधुनिक गद्य शैलीरी ब्रिगु स्याङबा चलन ल्हाना ताबा आरे । गद्य ह्वाइखा ब्रिबा शैलिरी विकास ताबा आम्राङनी । तामाङ ह्वाइखाला थुमरी आधुनिकताला चलन ब्रिक्खेन अमृत योञ्जन, रोमी योञ्जन, दुपवाङ्गेल मोक्तान ३०ला उत्तर्रार्धरीक्यार चुःबा म्राङबा मुला । आधुनिक तामाङ ह्वाइखाला स्तर दान्देदोना दोगामाई खासै तोर रेबा ह्राम्बा आम्राङजी । थेला प्रमाण भर्खर थुम्बा ह्वाइखा प्रतियोगितारी खाबा ह्वाइखाकादेसे उन्जी । प्रीतयोगितारी दोखाबा ल्हामा ह्वाइखाकादे बिम्ब प्रतिक मिथकला प्रयोगला अभावरी काब्यिक सौर्न्दर्य विधानसे ल्हामान थारेङ नेतासे लाबा भाषण ह्राङबा म्राङजी । बिश्व साहित्य थेन नेपाली साहित्यसे छार छार विचार छारछार बादकादेला निरन्तर प्रयोगकादेसे उत्तरआधुनिक युगरी छालाङ मार्दिसी जिन्बा चु दुइरी तामाङ साहित्यला चु ह्राङबा अवस्था निश्चितनोन ज्याबा आहिन । सेमलेङरी ब्रिगु स्याङबाकादेसे रहर जे लासी आतानी । सेमलेङरी तासी हाबा विभिन्न बिचार थेन बादकादेला गहन अध्ययनला कमी प्रष्ट म्राङबा मुला दात्तेला तामाङ सेमलेङला ब्रिगु स्याङबा कादेरी । थे कमजोरीकादे माना लासी तामाङ ग्योइकाइलाई स्तर दा थिःबारी मोक्कोन स्रष्टाकादेसे परिश्रम लातोसेला मुला । थेराङ बिमा ह्राइखा प्रतियोगीतारी ज्याबा र्सर्ृजनाकादे खादेन आखानी बिबाजा आहिन । तिगाई आशा लाग्दो प्रतिभाकादेनोन म्राङजी । ङाइ चुह्राङ बिसी निर्ण्ाायकादेला निर्णर्यदा चुनौति पिन्बा चा आहिन् । निर्ण्ाायकला ह्राङलान सीमा मुसिम् । तासाइनोन, ऐतिहासिक महत्व मुबा प्रतियोगिताला निर्ण्र्ाालामा निर्ण्ाायककादेसेनोन गम्भीर तासी लासाम ज्याबा तासेला मान्मुला । निर्ण्र्ाागलत तासाम अपजस निर्ण्ाायकसेन पुइतोला सदासदाला लागिरी । आहिन्साम निर्ण्र्ाा मण्डलसे होह्राङबा स्रष्टा र्सर्ृजनादा दाम्तोला कि पुरस्कृत ताबा खाजिबाइ स्रष्टासे वास्तवरी ह्वाइख बिबा तिला, ह्वाइखला प्रकृति तिला बिबा तामला परिभाषा निर्धक्क रुपरी पिन्बरी खाम्दोला । हिन्बामी खाजीबाई प्रतियोगितारी डाबा ब्रेबा तानोन ताला प्रतियोगितारी पुरस्कार डाबा उद्देश्यसे जे र्सर्ृजना लासाम वास्तविक र्सर्ृजना ताबारी आहाम । ह्राङला ब्रिबा ताङदा निरन्तरता पिन्सी चितोला न्हाङ्गार तामाङ सेमलेङरी आधुनिकता स्थापना थेन व्यवस्थापन लाबा जिम्मेवारी ह्याङला हिन्ना । दान्देला तामाङ सेमलेङरी छार प्रयोगकादे बोझनोन ताबा मुला । तामाङ सेमलेङरी आधुनिकता उत्तरआधुनिकता गो हाम्बा आरे । स्यान ताम लातोमा साँचो ताम हिन्ना डाजाङला आर्थिक कोष ज्याबा आरे । नाजुक अवस्था तामा ल्होलो-ल्होलो विकल्पकादे अपनाप लासी आर्थिक अवस्था सुदृढ लाबारी खाम्ला तर १०० रुपैयाँ टाङगा किन्सी ह्वाइखा दर्ता लातोबा बिबाम स्रष्टाकादेदा लाबा उचित व्यवहार आहिन । ल्हानान स्रष्टाकादेथेन १०० रुपैयाँ आहिन टाङगा आहिन फोन लाबारी सिक्का ५, १० दोना सुत्तान आताबारी खाम्ला । सेमलेङरी सेम थन्बाकादेसे थाहा याङतोबा ताम हिन्ना बाल कृष्ण समसे सिमादोना सुत्ताइ प्रज्ञाप्रतिष्ठानला दात्तेला तोङगीसे ज्यार्जा ङ्िह -१२००) टाङगाा छे -ऋण) फाबारी आखाम्नी देवकोटाला हालत थेह्राङबान मुबा बिसाम अन्तराष्ट्रिय जगतरी च्यागे, गोर्कीला अवस्था, नित्सेला अवस्था, मनोविज्ञानला आपा प|mायडसेमी चुह्राङबादोना बिबा मुबा कि ह्राङला जान्तिरी दोखाबा ह्रोकादेदा उपहारला बो टाङगान ख्लागो । चुग्याम गोबारी खाम्ला कि सेमलेङरी वास्तविक रुपरी समार्पित स्रष्टाकादे कादेदोना प्राङबो ताबा टिम बिबा ताम । डाजाङसे लाबा राष्ट्रिय सोम्छा कवि गोष्ठीरी टङगालान कारणले कादे स्रष्टासे बो किन्बारी आखाम्बा अनुमान लाबारी खाम्ला कि डाजाङला प्रतियोगितारी बो किन्बाकादे बेनान लोप्बोन -विद्यार्थी) म्राङबा मुबा । थेह्राङलेन राष्ट्रिय कवि गोष्ठी विसाइता पनि जम्मा गारे ब्रे जोङला स्रष्टाले बो किन्बारी सफल ताजी । ह्युल्ला ७५ जोङरी ठाम्सी टिबा तामाङकादेरी तिला ह्वाइखा ब्रिबा प्रतिभा आरे ताला - खाम्देदोना ल्हाना ग्लाला स्रष्टा प्रतिभा जोम्ना लाखाम्साम ह्युल्से माइबा ह्राङबान ह्वाइखाकादेला ढुकुटी डाजाङ दोबारी खाम्से मुजिवा । चुह्राङबा ल्होलो-ल्होलो कारणसे लामा ज्याबा ज्यबा सिर्जनाकादे डाजाङ बिमा फिर्क्यापनोन टिजी कादेदोना दुःखला ताम सिर्जनासे ग्ला आयाङबा तिलो आर्कुओन डाजाङला कु थानथान । थे ह्राङबा ह्वाइखाकादे प्रतियोगितारी दोखाबारी खाम्बा हिन्साम डाजाङनोन फ्यूक्पो दोसेला । तर थे गेताङरी ङा गोर्गी प्रतियोगिता स्रष्टाला रुपसे आच्याना समालोचकिय मिसे च्यामा डाजाङला प्रतियोगितारी दोखाबा ल्हाना ह्राङबा ह्वाइखाकादे जनआन्दोलन ङहि थेन १९ रे ला ओम च्युइदिङला जनयुद्धला फोटोकपि ह्राङबान मुबा । फोटोकपिरी दुष्यकादे ताला तर जिवन्तता आता । झन ह्वाइ ताबाला लागिरीमी आरेनान आताबा स्हे हिन्ना स्रष्टासे सोबा दात्तेला अवस्था -स्रष्टा बाँचेको वर्तमान) जहाँ, बिकृति विसंगती, युद्ध पीडा, दर्द, ताङबाला वातावरणला परिवेशनोन सेमलेङला स्रोत हिन्ना । तर थे वातावरण खाह्राङले निर्माण ताजी थेला लागिरी च्याङना समाधानला सोच, दर्शन, हिन्ना बिसाम ल्हाना ह्राङबा प्रतियोगि ह्वाइखरी आम्राङनी । ङाइ बिबारी माइबा चु हिन्नाकी तिनीला ह्वाइखा ग्यार्जा तोङजा दिङ लिच्छानो अध्ययन लामा ुसुत्ताइ तिनीला परिस्थिति, मर्म, दुइ स्पष्ट म्राङबारी खाम्तोला जुन स्पष्टता फोटोकपिसे पिन्बारी आखाम, सजिव सेमलेङसे मे रुइबारी खाम्तोला, क्रोना लाबारी खाम्तोला पत्थर, युङबाकादे, थुबारी खाम्तोला सेमतिङ ओम मलम फोबारी खाम्तोला घाइते तिङकादेरी तर विडम्बना डाजाङला कुरी दोखाबा ल्हाना ह्वाइखसे ब्यान्डेजदोना खिबा औकात आथान्नी । जे लार्साई जोङ बे्र जोङला झन्डै बोगाल ङहि स्रष्टासे प्रतियोगिता बो किन्बा बिबा डाजाङलान लागिरी ग्रेन उपलब्धी हिन्ना लिच्छारी ङाइ डाजाङ थेन प्रतियोगि ह्रोकादेला सिर्जनादा उपहास लाबारी माइबा पक्कान आहिन । डाजाङ थेन तामाङ सेमलेङ प्रेमी गोर्गी स्रष्टाला हैसियत से सेम आनिबा तामरी गुनासो थान्बारी माइबा हिन्ना । डाजाङफेरि तिलाई बोमो आरे । डाजाङ थेन सेम आरे । ते तार्साई तामाङ सोम्छा राष्ट्रिय कवि गोष्ठी बेनान स्रष्टा र्सजककादे ओम सेमलेङला थुमरीन महत्वपूर्ण अविष्मरणीय दोबारी खाम्ला ।