काँग्रेसला कारण ह्युलरी गणतन्त्र घोषणा लाबारी गाइजि

खाला मुला ताला सीबी लामादा गोली छेब्बा ?

खबरदारी आन्दोलनला आवश्यकता

छार दिङला होइस्हेरथेन ङेबान नागार्जुन

खराङलसी नानाआङाकादे विदेशरी चुङबाटिम ?

संचार थुमरी लोकतान्त्रिकरण थेन पुनः संरचना

ग्लेसे दक्षिणकालीरी पुजा लाजी

नुवाकोट याम्वू सम्पर्क भेला

सिनासला अन्तरक्रिया गेताङ थुम्जी

सञ्चार समूहला साधारणशभा

का दान गेताङ तासेदा शहिद अनिल लामाला मिनरी श्रद्धञ्जली सभा

सरकारी सेवारीनो समाबेशी अभियान

प्रतिभा प्रवाह गेताङ

विद्यार्थी घेदुङला विचार गोष्ठी

जातिय तेन क्षेत्रिय पार्टी ठ्वाङवारी याङतोला

सेमरी म्हान्बा ताम

ताम्सालिङ न्हाङरी चेतना बोर्बा अभियान मुला

तामाङ काइला काइ

श्रीलंका तेन अष्ट्रेलिया उपधिला ग्यामरी

खै ! खालाङ खाजी लोकतन्त्र ?

प्रगतिशील ह्वाइ कोदोजी

योञ्जनला डान्बा खाजी

ङाला वास्तविक कहानी

          ताम्सालिङसे लाबाजा तिलाई आला

लेप्सी जिन्बा यात्रा ला गोङमा कादे लेप्नान लातोला

तिला ज्याबा डान्बा बिसे ?

पिर ताबा मुला

गजल

तामाङ फिल्मला ब्यस्त कलाकार

तामाङ चलचित्रला दर्शक च्याङना मुला

याम्बु । नेपाल तामाङ युवा घेदुङसे २५५१ छा बुद्ध जयन्तीला अवसर लासी खुल्ला कादान गेताङ स्हेङबान मुला । युवा घेदुङला संगम लामासे दोन्बा तामासोर आन्सार होजा कादान गेताङ खाबा बैशाख ३० गते कुनु स्योला ८.३० ङ्हृयामा ताबान मुला । रत्नपार्कला शान्ति बाटिकारी स्हेङगे लाबा होजा कादान गेताङरी बो किन्सी मानवताला परिचय दोन्बारीनोन आह्वान लाबा मुला ।

याम्बु । सहिद अनिल कुमार लामाला डोङबा दिङ गि छ्योबाला दुइसाङरी १३ रेकुनु ह्राङलान दिम बौद्ध जोरपार्टर्ीीाइबा टोलरी दिमथेमेसे श्रद्धाञ्जली सभा गेताङ स्हेङजी । निबा दिङ २०६३ साल बैशाख २३ रेकुनु जनआन्दोलनरी घाइते तासी अनिलकुमार लामा डोङबा मुबा विसाम बौद्ध धर्म आन्सार तिथि मितिला हिसावसे २०६४ साल बैशाख १३ रेकुनुन दिङ छ्योबाला दुइसाङरी लामा पुरेतकादेसे सहिद लामाला दोनरी छ्योइ दोबा पाठ पुजा लाबा मुबा । होजा श्रद्धाञ्जली सभारी दिमथेमेला आन्सार अनिल कुमारला इष्टमित्र लामाकादेला छ्यामरी ल्होलो ल्होलो पार्टर्ीी नेताकादेलानोन उपस्थिति मुबा ।

याम्बु । तामाङ संस्कृति अध्ययन तथा अनुसन्धान केन्द्र याम्बुसे निवा ११ रेकुनु 'सरकारी सेवामा समाबेशी अभियान' लोकसेवा आयोग परिक्षा कसरी पास गर्ने बिबा विषयरी तिरेला प्रशिक्षण गेताङ स्हेङजी ।गेताङरी लोकसेवा आयोेगला रविन्द्र तामाङ थेन रुद्रसि ंतामाङसे वास्तवरी लोकसेवा परिक्षा खाह्राङले पास लातोला, कादे डेातोला, कादे दुइ पिन्तोला, तामाङकादे सरकारी पेशारी लिच्छा ताबाला कारणला विषयरीनो प्रशिक्षण दोनन्युबा मुबा विसाम सरकारी पेशारी वाङबाला ताङरी ह्राङ- ह्राङसे भोगाप लाबा अनुभवनोन बो लास्युबा मुबा । गेताङ स्हेङबाला तर्फयाम व्रिखेन मोक्तान दुपवाङ्गलसे गेताङ स्हेङबाला उद्देश्य फिरी स्पष्ट लास्युबा मुबा । विश्वभाषा क्याम्पसला हलरी ताबा होजा गेताङ तामाङ संस्कृति अध्ययन तथा अनुसन्धान केन्द्रला चोहो मोक्तान दुपवाङ्गेला चोहोदानरी थुम्बा मुबा विसाम गेताङ मौसम वाइवासे संचालन लाबा मुबा ।

याम्बु । निबा दिङरी क्यार संचालन तासी बन्द ताबा साहित्यिक गेताङ प्रतिभा प्रवाह दोसिन याम्बुरी संचालन चुबा मुला । निबा ११ गतेकुनु राष्ट्रिय सभागृहरी स्हेङबा होजा गेताङरी विशेष लासी क्रान्तिकारी ह्वाइखाकादे धिरेन्द्र प्रेमर्शी, लक्ष्मीमाली, इश्वारी सत्याल, समेश ज्ञवाली, धनकुमारी, मिगलाल पंगेनी, सत्य पहाडी, राजकुमार केशी, गंगा श्रेष्ठ, अमर किसोर, शैलेन्द्र घिमिरे, गणेश भण्डारी ह्यान्छे स्यान, स्यान स्रष्टाकादेसे ह्राङ ह्राङला सिर्जना प्रस्तुत लाबा मुबा विसाम रक्तिम संस्कृतिक परिवार, सामाना परिवार सेनच्याङ परिवार तेन प्रगतिशिल सांस्कृतिक परिवारसेनोन ह्वाइ थेन स्यावा प्रस्तुत लाबा मुबा ।

याम्बु । नेपाल तामाङ विद्यार्थी घेदुङसे लोकतन्त्र दिवसला अवसर लासी चुनोन १३ गतेकुनु ताम्सालिङ र त्यसको अर्थनीति विषयक तिरेला विचार गोष्ठी स्हेङजी । गेताङला ङ्हाच्छाला ताङरी सहिद अनिलकुमार लामा डोङबा दिङगी छ्योबाला दुइसाङरी डोन्बोकादेसे अनिल कुमारला फोटोरी खाद ा फुल्बा मुबा । गेताङरी नेपाल तामाङ विद्यार्थी घेदुङला थेबा गौर्राई पासाङ डोेल्मासे डेन्साङ ल्हेङमो थान्स्युबा मुबा । गेताङरी नेपाल तामाङ घेदुङला चोहो धनप्रसाद तामाङ थेन थेबा गौराइ कुमार योन्जनसे ताम्सालिङ थेन अर्थनीतिला विषयरी ताम्सालिङ सेङबादा ज्याना लासी अनृुसन्धान लाजि विसाम ताम्सालिङ फ्यूक्पो मुला सुङवान विषय फिरी स्पष्ट धारण थान्स्युबा मुबा । थेह्राङनोन लासी नेपाल तामाङ संस्कृति घेदुङला चोह्रो मोहन घिसिङ,नेपाल तामाङ युवा घेदुङला ग्रेनगौराइ संगम लामा थोकर, लामा घेदुङला चोहो दन्डुप लामा, तामाङ संचार समूहला चोहो प्रतिक ङेसुर, नेपाल तामाङ घेदुङला वरिष्ठ होचोहो डिकी लामा, मध्यमाञ्चल चोहो दाबा लामासे ज्याबा डान्बा दोन्स्युबा मुबा । नेपाल तामाङ विद्यार्थी घेदुङला चोहो विजयसिं लोप्चनला चोहोदानरी ताबा होजा गेताङ विद्यार्थी घेदुङला गौराइ मिनबहादुर लामा गोलेसे संचालन लाबा मुबा ।