दीङः २ बोः ६ पूर्णाङ्कः२५, २०६४ बैशाख १६ ह्यान्दे ३१, अप्रिल २९ - मइ १४, २००७ Tamsaling fortnightly Online News.
काँग्रेसला कारण ह्युलरी गणतन्त्र घोषणा लाबारी गाइजि
खाला मुला ताला सीबी लामादा गोली छेब्बा ?
छार दिङला होइस्हेरथेन ङेबान नागार्जुन
खराङलसी नानाआङाकादे विदेशरी चुङबाटिम ?
संचार थुमरी लोकतान्त्रिकरण थेन पुनः संरचना
ग्लेसे
दक्षिणकालीरी
पुजा लाजी
नुवाकोट
याम्वू
सम्पर्क
भेला
सिनासला
अन्तरक्रिया
गेताङ
थुम्जी
का दान गेताङ तासेदा शहिद अनिल लामाला मिनरी श्रद्धञ्जली सभा
सरकारी सेवारीनो समाबेशी अभियान
विद्यार्थी घेदुङला विचार गोष्ठी
जातिय तेन क्षेत्रिय पार्टी ठ्वाङवारी याङतोला
ताम्सालिङ न्हाङरी चेतना बोर्बा अभियान मुला
श्रीलंका तेन अष्ट्रेलिया उपधिला ग्यामरी
लेप्सी जिन्बा यात्रा ला गोङमा कादे लेप्नान लातोला
तामाङ चलचित्रला दर्शक च्याङना मुला
तामाङ काइला काइ
''लास्सो फ्याफूला
† रेडियो सगरमाथा एफ.एम. थेन तामाङ डाजाङ डिक्सी स्हेङ्बा तामाङ ग्योइला गेताङ तामाङ काइरी ह्राङनीदा डेन्मूला ।'' रेडियो सगरमाथा एफ.एम. १०२.४ मेगाहर्जरी मिरे दाङ्से बुन्बा चू उद्घोषण हिन्ना तामाङ काइ थेमेला । हिन्ना, रेडियो सगरमाथा एफ.एम. री प्रशारण ताबा चू गेताङ निबा सोम दिङहेन्से तिसी खाबा मुला । तामाङ डाजाङ थेन रेडियो सगरमाथा एफ.एम. डिक्सी स्हेङ्बा तामाङ काई गेताङ ङसिरेला तिरेम मिरे कुनु प्रशारण तामला । प्रसंग हिन्ना थेनोन काईसे सोम दिङ छ्योसी ब्लीदिङरी वाङबान मुला-चुनोन बैशाख लाला २२ गते हेन्से ।तामाङ ग्योइ, ग्योइकाइ थेन रिमठिमदा छार्ना ल्हेना लाबा उद्देश्यसे प्रशारण लासी खाबा चु गेताङ २०६१ साल बैशाख २२ गते मिरेला स्ह्योला ८ बजे हेन्से ङ्हाच्छा निबान मुला सुङ्मुला गेताङ संयोजक बुद्ध योन्जन । २५४८ औं साङे केवाला दुइसाङरी ठोङसेन ताबा गेताङ थे दुइरी स्ह्योला ८ बेजेहेन्से २५ मीनेट जेकेनला मुबा बिसाम गेताङ रेकर्डर्ेेतामुबा सुङबान योन्जनला ताम मुला गेताङ स्हेङबारी ल्हानान गाह्रो ताजी बिसी पाङमा पाङ्मा बल्ल स्टेशनसे दिङ गीक लिच्छा जेकेन प्रत्यक्ष प्रशारण ला अनुमती पिन्जी । ल्हानान एफ.एम.से तामाङ ग्योइला गेताङ प्रशारण लासै समसामयिक विषयला फिचर थेन रिपोर्ट प्रस्तुत लाबासे ङानीला गेताङला ब्रोइ छुट्टोन मुला सुङमुला गेताङ स्हेङखेन संचू ब्लोन । कलाकार लाल बहादुर योन्जन, अम्बर बहादुर नेपाली हेन्से डेविड होमबर्क, क्याथरीन यसमार्क दोनाला अन्तवार्ता प्रशारण लाबारी सफल तामाङ काइसे रेडियो पत्रिकाला स्वरुपरी तामसोर, ग्योइकाइ डाङ थेन समसामयिक रिपोर्ट प्रशारण लाबा ताङरी तुवाकोटला चतुराले हेन्से संखुवासभाला खोक्राङ दोनाला ताम्बा थेन ताम लासी जिन्बा मुला । तेमाल नारायणस्थानला छार सिंगुन थेन खस्योरला ठोङसेनला रिर्पोट हेन्से प्राङ्बोला छार न्हान, सिन्धुलीसे लाबा छ्योइ पर््रदर्शनी दोनादा रिर्पोट स्होसी प्रशारण लाबारी काङ आधार्ना ब्राजी ।
खोज अनुसन्धान थेन छोर्ङर्ााा ह्वाइ ह्राप्सी क्योङनोनला थुजेछे हु्रप्पा चू गेताङरी ङानीसे संकटकालरी सुत्तै ''सिसाम तामाङ सितोबा'' ह्राङ्बा कोम्हेन्दो एल्बमला ह्वाइदा प्राथमिकता पीन्मुबा सुङमुला संयोजक बुद्ध योन्जन । तामाङ डाजाङला नियमित ग्योइकाइ गेताङरी बाचन लाबा ह्वाईखादा ग्योइकाइ डाङ्री प्रशारण लासी खाबा ग्योइकाइ डाङरी ल्होलो साहित्यिक लेख थेन छ्योइ समिक्षादा प्रशारण लामुला सुङमुला तामाङ काइ स्हेङखेनकादे ।
नानाआङादा लक्षित लासी नानाआङा विशेष गेताङ्री प्राङ्बो, असहाय, एच.आइ. भी. पिडित, घरेलु हिंसा पीडित थेन पारिवारिक लेवाफेवादा च्यासी स्हेङबा नाना आङा गेताङनोन लोकप्रिय गेताङ हिन्ना बिसी सुङमुला नियमित ङ्यान्खेन काभ्रे तिमालला शर्मिला लामा । म्होइजेन एल्वमला फ्याफूल्ला छिगला ह्वाइ ह्राप्सी चुबा तामाङ काइ ह्यूल्वाला काई दोबारी म्हाइवान मुला । गेताङ स्हेङबारी ग्रेन ताम आहिन्बा टिम निरन्तरता ओसेम सशक्त स्होसी ह्यूल्बादा छोर्ङर्ाापिन्बारी ओत्ते सजिलो चा आरे । चासी आचासी गे लातोमा चा जाक्की दुङाल म्हान्मुला गेताङ स्हेङखेनकादे । तासै सदिऔ हेन्से शोषणला रान्दारी स्याङ्सी खाबा तामाङला जातीय पहिचानला लागी सेवा लाम्याङ्बा दुइसाङ हिन्ना विवा ताम्मुबा सामाजिक कार्यकर्ता खेमकर्म घिसिङला ।
दात्तेदोना १५८ गेताङ प्रशारण तासी जिन्बा चू काइ ग्ले ज्ञानेन्द्रला म्लाङगै सत्ता शासन हेन्से प्रशारण दुइ दिनीला २ बजे हेन्से ४५ मीनेट दोना प्रशारण तासी खाबामुला । गेताङ मी स्हेङजी ह्राङनीदा चा खाराङबा छोर्जी ओम बिसी ङ्योइमा नियमित ङ्यान्खेन सिजर तामाङला सुझाव मुला गेताङ ल्हानान रोचक थेन ज्याबा छोर्मुला । चुह्राङबान् थाङगु खाइबा चन्द्र तितुङदा बिसाम मिरे खाजी कि तामाङ काइ गेताङ आङ्यान्सामी दिनी फेसै दोपदोप ताबा ह्राङ छोर्मुला । अझ स्योरी प्रशारण लासामी कादे ज्याबा तासेला विवन गेताङला दुइ पोतोजी सुङमुला थेनोन ङयान्खेन चन्द्र तितुङ ।
स्टेशनसे दुइ पिन्सी 'सबैको बोली अट्ने ठाउँ रेडियो सगरमाथा' एफ.एम. १०२.४ मेघाहज, नेपाली आवाज रेडियो' बिबा ङान्ना प्रोमो मुला । तामाङला काइनोन प्रशारण लाम्याङमा ङानीदा गर्व छोर्मुला सुङमुला रेडियो सगरमाथा गेताङ निर्देशक घमराज लुइटेल । रेडियो गेताङ खाराङवा छोर्जी - बिसी ङ्योइमा थांका कलाकार सुमन लामा तामाङ काइला रिर्पोट चा ल्हानान सेम निमुला विसी सुङमुला ।
हिन्बामी गेताङ स्हेङबारी सजिलो आरे । पत्रकारीता ह्यूल्ला ब्लीच्छा अंग हिन्ना । सजिलो आरे बिसी लोङसी ह्यार्बा आता । ङ्यान्खेनला मायाँ किन्बारी खाम्तोला । ल्हानान चुनौतीला गुङसे अवसरदा किन्बारी खाम्तोला । ल्हानान चुनौतीला गुङसे अवसरदा किन्वारी खाम्साम तामाङ काइ गोताङसे सोम दिङ जेकेन आहिन ल्हानान दिङ ङ्यान्खेन से पिन्बा ज्यावामान्वा किन्वारी खाम्ला । आहिन समयसापेक्ष प्रस्तुती पिन्बारी आखाम्सामी कि ङादा थाहा ताला कि लादा थाहा ताला-खैं
† तिग ताला थुजेछे ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।
तिनी ह्यान्देन चुरोट, खैनि, आइराग, सोल्बा गे ख्लागे
सूचना !
तामाङ डाजाङसे ह्राङला ङहा (५) दिङ छ्योबाला दुइसाङरी
सोम्छा व्हाइखा प्रतियोगिता लाबान मुला ग्याइ थेन ग्योइकाइ प्रेमीकादे दा
किन्बारी अनुरोध लाबा मुला ।
बोकिन्बारी चुह्राङबा नियम मुलाः
१.
व्हाइखा समसामयिक विषयरी व्रितोसेला मुला
२. ह्राङला व्हाइखा २०६४ बैशाख २६ गते दोनारी दर्ता लातोसेला मुला
३. दर्ता शुल्क रू. १०० (ग्याजी गीक) पिन्तोसेला मुला
४. गीक्छा, न्हीच्छा, सोम्छा ताबा कादेदा नगद टांगा, ट्रफि थेन प्रमाण पत्र
पिनसेला मुला
५. सान्त्वना म्हेन्दो गीकदा पिन्सेला मुला
६. म्होन्दा प्रशंसा पत्र पिन्सेला मुला
गेताङ
रे –
२०६४ बैशाख २९
गतथे काम्रे
दुइ –
स्योला १०:३०
ङ्यान्छे
ग्ला –
नेपाल ल क्याम्पस हल , प्रदर्शनी मार्ग
आयोजक /
स्हेङबा
तामाङ डाजाङ
याम्बु
जानकारीला लागिरी
बुद्ध योञ्जन
9841395906
राम कुमार जिम्बा 9841 405289
अर्जुन ग्लान 9841 356816