• निर्वाचन थुम काप्पा ताजी संविधानसभाला चुनाव अझै अनिश्चित

• घेदुङला डुछा जोम्ना जिन्जि

• तामाङ गोबोनकादेसे ताम्सालिङला लागिरी काङ दार्बारी आता

• संचार समूहला छलफल

• घेदुङ फेरी नाना आङाला सेमताम

• अपराध लाजी, अपराध म्राङसीन ख्लाजी

• उच्च सिक्षा हासिल लाबा क्रमरी खाबा प्रमुख समस्या

• एस एल सी जिन्जी

• अफगानिस्तानरी भिडन्त
  इराकी संसदरी विस्फोट
  गाइना दोगावारी हसिनादा आग्रह

• साक्षात्कार गेताङ

• घेदुङला छार गेताङ

• ताम्सालिङला ताम आलाबादा बहिष्कार लातोला

• गुरुङ ब्रिसी लाहुरे दोबा सेम आताजी

• २०६३ सालरी नेपाली खेलकुद च्याङाना सफलता ल्हामा असफलता

• एन्फाला साधारणसभा
  मनाङले डाजी इटहरी गोल्ड कप

• दोसिन लास्सो प्रकाशनरी

• नेपालला राजनैतिक सन्दर्भरी संविधानसभाला औचित्य

•   म्हेन्दो

• म्हिल्हुइला छार सुरुवात
  योगिता मोक्तान, काइमो
   

• छार ब्रोइला एल्वम छार ह्युल

• दोङ थेङ्हीला सिमली म्हेन्दो

• ह्याङला मायाला छ्यामरि ताम्सालिङ

• ङान्ना व्यथा तिगा थाहा ?

• शान्ति तेन विकास

• व्हाइखा

तामाङ गोबोनकादेसे ताम्सालिङला लागिरी काङ दार्बारी आता
                                - सुर्य मोक्तान

तामाङकादेसे तामाङला स्वयक्त ग्ला ताम्सालिङ तादोला बिसि दान्दे ग्रेन रुपरी आवाज उठापलासी टिबा मुला ।सामान्य तामाङ ह्युल्बाकादेदा बरु ताम्सालिङ तीला बीबा थाः आतार्साई ताम्सालिङ तामाङकादेला तादोला बिसी भ्रावा मुला । चु विमा ङाच्छा अर्थात ५१ दिङ ङाच्छा हेन्से तामाङकादेला गुङरी सामाजिक सचेतना जागाप लाबा नेपाल तामाङ घेदुङ ताकाअी या लोकतन्त्र न्हाङरी ठ्वाङबा लोकतान्त्रिक मञ्चकादेसे मुकाअी वा ग्नेठीमदलला भातृसंगठनकादे, मुकाअी वेनान-वेनानसे तामाङ ह्युल्वाला लागिरी ताम्सालिङ तादोला बिबान मुख्य एजेण्डा सोसी भ्रावा म्राङबा मुला ।

सामान्य म्हीकादेसे ताम्सालिङ बिबा तीला - ताम्सालिङ न्हाङरी तिला-तिला ताला - ताम्सालिङ न्हाङला स्यान जातीकादेला हकरी खाराङबा व्यवस्था ताला - तीलाई थाः आतार्साई ताम्सालिङ ताडोला बिसी भ्रावा म्राङबा मुला । तर जससे तामाङकादेला नेतृत्व लावारी खाम्ला थेनिकादेसे विसाम संविधानसभाला चुनाव ङाच्छा खाबारी दोबासे मुला ताला, लेः ङेसी ताम पाङबारी वाङबा मुला । शायद संविधानसभाला चुनावरी जातिय नारा थोसाम पार्टर्ीी टिकट अपिन वा ! विवा म्हान्तासी लेः ङे वारी वाङवा हिन्ना ताला विवा अनुमान सहज रुपरी लाबारी खाम्ला ।

गोर्गी सञ्चारकर्मी तावासे लिच्छाला चु दुअीरी विशेषलासी ल्हामा राङबा तामाङ गोवोनकादे थेन छलफल लामा, ताम लामा तामाङ गोवानकादेसे तामाङकादेला गुङरी टिमा चेककेन ताम्सालिङला ताम लाबा, जब पार्टर्ीीोदिमरी दोजी, जब पार्टर्ीी नीति नियम थेन कार्यक्रमला वारेरी ताम ताला थे दुओरी जातिय सवालला ताम अलावा, ताम्सालिङला ताम आलावा मुला । तीलाअीे दुअी ङाच्छा चेक्केन ङाथेन ताम तावा ताङरी, सम्भवत संविधानसभाला चुनावरी पार्टर्ीीयामसे टिकट याङसेला खालला गोवोनकादेसे तीला सुङबा मुबा ,बिसाम - ङानी खाजीवाई जातिय नारादा चेक्केन बिन्सी राजनीति लावारी म्हाअीेवा आरे, ङानी क्योङनोन ह्युलला लागिरी राष्ट्रिय राजनीति लाबारी म्हाअीवा म्ही, खालाङ चु जातीय थेन ताम्सालिङला तामरी अल्झप तासी टिसे - यदि ङानीसे चु जातीय थेन ताम्सालिङला ताम लाजि विसाम एक त पार्टर्ीी टिकट आपिन,

अर्कुताम टिकट पिन्नोन पिन्साअी स्यान्दो जातीकादेसे भोट आपिन ।

जुन गोबोन ताम्सालिङ न्हाङ ला गोवोन जुन गोवोनकादेसे तामाङकादेदान न्हाङगार भोट ह्रिदोवा मुला । जसदा तामाङकादेसे राङ ला नेतृत्व लावारी, नेतृत्व पंक्तिरी दोना लादोबा मुला । थेराङवा थेराङवा अभिव्यक्तिसे गोवोनकादे ग्याम तामाङ ह्युल्वासे तिला अपेक्षा लासे -

चुराङवा ताम ग्याम तिला प्रष्ट ताला विसाम राष्ट्रिय राजनिति लावारी म्हार्अीवा आहीन व्यक्तिगत स्वार्थला लागिरी राजनिति लावा म्राङबा मुला । गोवोनकादेला ताम गीक, व्यावहार अर्कुताजी विसाम ओम गोवोनकादेसे राजनीति लाबा दुअीरी राङला पार्टर्ीी घोषणा पत्ररी ताम्सालिङला एजेण्डा आसोजी विसाम, तामाङ गोवोनकादेसे वाङ आलाजी विसाम गादेःथेवा अपेक्षालासी ताम्सालिङला लागिरी आन्दोलन लासी भ्रार्साई नेपाली उखान- 'पहाड खनेर, मुसा भेटियो'वीवा राङ अथवा 'हात्ति आयो, हात्ति फुस्सा' विमा राङ थेन तावारी खाम्ला ।

यदि साँच्चिन तामाङ गोवानकादेसे राङला राजनीतिक पार्टर्ीी घोषणापत्ररी ताम्सालिङला एजेण्डा आसोजी विसाम दारेम तामाङ ह्युल्बाकादेसे थेराङवा गोवोनकादेवा खबरदारी लादोबा दुअी तासीेजिन्बा मुला । ह्युल संविधानसभाला चुनाव ग्याम छार संरचना सोवाओगेन मुला । संविधानसभाला चुनावला दर्ुइरी ल्होलो ल्होलो राजनीतिक पार्टर्ीी दारेम राङराङला दारेम तामाङगोवानकादेसे राङ्ला काङ आर्दानी, तीङला वाङःतेसी ताम्सालिङ ह्राङला थुम्री तामाङकादेसेन प्रतिनिधित्व ताम्याङ्वा व्यवस्था सोतोला ।

ह्याङदा थाःमुला ह्युलरी छार स्हे, छार परिवर्तन राजनीति ग्यामनोन वावारी खाम्ला । चुदे शक्तिशाली माध्यम राजनीतिला फाअीदा दारेम तामाङकादेसेनोन लाबारी खाम्तोला । गोर्गी तामाङ गोवोनसेम तीला, दोनाईनोन सुङवा मुवा बिसाम यदि ङाअीे ङाला पार्टर्ीी जातिय नारा किन्सी अर्थात् ताम्सालिङला एजेण्डाला ङाअी ताम लाजी विसाम ङाला पार्टर्ीीे चु संविधान सभाला चुनावरी ङादा टिकट आपिन ओम ङाला चुदे रेङवा राजनीतिक मेहनत खेरो निला थेसे लामा र्ङाई पार्टर्ीी दान्तेदोना ताम्सालिङला ताम लावारी खाम्बा आरे बिसी ह्युल्ला ङच्िछा ग्रेन पार्टर्ीीबसी ङोसेवा पार्टर्ीी गोवोनसेन सुङबा मुबा । पायाननोन ङाला प्रश्न सटिक रुपरी खाजी ओम ङयोईजी-राङ तामाङ, तामाङला सहअस्तित्वला लागिरी ताम्सालिङला ताम लादोवा दुइरी राङला विवा राङ, राङ ला पार्टर्ीी आता विसाम थे पार्टर्ीी तिल्दा अंगालप लासे - तीला ख्लापारी आखाम - हिन्ना, राजनीतिक नशा हिन्ना । चुदा ख्लावारी गाह्रो ताला । तर जतिराङसे राङ्ला पार्टर्ीी ताम्सालिङला ताम लावारी आखाम, राङला पार्टर्ीी घेाषणापत्ररी ताम्सालिङला एजेण्डा सोवारी आखाम थे दोना । राङ्दा तामाङ ह्युल्बासे विश्वास लावारी नोन आखाम ओम रार्ङइनोन अझन म्होग्यामसे सञ्चालित मुला बिबा ताम प्रस्ट ताला ।

ह्युल संविधानसभाला चुनाव ग्याम संघिय गणतन्त्ररी निवा नोन निश्चित तासी जिन्बा अवश्थारी संघिय गणतन्त्रला तामदा पचप लाःआखाम्बा पार्टर्ीीाराङबा - चुराङवा ताम ग्याम तामाङ ह्युल्वासे तिला गोदोला विसाम खाबा संविधानसभाला चुनावरी ताम्सालिङ न्हाङरी खाल्दाम्मान तामाङसे भोट ह्रिवारी खार्साईनोन, खाप्पादाम्मान राजनीतिक पार्टर्ीी- थेन्से ताम्सालिङ सेङलाकि आसेङ बिसी ङ्योईसी ङ्योईसी भोट पिन्वारी अनुरोध मुला ।

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।

प्रायोजक थेन वेभ मास्टर मुकेश लामा, याम्बु, नेपाल ।
E-mail ceo@tamsalingonline.com