काँग्रेसला कारण ह्युलरी गणतन्त्र घोषणा लाबारी गाइजि

खाला मुला ताला सीबी लामादा गोली छेब्बा ?

खबरदारी आन्दोलनला आवश्यकता

छार दिङला होइस्हेरथेन ङेबान नागार्जुन

खराङलसी नानाआङाकादे विदेशरी चुङबाटिम ?

संचार थुमरी लोकतान्त्रिकरण थेन पुनः संरचना

ग्लेसे दक्षिणकालीरी पुजा लाजी

नुवाकोट याम्वू सम्पर्क भेला

सिनासला अन्तरक्रिया गेताङ थुम्जी

सञ्चार समूहला साधारणशभा

का दान गेताङ तासेदा शहिद अनिल लामाला मिनरी श्रद्धञ्जली सभा

सरकारी सेवारीनो समाबेशी अभियान

प्रतिभा प्रवाह गेताङ

विद्यार्थी घेदुङला विचार गोष्ठी

जातिय तेन क्षेत्रिय पार्टी ठ्वाङवारी याङतोला

सेमरी म्हान्बा ताम

ताम्सालिङ न्हाङरी चेतना बोर्बा अभियान मुला

तामाङ काइला काइ

श्रीलंका तेन अष्ट्रेलिया उपधिला ग्यामरी

खै ! खालाङ खाजी लोकतन्त्र ?

प्रगतिशील ह्वाइ कोदोजी

योञ्जनला डान्बा खाजी

ङाला वास्तविक कहानी

          ताम्सालिङसे लाबाजा तिलाई आला

लेप्सी जिन्बा यात्रा ला गोङमा कादे लेप्नान लातोला

तिला ज्याबा डान्बा बिसे ?

पिर ताबा मुला

गजल

तामाङ फिल्मला ब्यस्त कलाकार

तामाङ चलचित्रला दर्शक च्याङना मुला

ह्युलरी लोकतन्त्र खावानोन दिङ गीक छ्योसी जिन्बा मुला । लोकतन्त्रला दुअीसाङरी ह्युलन्हाङरी ल्होलो-ल्होलो गेताङकादेनोन सेङजी । जनआन्दोलन भो-ङीदा डाब्बान खालाअीसे स्मृति दिवस दाङजी । गोवोनकादेसे लोकतन्त्र खाबाविसी ताङवान लोकतन्त्र दिवस दाङजी, विसाम नागरिक समाजसे दल, सरकार थेन गोवोनकादेदा सचेत तानालावारी खवरदारी गेताङ सेङसी आन्दोलन जारी छ, विवा राङबा नारा ग्यामसे चेतावनी पिन्सी जिन्बा मुला ।

खाजीवाअी दुअीरी दान्देलान गोवोनकादेदा अक्षम बिसी पदग्याम वर्खास्त लावान ज्ञानेन्द्रसे सक्ता राङला याःरी किन्बा, शायद ह्युल्ला सचेत नागरिक कादेसे म्लेबा आरे ताला । हिन्बामी नागरिक समाजला गेताङरी ह्युल्ला सचेत, सच्चा नागरिककादेसे गोवेान थेन सरकारदा चेतावनी अपिन्वामी पक्कन हाअिन । साँच्चिन ह्युल्वाला जनभावना गोःवा ओम जन भावनादा डेन लाबा गोवोनकादे हिन्ना विसाम शान्ति तथा पुननिर्माण लोन्पो रामचन्द्र पौडेलदा छेप्पा क्यूअीला वोतलनोन शसक्त उदाहरण हिन्ना । ब्रेदल-सरकार तिल्दाम्मान गे लावारी ल्हामान फिःना लासी टिबा मुला । ह्युलरी लोकतन्त्र खावा दिङ गीक छ्योसाअी पर्ूण्ारुपरी लोकतन्त्रानुभूति लावारी म्याङवा आरे । गोवोनकादेसे ह्युलवाला मिःरी दुलु फाग स्वावा राङ लासी तिलाअी-तिलाअी आश्वासन न्हाङरीन सिमित लासी थान्वाअीनोन दिङ गी तासी जिन्वा मुला । दिङ गीक विवाअीनोन तुन्बा दुअी विसाम पक्कन हाअिन । हिन्बामी ब्रे दल थेन दान्देला चु सरकारसे ज्याबा संकेत बिअी या आज्यावा संकेत लक्षण विअी थे विसाम ङाच्छान हेन्से हुन्सी जिन्वा मुला । ०६३ वैशाक १५ गते हेन्से देप्पेन सेङवा संसदसेनोन ह्युल्वादा ताङना लावारी वाङ आलावाजा विसाम पक्कन हाअिन । तर ब्रे दल बिअी या दान्देला चु सरकारसे तिल्दाम्मान गे योना लावारी खाम्बा आरे । ०६३ मंसिर ५ गते न्हाङरी लागु लादोवा अन्तरिम संविधान माग लारी दोजी थेराङनोनलासी ०६३ लान मंसिर १० गते न्हाङरी अन्तरिम विद्यायककादे घोषणा लावान मंसिर १५ गते न्हाङरी सरकार गठन लाबा बिबा गे कादे ल्हामान घाअीसी लावासे ह्युल्वाला विश्वास च्याङना तासी निवा मुला । झन

तिनिन्हाङर गोवोनकादेला गाईजात्रे ह्रिकपासे ह्युलवाकादे वाक्क दिक्क तासी टिवा मुला । शायद चुनोन कारणसे लामानोन नागरिक समाजला चुपाल्छेला गेताङ ल्हामा महत्वपर्ूण्ा मुबा । जुन गेताङ ग्यामसे साच्चिन ह्युल थेन ह्युलवाला लागिरी राजनीति लावारी सेम तावा गोवोनकादेला लागिरीम ज्यावा पाठ लोप्पा मुला ।

ह्राङदा थाःमुला, नेपाल कमयुनिष्ट पार्टर्ीीाओवादी च्युअीसे गी दिङदोना ह्रिरी तुम्वाक थोसी दान्दे राजनीतिक मुल धाररी खावा मुला । विशेष लासी चु संक्रमणकाल थेन खावा दुअीरी ह्युलवाकादेसे माओवादीग्याम ल्हामा स्हेकादे अपेक्षा लावा मुला । तर विचराकादे तुम्वाकला भाषा लोप्पा थेन सेवाकादेसे संसदला थेन सरकारला भाषा खाराङलासी गोःसे - बल्ल-बल्लका विज्ञ म्हीकादे ग्याम प्रशिक्षण किन्वान मुला । साअीमा गोसे - खाअीमा सेसे - सर्कार थेन संसदला ताम - दारेम माओवादीला क्षमतानोन ह्युलवासे कोअीसी जिन्वा मुला । सरकारसे कोअीवा मुला ओम सचेत नागरिक कादेसेनोन कोअीसी जिन्बा मुला । थेसे लामा ताजी विसाम ङसि दलसेन दारेम माओवादीदा देप्पेन जंगलरी याअीसी पुअीवारी षडयन्त्र लावान मुला । चुला उदाहरण हुन्सी जिन्बा मुला जस्तोः ग्रेन लोन्पो गिरिजाप्रसाद कोइराला ओम वन तथा भू-संरक्षण लोन्पो मातृकाप्रसाद यादव गुङला खुलेआम भनाभन थेन विवादला ताम । हिन्वामी चु ताम, चु उदाहरण ग्याम दान्देदोनाला सरकार थेन मन्त्रालयरी क्यार खाजीवाअी पारदर्शिता आरेम विवा तामला पर्दाफासनोन लाबाला मुला बिसाम अर्कुपट्टी सरकार ओम ब्रे दलला सम्बन्धरीस् गोर्गी प्रश्न चिन्हनो -खडा लावाला मुला ।

चु ताम ग्याम तीला प्रष्टयाप लावारी हुन्वा मुला विसाम तिलादोना ह्युल्ला ग्रेन आतंकवादी दस्ता विवाम माओवादी हिन्ना माओवादीदा राजनीतिक मुलाधाररी वासा समस्या दाङवा म्हाङ म्राङवाकादे तिनी माओवादी विमा अर्कुतान ग्रेन आन्दोलनकारी, ग्रेन आतंककारीला मिसे म्राङवा मुला । तिल्दा विसाम तिनिला चु दुअीसाङरी माओवादी संसद थेन सरकार ग्लाङरिीन मुसाअी देप्पेन मधेसरी मे लुङवान मुला । ल्हामान म्हीकादेला भो निवान मुला । चुराङनोन लासी आदिवासी जनजातिकादेला आन्दोलन ल्हेवान मुला बिसाम ओर्सर्ेेर्म निरपेक्ष थेन सापेक्षला गुङला मतभेदरीनोन पोलुवान्हाङरी मेः धिवान मुला अझ पाङतोमा दरबारिया षडयन्त्र ल्हेवान मुला । थेसे लामा माओवादीदा दान्दे सामान्य रुपरी च्यावारी वाङवा मुला । तर माओवादीसे दुअी दुअीरी चेतवनीला भाषाकादे आलावा विसाम पक्कन हाअिन । तासाअी खाल्छे ङ्यान्से माओवादीला चु ताम -

दान्देला सरकार थेन गोवोनकादेला गुङरी ल्हामान समस्या थेन चुनौतिकादे मुला । ओर्सर्ेेबदेशीला हस्तक्षेप मुला विसाम अर्कुपट्ट िल्हामान समस्याथेन चुनौतिकादे । थेसे लामा दान्देला सरकार थेन गोवोनकादेसे खास तिलाअी लावारी खाम्सी टिबा आरे ।

संविधानसभाला चुनावला दुअी जेठ लारी लाला विसाअी लाबारी अखाम्ना छेप्पेन असार लाला डु गते अन्धाधुन्दा मिति घोषणा लासाअी निर्वाचन आयोगसे चुनाव लावाला लागिरी दुअी आछ्योबा विवाअी पायान दारेम चुनाव आअीमा ताला बिबान खालाअीदा तिलाअी था आरे । तिनि दरबार ल्हामान नेसी टिबा मुला । तिल्दा विसाम चु सरकारसे संीवधानसभाला चुनाव लाबारी आखाम्मा । थेराङनोनलासी चु सरकारला क्षमता कोअीसिनोन ।

तिल्माला रेरी माओवादीसे तुम्वाक थोःमा, म्हीसाअीमा सरकारसे वान्टेड लावा मुला । चुङबा मुबा गिरफ्तार लावारी म्हाअीवा मुबा खाम्जी विसाम सखाप लावारी म्हाअीवा मुबा । तर तिनी मधेशी जनअधिकार फोरम, जनतान्त्रिक मुक्ति मोर्चा ज्वाला सिंह, गोइत चुरे भावर एकता समाज राङवा ल्हामान गेन्दुनकादेसे खुलेआम हतियार थोःमा, म्ही साअीमा तिनी खालाअीदा गिरफ्तार सुक्ताअीनोन लावारी खाम्बा आरे । चु सरकारला कमजोरी हिन्ना ।

स्यान विमाअीनोन तिलाला रेःरी मधेशीकादेला हितला पक्षरी ठ्वाङबा गोर्गी सामाजिक गेन्दुन गोर्गी एनजीओसे तर्राईला, मधेशला आन्दोलनरी न्हामान म्हीकादेला भो-किन्वान्, हतियार थोःवान तिनी खुल्ला पत्रकार जोन्ना, खुल्ला गेताङ सेङसी टिवामुला । निर्वाचन आयोगरी दल दर्ता लावाला लागिरी खासी टिःवा मुला । चुराङवा अवश्यरी ह्युलला प्रशासन तिला च्यासी टिबा मुला । सरकार तीला च्यासी टिबा मुला - तीला थेनिकादे आतंककारी हाअिन - तिला थेनिकादेसे तिल्दाम्मन लासाअी राज्य ग्याम छुट मुला - तिला थेनिकादे कानुन विमा फिरी मुला - कि थेनिकादेदा चुराङ चुराङ लाऊ बितार्सर्ीीरकारथेन दरबारसेन कुल्वा - हाअिन्वा हिन्साम-ह्युलरी अशल शाषण, सु शाषण वावारी अराजकता काःबाला लागिरी दोषीकादेदा कार्वाही लावारी पर्ूर्जि थाःतोजी । राज्यला काननु अनुसार दण्डित लादोजी । यदि चु अवश्थारीनोन कुटिसी टिजी विसाम संविधानसभाला निर्वाचन खाअीमाअी तावारी आखाम । थेराङनोन लासी आन्दोलनकादे खाअीमाअी काःबारी आखाम । थेसे लामा जनआन्दोलनला दुअीसाङरी भो पिन्वा शहिदकादेला म्हाङ अपुरोन ताला । थेनिकादेला आत्मासे केःसेला मुला । ह्युलरी अराजकता ल्हेसिन टिसेला मुला । ह्युलवासे म्हाअीवा तिलाअीनोन तावारी आखाम । थेसे लामा ज्योनखाऊ, ह्याङ वेनान वेनान गीक ताअी ओम ह्युल्ला सरकार थेन गोवोनकादेदा खवरदारी लासिन टिअी ।