खालेदोङरी छार ग्योइ

काभ्रे । कार्तिके देउराली गाविस वाड नं.१ खालेदोङ नाम्सारी चुपाल्से जेगेन गोर्की छार ग्योइ स्होबा मुला । वषर्ारी मुग्याम ताइबा क्यर्ुइदा संरक्षण लासी नाम्सारीन गिक्छारेम स्होबा थे ग्योइसे नाम्साला बेनान कृषकजुकुदा खेतीपाती तेन बस्तुभाउ लाबारी सघाउ ताबा मुला । भौगोलिकताला आधाररी विकट तासाइनोन फलफुल तेन तरकारीदा लागिरी खालेदोङ नाम्सा ल्हामान उपयुक्त ग्ला मुला ।

चु ग्योइ जेगेन आहिन खाबा रेरी नाम्साला कृषकजुकुदा आयआर्जनरी बृद्धि लासी खालेदोङ ह्राङबा विकट ग्लादा गोर्की नमूना नाम्सा दोना लाबारी जनजागृति मञ्च नेपाल सक्रिय तासी निसेदा बिसी मञ्चला चोहो काली तामाङला सेमताम मुला । होजा ग्योइ जनजागृति मञ्च नेपाल तेन स्थानिय वासिन्दाला संयुक्त सहयोगरी स्होबा हिन्ना ।

पर्वतारोही माइला तामाङदा डेन लाजी

काभ्रे । पर्वतारोही माइला तामाङदा रेकुन, तिमाल जनजाति उत्थान समाजसे डेन लाबा मुला । होजा डेन गेताङरी ग्रेन डोन्बो समाजसेवी तेमाल सिं तामाङसे माइला तामाङला सहासिक गेला प्रसंसा लाबान थेला ल्हुइला दोखाङला लागिरी ज्याबा डान्बा दोन्स्युबा मुबा ।

ल्हेङमोलान ताङरी तिमाल जनजाति उत्थान समाजला चोहो लिलाबहादुर दोङसे तिमाल मिनसेन ऐतिहासिक ग्ला हिन्ना तिमालरी केबा माइलासे तिमाले ह्युल्बालान मिन थान्सी तिमाल थेन ह्राङला छान दोङरापरी म्हारला छिगसे ब्रिबारी सफल ताबा मुला बिसी सुङजी ।

लिलाबहादुर दोङसे दोन्बा तामसोर आन्सार गेताङरी अंकलबहादुर तामाङ, बगनसिं तामाङ, जनएकता युबा क्लबला चोहो धनबहादुर तामाङ, शिक्षक मदनकुमार चौधरीसे माइला तामाङला साहसि गेला विषयरी ह्राङ ह्राङला ल्हेङमो थान्स्युबा मुबा । होजा डेन गेताङरी माइला तामाङदा डेन लाबारी तेमालला ग्यार्जा चुङ्हा विमा ल्हाना ह्युल्बाकादे जोम्बा मुबा । गेताङरी दावा लामासे डेन्साङ ल्हेङमो थान्स्युबा मुबा विसाम होमध्वज लामासे गेताङ संचालन लास्युबा मुबा ।

ङ्ही छार टेलिभिजन

नेपालला टेलिभिजनला थुमरी छार ङही टेलिभिजन काप्पा मुला । सगरमाथा टेलिभिजन तेन एभिन्यूज टेलिसिभजथनसे तिला ल्यान्दे परिक्षण प्रसारण तिबा हिन्ना । सगरमाथासे थाई कम स्याटलाइट ग्याम प्रसारण लासेदा मुला बिसाम एभेन्यूजसे थाइ कम-५ उपग्रह मार्फ प्रसारण लासेदा मुला ।

एभेन्यूज टेलिभिजनसे नेपालला खप्पाई बिमा ङहाच्छाला समाचार च्यानला रुपरी प्रसारण लाबान मुला । दात्ते दोना नेपालरी नेपाल टेलिभजिन, कान्तिपुर टेलिभिजन, इमेज च्यानल, च्यानल नेपाल प्रसारण तासी टिबा मुला ।

तामाङ डाजाङसे अग्नीला कथा ओन्सेदा

याम्बु । तामाङ डाजाङ याम्बुसे खाबा साउन ५ गते कुनु गुरुकूलला हलरी अग्नीला कथा ओन्सेदा ताबा मुला । नाटक बौद्ध धर्मतेन सम्बन्धित मुला । ग्योइ थेन ग्योइकाइला थुमदा विकास लाबा गेरी डाजाङ्दा आर्थिक ह्रो तागाई बिसी थे नाटक ओन्गे लाबा हिन्ना । ज्योर्दी म्योइला 'अग्निला कथा' प्रा. अभि सुवेदीसे ब्रिस्युबा हिन्ना विसाम निर्देशन कलाकार सुनिल पोखरेलला मुला । चु नाटक बौद्ध धर्मरी आधारित तावासे क्योङदान छोर्ङर्ााखागाई बिसी ओन्बारी म्हाइबा हिन्ना बिसी डाजाङ थेमेसे पाङबा मुला ।