नेपाल सेमिफाइनलरी

नेपाल महिला क्रिकेट टोली एसिसि वुमन्स क्रिकेट प्रतियोगिताला सेमिफाइनलरी दोबा मुला । मलेशियारी तासी टिबा प्रतियोगितारी नेपालसे हङकङ तेन थाइल्याण्डदा डाबा मुला । बिसाम आयोजक मलेशिया तेन रोमाञ्चक बराबरी क्लाङबा मुबा ।

खप्पाइबिमा ङहाच्छा अन्तर्रर्ााट्रय प्रतियोगितारी बो किन्सी टीबा नेपाली टोलीसे उत्कृष्ट पर््रदर्शन लाबान सेमिफाइनलला यात्रा तय लावा हिन्ना । खप्पाई बिमा ङ्हाच्छा नेपालला खेल थाइल्याण्ड तेन ताबा मुबा । थाइल्याण्डदा नेपालसे ३५ रनसे ब्रेना लावान खप्पाई विमा ङहाच्छाला अन्तर्रर्ााट्रय प्रतियोगतारी डाबारी सफल ताबा मुला ।

खप्पाइविमा ङहाच्छाला खेल डातासी उत्साहित ताबा नेपालसे आयोजक मलेशिया तेन बिसाम रोमाञ्चक वराबरी खेल क्लाङजी ङहाच्छा व्याटिङ लाबा मलेशियासे निर्धारित ३० ओभररी कु विकेटला क्षतिरी ७३ रन स्होबा मुबा ७४ रनला लक्ष्य थोसी व्याटिङ लाबारी खाबा नेपालदा नाम ताइसी कोल्ना लाबा मुबा । नाम टितासी सञ्चालन ताबा खेलरी नेपालसे बेनान विकेटला क्षतिरी ७३ रन चेख्खेन स्होबारी खाम्जी ।

लिग च्यामिपयन दोबा लक्ष्य थोसी थाइल्याण्ड तेन क्लाङबारी खाबा नेपाल टस ब्रेतासी बलिङ, लाबारी बाध्य ताबा मुवा तर हङकङ ला व्याटिङ लाबा निर्ण्र्ााा गलत सावित लाबारी नेपाली बलरकादेसे उत्कृष्ट बलिङ लावान २३ ओभर ५ बलरी बेनान विकेट किन्बान ३१ रन चेख्खेन स्होबारी पिम्जी । ३२ रनला च्याङना लक्ष्य थोतासी व्याटिङरी थोन्बा नेपालसे निर्धारित लक्ष्य ३ विकेटतला क्षतिरी २३ ओभर ५ बलरीन पूरा लाजी । नेपालला लागिरी मनिषा रावलसे १० रन ओम मधु थापासे ११ रन स्होबा मूवा । प्रारम्भिक व्याटसवुमन रितु कर्नोजिया ३ रनरीन आउट ताबा मुला । बिसाम कप्तान नेरी थापा ब्ली रनरी अविजित मुबा ।

हङकङदा च्याङना रनरीन आउट लाबाला ताङरी नेपालला कप्तान नेरी थापा तेन नीरा राजापाध्यायसे सोम विकेट किन्बा मुबा । सीताराना मगर तेन रीतु कनौजियासे का.कार विकेट किन्जी ।

नेपालसे लिगरी क्लाङबा सोम खेलरी ङ्ही डाबान ओम गी बराबर लावान च्यर्ुइ अंक थोसी लिग च्याम्पियनला रुपरी सेमिफाइनलरी दोबा मुला । नेपालसे सेमिफाइनलरी समूह एला उप विजेता चीन तेन फाइनलरी वाङबाला लागिरी क्लाङसेदा मुला । नेपाल तेन ब्रेवा हङकङएनोन समूह उपविजेताला रुपरी सेमिफाइनलरी दोबा मुला । हङकङसे ए ला विजेता बंगलादेश तेन क्लाङसेदा मुला ।

नेपालसे सेमिफाइनलरी तिनी चीन तेन प्रतिस्पर्धा लासेला मुला । चीनला व्याटिङ पक्ष ज्याबा म्राङबा मुला । चीन बंगलादेश तेन ब्रेबा मुबा । नेपालला बिसाम व्याटिङला तुलनारी बलिङ ज्याबा म्राङबा मुला । नेपालसे ब्याटिङरीनोन सुधार लावान मुला बिबा दावी नेपालला प्रशिक्षक जंगबहादुर थापासे लाबा मुला ।

ब्राजिलसे डाजी कोपा अमेरिका कप

निवा प्रतियोगिताला फाइनलरी ब्रेबा बदला किन्बा अर्जेन्टिनाला योजनादा फुप्पान दक्षिण अमेरिकाला प्रतिष्ठित प्रतियोगिता कोपा अमेरिकाला उपाधि ब्राजिलसे डाबा मूला । तिला ताबा फाइनलरी आर्कु सशक्त टोली अर्जेन्टिनादा ३-० गोल अन्तरसे लिच्छा थान्बान ब्राजिलसे उपाधि डाबा हिन्ना ।

डाबा ब्राजिलला लागिरी आर्सनल ग्याम क्लाङबा जुलियो बाटिस्टासे खेल तिबा ब्ली मिनेटरीन गी गोल लाबा मुबा बिसाम गी गोल अजर्थेन्टिनाला कप्तान रोबार्र्टो आयलासे दर्ुभाग्यपर्ूण्ा आत्मघाती गोल ताबा मुला । ब्राजिलला लागिरी सोमचा गोल डयानियल आल्भेससे ङहीचा हाफरी लाबा हिन्ना । ब्राजिलसे ह्राङला स्टार खेलाडीकादे रोनाल्डिन्हो, काका दा टोलीरी समावेश आलाबा मुला । बेनान खेलाडीकादे छार पुस्ताला मुबा । अर्जेन्टिनालानो टोलीरी बेनान खेलाडी छार पुस्तालान मुबा । बासिल अजेीन्टनाला प्रशिक्षक दोसी १९ खेल लिच्छा चु खप्पाइ विमा ङहाच्छा ब्रेबा हिन्ना ।

प्रतियोगितारी ब्राजिलला स्ट्राइकर रोविन्हो सार्वाधिक गोल लाबा खेलाडी दोजी थेसे डु गोल लाबा मुबा ।

उपाधि डाबा ब्राजिलला सुरुवात बिसाम ओदे ज्याबा अताजी खप्पाई बिमा ङहाच्छाला खेलनोन ब्राजिलसे २-० ले ब्रेबा मुबा तर थे लिच्छा बिसाम उत्कृष्ट पर््रदर्शन लाबान प्रतियोगिताला उपाधिन डाबारी सफल ताजी । ब्राजिलसे कोपा अमेरिका डावा चु लगातार ङहीरेम हिन्ना बिसाम चुतेन लामा ब्रे रेम उपाधि डासी जिन्बा मुला ।

फाइनलरी वाङवाला लागिरी ब्राजिलसे सशक्त टोली उरुग्वेदा टाइब्रेकररी ५-४ से डाबा मुबा । निर्धारित दुइला खेल २-२ गोलरी जिन्बासे खेलला निर्ण्र्ााटाइब्रेकरी ताबा मुला विसाम अर्जेन्टिनासे मेक्सिककोदा ३-० से डावान फाइनलरी दोबा मुबा ।

उपाधि डाबा ब्राजिलला प्रशिक्षक डुंगाला प्रशिक्षकला रुपरी चु खप्पाई विमा ङहाच्छाला औपचारिक प्रतियोगिता हिन्ना । डुगा प्रशिक्षकरी चुख्री ला ङहाच्छा नियुक्त ताबा हिन्ना । डुंगा ब्राजिलसे १९९४ री बिश्वकप डामा टोलीला कप्तान मुबा । चु बिमा ङहाच्छाला कोपा अमेरिका कप ब्राजिलसेन डाबा मुबा । थे दुइरीनोन ब्राजिलला प्रतिद्वन्द्वि अर्जेन्टिना मुबा । आर्जेन्टिनादा टाइब्रेकरी डावान ब्राजिलसे चु बिमा ङहाच्छाला कोपा अमेरिका कप डाबा मुबा ।

प्रतियोगितालान सोमचा ग्लाला लागिरी ताबा खेलरी उरुग्वेदा ३-१ से ब्रना लावान । मेक्सिको सोमचा ताबा मुला । मेक्सिको डोन्बोला रुपरी बो किन्बारी खाबा हिन्ना ।