विक्रम संवत अनुसार छार दीङ खावान मुला । ह्युल्सारी खाबा राजनैतिक परिवर्तनला प्रभाव ग्याम खेलकुदला थुमएनोन थारेङ टिबारी आखाम्जी । लोकतन्त्र बिमा ङ्हाच्छा शाही शासनला प्रभाव खेलकुदलारी मुबा । शाही सत्ताला मतियारसे लाबा आज्याबा गेदा सुधार लाताबनोन दीङ गी निजी । छार सरकार पोबाला छ्यामरी राष्ट्रिय खेलकुद परिषद् से छार सदस्य सचिवला रुपरी जीवनराम श्रेष्ठदा याङजी ।

नेपालला खेलकुदला थुमसे अन्तराष्ट्रिय प्रतियोगितारी ङहाच्छाला असफलतादान निरन्तरता पिञ्जी । श्रीलंकारी ताबा दशौं साग खेलकुदरी नेपालसे आशा लाबा सफलता याङबारी आखाम्जी । वोगल गी विमाल्दामा स्वर्ण्र्ाादक डाबा लक्ष्य थोदासी कोलाम्बो निबा नेपालसे लक्ष्य विमा ल्हामान च्याङना कु स्वर्ण्र्ाादक डाबारी खाम्जी । ल्हामा पदकला आशा लाबा कराते, तेक्वान्दो, तेन उसुरी बिबा ह्राङवा सफलता अयाङजी । तेक्वान्दोला खेलाडी दिपक विक्टसे लगातर सोम सागरी स्वर्ण्र्ाााबान ह्याटि्रक लाजी । म्याराथानला वैकुण्ड मानन्धर लिच्छा सागरी ह्याटि्रक लाबा विष्ट ङह्रिचा खेलाडी हिन्ना । सागरी भारात्तोलान खेलाडी कमल अधिकारी मार्फ खप्पाइृ विमा ङहच्छाला स्वर्ण्र्ाादक याङजी विसाम उसुला विना लामा मार्फ स्वर्ण्र्ाादक डाजी ।

एथलेटिक्सरी राजेन्द्र भण्डारीसे गीनोन प्रतियोगिता ङही स्वर्ण्र्ाादक राजेन्द्र भण्डारीसे गीनोन प्रतियोगितारी ङही स्वर्ण्र्ाादक डाबान रर्ेकर्ड थान्बा मुला । तर भण्डारीसे याङबा सफलताला चर्चा आसिम्जी न्होनोन भण्डारीसे शक्तिवर्दक मान प्रयोग लाबा प्रमाणित ताजी । नेपालला खप्पाई विमा ङहाच्छा अन्तर्रर्ााट्रय प्रतियोगितारी वेइज्जत ताजी ।

तेक्वान्दोरी स्वर्ण्र्ाादकला आशा लाबा संगिना वैधसे सागरी स्वर्ण्र्ाााबारी आखाम्जी संगीनासे कास्य पदक चेख्खेन डाबा मुबा । थेराङनोन रजत पदक चेख्खेन डाबारी खाम्जी ।

साग खेल लिच्छा कतारला राजधानी दोहारी ताबा एशियाली खेलकुद रीनोन नेपालले वो किन्जी । एशियाली खेलकूदरीनोन नेपालसे असफलता याङजी । १४ वटा खेलरी वो किन्बा नेपालसे गिखेन खेलरी चेख्खेन पदक याङजी । तेक्वान्दो खेलरी नेपालसे सोम कास्य पदक डाबा मुबा ।

तेक्वान्दोला नेपाली खेलाडीकादे दिपक विष्ट, आयशा शाक्य तेन मानिला शाहीसे पदक डाबा मुला ।

फुटबल ः ह्युल्सा न्हाङरी चेख्खेन सिमित

नेपाली फुटबलसे निबा दीङरी सफलता याङबारी आखाम्जी । साग खेलकुदरी नेपाली फुटबल टोलीसे कास्य पदक डाजी । ह्रेङबा दी दर्ुइ लिच्छा फुटबलरी नेपालसे याङबा ग्रेन सफलता चुनोन हिन्ना ।

निवा दीङ ह्यान्दे तिबा दोहोरो लिगला फुटबल तिदीङएनोन निरन्तरता याङजी । लिगरी उपाधि डाबा टोलीसे २० लाख नगद पुरस्कार याडबा मुबा । छ्यो आछ्यो ला डु दोना सञ्चालन ताबा लिगला उपाधि खाप्पाई विमा ङहाच्छा महेन्द्र पुलिस क्लबसे डाजी । उपाधिला यात्रारी आर्मी क्लबदा लिच्छा थान्बान उपाधि डाबा हिन्ना । उपाधिला छ्यामरी पुलिसलान हरि खड्कासे लिगला उत्कृष्ट खेलाडी दोबान यारिस कार डाजी । लिगला उत्कृष्ट खेलाडीदा कार पिन्बा निबा दीङ ध्यान्दे तिबा हिन्ना ।

उत्कृष्ट खेलाडीदा यारिसकारला छ्यामरी ह्राङह्राङला ग्ला ग्याम ज्याबा क्लाङवा खेलाडीदा जी फाइभ मोटर साइकल पुरस्कार पिन्बा मुबा । उत्कृष्ट गोलकिपर सुरेन्द्र श्रेष्ठ -एनआरटी) उत्कृष्ट रक्षक अन्जन के.सी. -थ्रिस्टार) उत्कृष्ट मध्यपंक्ति राजु तामाङ -आर्मी क्लब) उत्कृष्ट स्ट्राइकर विकर्ण्र्ााेष्ठ -आर्मी क्लब) खप्पाई विमा ल्हामा गोल लाबा मनाङला अनिल गुरुङसे मोटरसाइकल डाबा हिन्ना । थेराङनोनलासी उत्कृष्ट प्रशिक्षकला रुपरी पुलिसला विराट श्रेष्ठसे मोटरसाइकल डाबा मुबा ।

फुटबल प्रतियोगितालान तामलामा याम्बु फिरक्याप सोम नकआउट प्रतियोगिता ताजी । पोखराला आहा गोल्डकप मनाङ मर्स्याङदीसे डाजी । बिसाम धर्ानला बुढासुब्बा गोल्डकप थिस्टार क्ल बसे डाजी । बिसाम दीङला खप्पाई विमा लिच्छाला इटहरी गोल्डकपला उपाधि विसाम दाप्पेन तिरेम मनाङ मर्स्याङदीसेन डाजी ।

नेपाल यु-१७ टोलीसे सिंगापुररी तावा एसफसी च्याम्पियनशिपरी वो किन्जी । तर नेपालसे क्लाङबा सोमनोन खेल ब्रेजी ।

क्रिकेटरी छार नेतृत्व

हे्रङबा कार्यकाल लिच्छा क्रिकेट संघला चोहो जयनाथ कुमार शाहसे विदा किन्जी । विनयराज पाण्डे संघला छार चोहोला रुपरी खाजी । पाण्डे चोहो दोबाला छ्यामरी ङहा दिङला लागिरी २० करोडला प्रयोजक याङजी ।

एसीसी तीन दिवसिय प्रिमयरलिगला उपाधि नेपालसे डाजी । युएइदा लिच्छा थान्बान नेपालसे उपाधि डाबा हिन्ना । नेपालसे ९५ दशमलव ५ अंक याङतासी गीक्छा ताबा हिन्ना ।

नेपाली महिला क्रिकेटसे निबा दीङरी अन्तराष्ट्रिय पुरस्कारनोन डाजी । पश्चिमाञ्चलला महिला क्रिेकेटसे पुरस्कारला रुपरी अमेरिका डलर डण्ही हजारला छयामरी खेल सामाग्रीनोन याङबा मुबा ।

एशियन क्रिकेट काउन्सिलसे आयोजना लावा यू-१५ एलाइट कपला उपाधि नेपालली टोलीसे डाजी । संयुक्त अरब इमिरेट्स ब्रेना लावान नेपालसे उपाधि डावा हिन्ना ।

च्यूइदिङदोना शशस्त्र जनयुद्ध लावा नेकपा -माओवादी) ला भ्रातृ संगठन गणतान्त्रिक खेलकुद संगठनसे याम्बुरी राष्ट्रिय खेलकुदला आयोजना लादासी खेल क्षेत्रदा च्यावा ह्राङला नितिदा ङहाच्छा थान्बा मुला ।

खेलकुदरी विवाद

प्रायः विवाद तासीटीवा खेलथुम निवा दीङरीनोन विवाद ग्याम थारेङ टिवारी आखाम्जी । राजेन्द्र भागरी ला शाक्तिवर्दक मानला काण्डरी प्रशिक्षककादेदा दोषि प्रमाण्ति लामा जर्मन प्रोजेम्टला गुन्टर लाङगे हृयुलसारी दोजी । ग्लेला शासनरी तावा निर्ण्र्ााा वदर लावाला ताङरी सदस्य सचिव जीवनराम श्रेष्ठदा से वेनान खेलकुद संघदा विघटन लासी तदर्थ स्होजी । थेला विरोघरी आखिल नेपाल फुटवल संघ -एन्फा) थोन्जी । एन्फासे सञ्चालन तासी टीवा राष्ट्रिय लिगनोन वन्द लावा घम्की पिन्र्साई लिग सम्पन्न तासी जिन्बा मुला ।

माओवादीला गणतान्त्रिक खेलकुद संगठनसे खेलथुमदा तालावन्दी लावान प्रभावित लावा गे लासिन टिजी ।

खाइमातामान खाल्सेइ थाहा आयाङना चुनाव लावा नेपाल ओलम्पिक कमिटीसे खप्पाई विमा ङदाच्छा पारदर्शी चुनाव लाजी तर अदालतला निर्ण्र्ााा ल्यारवासे छेप्पान चुनाव लावासे विवाद ग्याम्से थारेङ टिवारी विसाम अखाम्जी ।

एन्फारी दाप्पेन आर्कु विवाद थोन्बा मुला । एन्फाला चोहो गणेश थापाला विरोध लावान बि डिभिजनला ङीस क्लबसे लिग वाहिस्कार लावा घोषणा लावा मुला । चैत्रला दोस्रो सातारी तातोवा लिगला दात्तेदोना निर्ण्र्ाातावा आरे ।

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।

प्रायोजक थेन वेभ मास्टर मुकेश लामा, याम्बु, नेपाल ।
E-mail ceo@tamsalingonline.com