दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
तामाङ चलचित्रला दर्शक ल्हामा तावान मुला
तामाङ चलचित्रला थुमरि खप्पाईविमा ल्हाना चलचित्र स्होवा निर्देशक बिसी ङोसेवा सन्तलाल घिसिङसे निर्देशन लावा अर्कु तामाङ चलचित्र दुङाल चुनोन लाला गीरे कुनु बौद्धला पृथ्वी हलरी च्यारिटी शो हुन्जी । चुविमा ङ्हाच्छा याम्बुला जयनेपाल हलरी च्यारिटी शो हुन्सी जिन्वा चु दुङाल चलचित्रला ङ्हीछा च्यारिटी शो हिन्ना । निर्माता विनोद स्याङतानसे पिन्वा जानकारी अन्छार दुङाल चुनोन लाला १६ गते पनौतीरी १७ गते हेटौडारी ओम १९ गतेरि खोपोङला वाराही हलरि च्यारिटी शो हुन्वाईगेनमुला । नमोबुद्ध फिल्मस्ला व्यानररी निर्माण तावाओम विश्व दोङला संगीतरि राजु दोङ -दावा), हिरालाल व्लोन -मिक्मार), ओम जेसुम थेन रिनासे प्रमुख भूमिकारी क्लाङवा चु चलचित्रला कथाबस्तु नेपाली समाजरी तावा वास्तविक दुङालदा हुन्वा बाङ हिन्ना । बौद्धला पृथ्वी हलरी दर्शककादेला ज्यावा सहभागी याङबा चु चलचित्रसे पनौती हटौडा थेन खोपोङरि दर्शक सहभागिता खराङवा याङला चु बिसाम च्यावारी बाँकीन मुला ।
पृथ्वी हलरी दुङाल च्यावा लिच्छा-
तामाङ कथानक चलचित्र दुङाल च्यामा ज्यावा चलचित्र स्होजिम विवा महसुस लवारी म्याङजी । कथावस्तु डिक्वा मुवा जजागी कमजोरि पक्ष विवाजा तामाङ चलचित्ररी तामाङ धर्म रिमठीमदा ओदे सशक्त रुपरि समेटप लावारि आखाम्वा ह्राङ छोर्मु आर्कुमि ज्यावान मुला ।
प्रकाश व्लोन, चलचित्र कथाकार
सन्तलाल घिसिङला ल्हामान चलचित्रकादेला गुङरि दुङाल ज्यावा चलचित्र विवारी खाम्ला
। फिल्मी फरमेटरी पर्ूण्ा मुवा ह्राङ छोर्मु ङादा ।
कुवेरसिं दोङ संगीतकार
तामाङ चलचित्रकादे ओदे गुणस्तरिया आखाबा विवा दर्शककादेला एक प्रकारला गुनासो
मुवा । जुन गुनासोदा दुङालसे तिलाई मात्रा च्याङना तानालावा महसुस तावामुला ।
दर्शककादेला माहोल च्यामा ल्हानान ताङवा मुला तामाङ चलचित्रला दर्शककादे ल्हाना
तवान निवा स्याप्जी दरेम तामाङ चलचित्रला बजार ग्रेन तवान निवा हिन्नवा विवा संकेत
हुन्वामुवा तिनी । ३५ लाख तामाङकादेला गुङ्री गोरगी तामाङ कलाकार दोमा ह्राङसे
ह्राङदान गर्व तवा मुला ।
हिरालाल व्लोन नायक
ङ्हाच्छा ताममी ह्याङ तामाङकादेसे ह्याङला आमाग्योइला चलचित्र च्याम्याङवान
ग्रेन ताम हिन्ना । अर्कु ताम तामाङ चलचित्रला गुङरि अर्कु गोरगी ज्यावा चलचित्र
च्याम्याङवा महसुस् ताजी । समग्ररि चलचित्र ज्यावा मुवा । दुङालरी निर्माण पक्षसे
जति मेहनत लावा मुला अझ तामाङ ग्योई, धर्म थेन रिमठिमदा सशक्त रुपसे हुन्वा हिन्सम
चु चलचित्र ल्हानान ज्यावा तसेला मुवा ।
- सुरेश थोकर दर्शक
संगमला जामेला जुनी
तामाङ हृवाइ संगीतला थुमरी दात्ते एल्वमकादे थोन्बा ताङरी गोरगिक छार एल्बम ङ्यान्खेन कादेला ओन्छाङरी संगम लामा थोकला जामेला जुनी खाबामुला । चु एल्वमरी साइड ए तेन साइडबिरी लासी गोरङीस ह्वाइ ङ्यान्बारी खाम्ला । छिगकादेरी संगम थोकर, लालबहादुर थोकर, ठूलो बाबु ङेसुर, शंखबुद्ध लामा तेन विजय मोक्तान मुला बिसाम काइस्हेङखेन संगम लामा, लालबहादुर थोकर तेन मानबहादुर लोप्चन मुला । काइमो, काइपाकादेरी चन्द्र कुमार दोङ, इन्दीरा गोले, रोजबहादुर मोक्तानसे काई दोन्स्युवा मुला ।
चु जामेला जुनी एल्बमसे तामाङ हृवाइला गुङरी ह्राङला ज्याबा परिचय उन्सी सफल्ता याङबारी खाम्ला बिबा आसा लाबारी खाम्ला । संगम थुकरसे चु बिमा ङाच्छानो चट्ट कपाल कोरेर बिबा लोकदोहोरी बासि जिम्बा मुला । एल्बम जामेदा जुनीदा लालीगुराँस क्यासेटसे वितरण लाबा मुला ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।