दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
काभ्रेला माइला लामासे क्रेजी ज्योमोलुङमा
याम्बु, ज्योमोलुङमा क्रेबा तामाङकादे ल्हाना आरे । चुलान ताङरी काभ्रेला माइला तामाङसे चुनोन जेष्ठ लाला २ गते ज्योमोलुङमा क्रेबा मुला । काभ्रेला तर्फयाम्से खाप्पाइ बिमा ङ्हाच्छा माइला तामाङसे ज्योमोलुङमा क्रेदासि गोर्कि रेकर्ड तोडब लाबा मुला । ज्योमोलुङमा क्रेबारी शेर्पाकादेला गुङरी खाल्से कादे च्याङना दुइरी क्रेबा, खालसे ल्हाना रेम क्रेबारी खाम्बा बिबा तामरी ल्हानान प्रतिस्पर्धा तासि टिसाइ तामाङकादे बिसाम ओतेबा ल्हाना आरे । ज्यानोन तोमा म्हेत्तो च्युइते दोसाइ तामाङकादेसे ज्योमोलुङमा क्रेमा तिलाइ चर्चा परिचर्चा ताबारी खाम्बा आरे । थेला कारण तामाङला तिलाइ थाहा आयाङबा दात्तेला अवस्थारी माइला तामाङला बिसाम ज्याबान चर्चा ताबा मुला । जाजा दिङरी शम्भु तामाङसे ज्योमोलुङमा क्रेबासे शम्भु तामाङदा दात्तेदोना सम्मान लाबा गे थुम्बा आरेबा अवस्थारी माइला तामाङएनोन चुतेबा दुइरी सम्मान ताबा तेन बधाइ ताबारी बेफुर्सद ताबा मुला । चुलान ताङरी तामाङ गेन्दुनकादेला छ्यामरी स्यान गेन्दुनकादेसे समेत माइला तामाङदा डेन लाबा गे लाबा मुला बिसाम विभिन्न संचार माध्यमला समेत केन्द्रविन्दु दोबारी सफल ताबा मुला ।
माइला तामाङला दिम काभ्रेला नाराणस्थान गाबिस जाच्चा गिम्दिङरी हिन्ना । ३९ वर्षा माइला तामाङसे १५ वर्षङ्हाच्छा हृयान्दे ट्रेकिङ थुमरी गे लाबारी चुबा मुबा । चुतेबा ह्रेङबा दुइ लिच्छा ह्राङ ज्योमोलुङमा क्रेबारी सफल तामा ङा ह्राङला गे प्रति ल्हानान सन्तुष्टि मुला । ह्राङला ज्योमोलुङमा क्रेदासि सफलता ताबाला खुशि व्यक्त लाबा छिगनोन ङातेन आर, माइला तामाङसे ताम्सालिङतेन ल्हेङमो लाबान सुङजि । ल्हुइलान बाजि थान्दासि क्रेबा मुबा ज्याना लादासि दोकाबारी म्याङबा बिमा स्यान ताङबा ङादा लागिरि तिला ताबारी खाम्ला - माइलासे प्रश्न लास्युजि ।
माइला तामाङसे चुपाल्सेन खाप्पाइ बिमा ङ्हाच्छा ज्योमोलुङमा क्रेबा हिन्ना । माइला तामाङसे अमेरिकन ङ्िह, तेन म्हेन्दो ङ्िह नर्वेलीतेन छ्याम क्रेबा मु’बा ।
ह्रेङबा दुइहृयान्दे कुक गे लाबान ज्योन्गाबा माइला तामाङ दारेम अवसर याङसाम दाप्पेन क्रेबारी समेत तयार मुला बिदासि सुङबा मुला । माइला तामाङसे ज्योमोलुङमा बिबा स्यान हिमालकादे ल्हानान रेम क्रेसि जिन्बा मुला ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।