कवि गोष्ठी फिरी तुन्बा समिक्षा

तामाङ राष्ट्रिय कवि गोष्ठी याम्बुरी

याम्बु । तामाङ डाजाङसे स्हेङबा सोम्छा तामाङ राष्ट्रिय कवि गोष्ठी याम्बुरी थुम्बा मुला । डाजाङसे स्हेङबा होजा ह्वाइखा प्रतियोगिता तामाङ डाजाङला दिङ ङ्हा छ्योसी दिङ डुरी वाङबाला दुइसाङरी स्हेङाबा हिन्ना । निबा दिङ ङ्हा ह्यान्छे निरन्तर रुपरी तामाङ सेमलेङ छार्ना ल्हेना लाबा उद्देश्यसे ह्राङला गोङमा ल्हेबान खाबा डाजाङसे चु बिमा ङ्हाच्छा ङ्हीरेम ह्वाइख प्रतियोगिता स्हेङसी जिन्बा मुला । ग्रेन डोन्पो संस्कृति पर्यटन तथा उड्डयान लोन्पो पृथ्वी सुब्बासे गेताङला ठोङसेङ लास्युबा मुबा । थेनोन दुइला अवसररी स्रष्टा अस्मिता थिङला दुवाँलला ल्हुइनोन विमोचन लाबा मुबा ।

गेताङरी तामाङ सेमलेङ छार्गाइ ल्हेगाई बिसी आदिवासी गीतकार समाजला न्होर चोहो टीका चाम्लिङ, नेपाल तामाङ घेदुङला भाषा तथा साहित्य विभागला प्रमुख बाबु घिसिङ तामाङ प्राज्ञसभाला शम्भु गोले, सञ्चारकर्मी रमिता बल, संचार समुहला चोहो प्रतिक ङेसुर ह्यान्छे स्यान डान्बोकादेसे ज्याबा डान्बा फुल्बा मुबा । थेनोन ताङरी डाजाङला संरक्षक डा. गणेश योञ्जनसे स्रस्टाकादेदा प्रेरणा स्वरुप डाजाङला मिनरी लाख गी अक्षयकोषनोन दर्ता लासेला सुङबा मुबा ।

डाजाङसे सोम्छा रेम स्हेङबा होजा प्रतियोगितारी सिन्धुली, रामेछाप, सिन्धुपाल्चोक, काभ्रेपलाञ्चोक, याम्बु, खोपुङ, हेराङ, नुवाकोट, जोङला ३८ जना स्रष्टाकादेसे बो किन्बा मुबा । ह्युल्ला परिस्थिति आन्सारला ह्वाइखा ब्रिसी प्रतियोगितारी बो किन्बा ३८ मध्येरी गिक्छारी काभ्रे जोङला अस्मिता थिङ, ङ्िहाछारी सिन्धुली जोङला गोले के.आर. चालिसेली, सोम्छारी रामेछाप जोङला बुद्ध तितुङ बिसाम ब्लिछारी याम्बु जोङला नेपालप्रसाद स्याङतान सफल ताबा मुबा । डाजाङसे गिक्छा ताबादा तोङ ङहिसे गी, ङ्िहछादा तोङ गीसे ग्यार्जा ङ्िह, सोम्छादा तोङगिसे गि ब्लिछादा सात्वना पुरस्कार स्वरुप ग्यार्जा ङ्हा टाङगा छ्यामरी प्रमाणपत्र ट्रफीनोन दोन्बा मुबा ।

प्रतियोगिताला निर्ण्र्ाा मण्डलरी विसाम सेमलेङ खेन्पो इन्द्रराम मोक्तान थेन मोक्तान दुपबाङ्गेल मुबा । पूर्णरुपरी सेमलेङला होजा गेताङरी ङ्योङबा डोन्बोकादे बिसाम खाली औपचारिकता पूरा लासी ह्वाइ खा वाचन शुरु आताजीमान व्यस्तताला कारण ङोन्सी यार्बा मुबा । गेताङरी खालि प्रतियोगितारी बो किन्बाकादेला छ्यामरी जाकार समेलेङप्रेमिला उपस्थिति म्राङबा मुबा ।

नेपाल ल क्याम्पसल हलरी ताबा होजा सोम्छा तामाङ राष्ट्रिय कवि गोष्ठी डाजाङला कार्यवहाक चोहो अर्जुन ग्लानला चोहोदानरी थुम्बा मुबा ।

तामाङ डाजाङसे पिन्बा निरन्तरता थेन लासी खाबा प्रतियोगिताकादेला तामाङ ह्युल्बासे डेन लातोबा म्राङबा मुला । चुह्राङबा निरन्तरतासे स्रष्टा जे आकेना ह्युल थेन ह्युल्बाला वास्तविक काइरन ब्रिबारी खाम्बा स्रष्टा कादेला केवा पिन्सेला आशा लाबारी खाम्ला ।

तामाङ ह्वाईला एल्वमकादे थोन्वा तङ ल्होसिनिवा चु दुइरि छार एल्वम नोवा गाँङ ङयानखेनकोदला ओन्छाङरि खावामुला । फापरे ह्वाई कोदासी ह्राङला छुट्टोन पहिचान स्होवा वैरागी च्याङवा योञ्जनला गीछा एल्वमला रुपरि वजाररी खावा चु एल्वमरि गोर व्ली ह्वाई ङ्यान्वारि खाम्ला । एल्वमरि मुवा ह्वाइकादेरि र्साईड ुएु ला शर्ीष्ा ह्वाई नोवा गाङ तामाङ समाजरि कोवा ठेट फापरे ह्वाई हिन्ना विसम र्साईड ुवीु री जम्बुलिङला ज्योज्यो आले, दुखि ए कर्मसेला छ्यामरी गीछा अन्तराष्ट्रिय तामाङ जोम्ना २०५७ ला गेताङरि ङहीछा तवारि सफल ह्वाई क्यारमार ह्युल्ला बोलला ह्वाईएनोन यान्वारी खम्सेदा मुला । विशेष लदासि तामाङ फापरे ह्वाई ङ्यान्वारि ताङवाकादेदा लक्षित लसि तेवा नोवा गाँङसे तामाङ ह्वाई संगीतला थुमरि ल्होल्हो ब्रोईमी मुनोन मुला तामाङ फापरे ह्वाई म्हासिनिवा चु दुइरी नोवा गाँङसे फापरे ह्वाईदा सोना लावारि ग्रेन भूमिका क्लाङला विबा विश्वास किन्वारि खाम्ला । एल्वमला वेनान ह्वाईला छिग वैरागी च्याङवाला मुला विसम भरत योञ्जनला संगीत सहयोगरी वैरागी च्याङवाला काईरि शशिकला मोक्तानसे ह्रोलवा मुला । एल्वम इन्द्रेणी अडियो क्यासेटसे वितरण लावा मुला ।