महोत्सवरी तामाङ चलचित्र मोलमला प्रदर्शन

नेपाल ह्युलरी ङ्हाच्छारेम स्हेङबा अन्तराष्ट्रिय आदिवासी चलचित्र महोत्सव क्योलोलो याम्बुरी थुम्बा मुला । निबा असार लाला ८, ९ थेन १० रेकुनु सोमरेदोन स्हेङबा होजा महोत्सवरी ह्युल थेन ह्युल फिर्क्यापला लासी च्युइ सोम चलचित्र थेन बृत्तचित्रकादे उन्बा मुबा । चुनोन ताङरी तामाङ चलचित्रला ताम लातोमा सेमरी छोरङान चलचित्र ह्यान्छे २०६४ दुङाल दोनाला फिल्मी यात्रारी बोगाला गिसे गि तामाङ चलचित्रकादे निर्माण तासी जिन्बा मुला । चु बोगाल गिसे गि चलचित्र मध्येरी तामाङ संस्कृति न्हाङला कथा व्यथा पुइबा चलचित्र मोलाम विसाम महोत्सवरी प्रदर्शन लाबारी सफल ताबा मुला । याम्बुला रुसी सांस्कृतिक केन्द्र कमलपोखरीरी ताबा तामाङ चलचित्र मोलम पर््रदर्शनी सो च्यासी लिच्छा अन्तराष्ट्रिय आदिवासी चलचित्र महोत्वसरी तामाङ चलचित्रसेनोन बो किन्बारी सफल तामा ह्राङदा खाह्राङबा छोर्बा मुला बिबा विषयरी चलचित्र मोलमला युनिटला छ्यामरी दर्शककादेथेन लाबा ल्हेङमो प्रस्तुत मुलाः-

चुथेबा ग्रेन महोत्सवरी तामाङ चलचित्रनोन पर््रदर्शनीला लागिरी दाम्बा बिबा क्योङनोन तामाङला लागिरी गौरबला विषय हिन्ना, ओत्तेजे आताना पर््रदर्शनीला छ्यामरी स्यान ग्योइला चलचित्रकादेथेन प्रतिश्पर्धा लाबारी दारेम फिल्म थुमला व्यक्तित्वकादेसेनोन ध्यान पिन्तोबा छोर्बा मुला ।

( वीरबल लामा दोङ, दर्शक

महोत्सवरी तामाङ चलचित्रला तर्फयाम मोलमसे प्रतिनिधित्व लाबारी खाम्बा ताम तामाङकादेसे गौरब लातोबा विषय हिन्ना । महोत्सवरी बो किन्बारी मोलमग्याम शुरुवात ताबा ताङदा खाबा महोत्सवकादेरी निरन्तरता पिन्बारी खाम्तोला । तिलादोना खाली तामाङसे जे च्याबा, तामाङन्हाङरी जे सिमित मुबा ह्याङला मौलिक संस्कार ग्योइ, सेमलेङ चलचित्रला मध्यमग्याम अन्तर्रर्ााट्रय स्तरदोना प्रदर्शन लाबारी म्याङमा मोलमसे तामाङ जातिलान ना थान्बा म्हान्बा मुला ।

- भीम गोले तामाङ दर्शक

चुथेबा महोत्सवरी तामाङ चलचित्रलानो पर््रदर्शनीदा क्योसेन सहर्षगौरब लातोला । ङ्हाच्छा रेमला पर््रदर्शनीरी बो किन्बा चलचित्रकादेदा नकरात्मक समिक्षा लाबा विमाइनो हौसला पिन्तोला । खाबा महोत्सवकादेरी बो किन्बारी बाङ पिन्बारी आवश्यक मुला ।

- एल बि. मोक्तान तामाङ, दर्शक

अन्तराष्ट्रिय रुपला महोत्सवरी मोलमला पर््रदर्शनी लाबारी म्याङमा औधिन खुसी मुला । तामाङ चलचित्रला प्रतिनिधित्व ताबा तामदा क्योङनोन तामाङसे गौरब लातोबा विषय हिन्ना । चु महोत्सवदा चलचित्र क्षेत्रला व्यक्तित्वकादेसे गम्भिर ढंगसे च्यातोबा छोर्बा मुला ।

- मीम लामा, निर्माता चलचित्र मोलम

ह्युलरी ङ्हाच्छारेम स्हेङबा अन्तर्रर्ााट्रय आदिवासी चलचित्र महोत्सवरी चलचित्र मोलम दाम्मा ताङबा मुला । चु महोत्सवरी तामाङ ग्योइला चलचित्रग्याम ह्याङला कला संस्कृतिला छ्यामरी ह्याङथेन मुबा ज्ञान अन्तर्रर्ााट्रय स्तररी स्यान-स्यान जातिरी दोना लाबारी म्याङ्मा महोत्सव उत्साह मुलक छोर्बा मुला । ओत्ते आताना महोत्सवरी स्यान-स्यान जातिला संस्कार, कला, ज्ञान ह्याङ्सेनोन सेबारी, गोबारी म्याङमा महोत्सव उपलब्धीमुलक छोर्जी । समग्ररी चु महोत्सरी जाम्बुलिङलान जनजातिकादेसे ह्राङ ह्राङला मौलिकता, कला संस्कृति, ग्योइ, ग्वोइलो, धर्म संस्कार क्योङदान पर््रदर्शनी लाबारी म्याङमा महोत्सव वास्तवरिन क्योङनोन जनजतिला लागिरी गौरवयोग्य ताजी ।

- प्रकाश ब्लोन, कथा ब्रिख्खेन, सहनिर्देशक चलचित्र मोलम

ङ्हाच्छारेमला महोत्सवरी तामाङ चलचित्रनोन समेटप लाबारी खाम्मा

औधिन खुसी मुला । चुह्राङबा महोत्सवरी बो किन्बारी म्याङबा बिबा आदिवासी फिल्मी थुमला लागिरी गौरबला विषय हिन्ना । जाजाकी दुःखला ताम लातोबा चुथेबा महोत्सवरी ह्याङला तामाङ फिल्मी क्षेत्रला व्यक्तित्वकादेसे ओत्ते चासो आपिन्बा, उत्साहित आतामा सेमरी जाजाकी आज्याबा ङ्हाम्बा मुला ।

- कुवेर सिं दोङ, संगीतकार चलचित्र मोलम

तिनी ङा औधिन ताङबा मुला । तामाङ चलचित्र प्रदर्शनरी कलाकारकादेनोन जोम्तोबा मुबा तर ल्हाना ह्राङबा कलाकार खालाई आम्राङनी ।

- सन्दीप स्याङतान, कलाकार चलचित्र मोलम

महोत्सवरी तामाङ चलचित्र पर््रदर्शनी तामा औधिन ताङबा मुला । महोत्सव च्यासी लिच्छा नेपालला जनजातिकादे ह्राङला ग्योइरी, ज्ञान चेतनारी उन्मुख म्राङबा छोर्जी । तिनी क्योङनोन जनजातिकादेला थोबो नोबा ताबा छोर्बा मुला ।

- इमान सिं योञ्जन, निर्माता चलचित्र मोलम

तिनी क्योङनोन जनजातिला कु ताङबासे ग्रेन ताबा छोबा मुला । आदिवासी चलचित्र महोत्सवरी तामाङ चलचित्र प्रतिनिधित्व लाबारी खाम्बा विषय तामाङ चलचित्र थुमरीन गौरबला विषय हिन्ना ।

- कर्मा वाङछु लामा, निर्माता चलचित्र मोलम

सुटिङ लाबा ल्हाना दुइलिच्छा दोसिन फिल्म च्यामा सुटिङलान ग्लारी दोमा ह्राङ ताजी । सुटिङला दुइला डान्बा खाजी । तर चुत्तेबा महोत्सवला मोलम पर््रदर्शनीरी फिल्म युनिटसे युनिटन्हाङला बेनान कलाकार पर्दा ङ्हाच्छा पर्दा लिच्छाला ह्रोकादेदा जोम्ना लातोसेला तर आम्राङनी ।

- चन्द्र तितुङ, कलाकार चलचित्र मोलम

चलचित्र महोत्सवरी तामाङ चलचित्रएनोन प्रदर्शन तामा गौरब ताबा मुला । खाबा महोत्सवकादेरी वास्तविक तामाङ पहिचान पुइबा चलचित्र खाखाम्गाई, चुथेबा महोत्सवरी तामाङ चलचित्र स्होबाकादेला चासो आम्राङनी ।

- सन्चु ब्लोन, संचारकर्मी

महोत्सव उत्साहमुलक छोर्जी । झन् ह्याङला तामाङ फिल्मनोन प्रदर्शन तामा सेम फुर ताङजी । हरेक फिल्म ह्राङ ह्राङला ग्लारी महत्वपर्ूण्ा मुला । स्यानस्यान ग्योइला फिल्मथेन तुलना लाबारी आता ।

- प्रेमलाल तामाङ रामपोट, दर्शक

महोत्सवरी ह्याङला फिल्म प्रदर्शन लासी दोरमला फिल्मकादेरी सुधार लातोबा पक्षकादेसे थप जिम्मेवारी काप्पा छोर्बामुला ।

- निमा लामा स्याङबो, निर्माता, चलचित्र मोलम