मुटुको चिनो विमोचन

याम्बु । विलयन मुक्तक संग्रह मुटुको चिनो गोर्गी समारोहरी सेमलेङ खेन्पो डा.कृष्णहरि बरालला छ्याग्याम विमोचन लाबा मुला । गेताङरी विलयन मुक्तकला विधारी चु मुटुको चिनो गोर्गी नमुना हिन्ना खाजिबाई ब्रिख्खेन गोर्गीन थुमग्यामनो ह्राङला साहित्यिक क्षमता उन्बारी खाम्ला बरालसे सुङबान विमोचित छ्योइ फिरी चर्चा लास्युबा मुबा । थेह्राङलेन विलयन थुमरी सिन्धुली जोङला प्रमुख भूमिका तासेला मुला सुङबान ब्रिख्खेनकादेदा निरन्तरताला लागिरी ज्याबाडान्बा दोन्स्युबा मुबा । ब्रिख्खेन रविन्द्र तामाङसे ।

विलयनला पर््रवर्तक मनोज न्यौपानेसे सामन्ती संस्कार थुम्ना लाबान ह्युल स्हेङबाला लागिरी विलयनला सुरुवात ताबा ज्याबा पक्ष हिन्ना बिसी सुङबान विलयन थुमरी चर्चा लास्युबा मुबा । थेह्राङ लासीन गेताङरी संचारकर्मी अमरध्वज लामा, सेमलेङ खेन्पोकादे रमेश पौडेल, पुस्कर लोहनी, प्रोल्लास सिन्धुलीया, दामोदर पुडासैनीसेनोन "मुटुको चिनो"

छ्योइ फिरी ह्राङ-ह्राङला ल्हेङमो थान्बान ज्याबा डान्बा दोन्स्युबा मुबा ।

चु मुटुको चिनो मुक्तक संग्रह, मुक्तक विधारि खाप्पाई विमा ङ्हान्छा विलयन संग्रह हिन्ना । मुटुको चिनो मुक्तक संग्रह व्रिख्खेनकादे पाख्रिर्न पवन भिमानेली, गोले दिवान बेवारिसे, पाख्रिर्न अमृत भिमानेलीसे संयुक्त रुपरी विस्युबा हिन्ना ।

याम्बुला पशुपति क्याम्पसरी ताबा होजा विमोचन समारोहरी सेमलेङ प्रेमीकादेला छ्यामरी संचारकर्मीकादे जोम्बा मुबा ।