दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
'नाम्सा ह्युल्री शान्ति बातोजी'
नाना ज्ञानी चु भदौ 'ला' हिन्न्ाा तिन्हाङकार हृयाङला झगरम्राङ साउरादी मकै बेपााइ केन मुला तला । शायद चु दुइरी हृ्याङला नाम्सारी खलाईनोन आलेकादे आरे तला । हृयाङला गान्बा - उइमे दोपा आपा -आपासे खम्सी अखम्सी थे साउराला मकै बेपा, दोङ थापा लामा कादे दुःख ताबज मुला तला । नाना थे एला सेमरी डान्सी चु मकै खोपारी ङाला आले खाला तला 'वा' वितासी छिन -छिनरीन ओर्से गाङदिमला कच्चे पेरोरी क्यार मि छपा मुला ताला । तिलासे नाना ङा आलेमी दत्ते चु वेलारी ग्याबसे अरला अज्या मे ह्राङ क्रोपा गर्नाङरी ग्याबसे रह्ङ दुःख लासी टिबा मुला । नाना हिन्बाम् ङाता ह्राङलान नाम्सा ग्ला ख्लासी ँम्िहला हृयुलला नोकरी लापा सेम आरेपा मुबा तर हृयाङला नेपाल हृयुल्ला अशान्तिसे लामा दात्ते नेपाल हृयुलरी बेरोजगरी से ग्रेन बो किन्सि टिबा मुला । नेपाल हृयुल्ला जुन ग्लारी निर्साई,जुन चोक-गल्लीरी निर्साई म्हिला भिड म्राङबा मूला । बेनालान रोजगारी मुुसम ह्राङ- हा्रङला गेरी निमा चु ह्रङपा भिड, मोक्खोन पोप तसी क्लाङसी टिबा अम्राङसेदा मूलातला । नेपाल हृयुल्ला चु कारणसे लामा ङा ह्राङवा जोस ,झाँगर, हृयुल्री तिलाइ लाबारी खाम्बा मोक्खोन आलेकादे म्हिला हृयुल्लरी निसी थे जोश , झाँगर, वुद्धि चुङतोपा मूला । चु खलाइ गोबा आले कादेला खुशीला सेम आहिन् , गोर्की नेपाल हृयुल्ला राजनीतिक अवस्थासे जन्मप लापा बध्यता हिन्ना ।
नाना ज्ञानी चु बेलारी हृयाङला नाम्सारी सुन ताबा मूला ताला । थे कुहु -कुहु विसी म्ङ्हापा कोइलीला काइता ह्रो लापा आङा कादेसेइनोन कादे ङापा मूला तला ङानी ज्यो- ज्यो कादेला नाना थे आङा कादेता ह्रुप तासी कादे शिक्षा लोप्पा सेम मुबा तर दोनरी अडुप्ची ।
नाना र्ङाई एता चुलबुली आङा नि कादेला विषयरी नोन तिलाई पाङबा सेम मूला । वास्तवरी हृवाङला झगर म्राङला गोपा विर्साई , सेबा विसाइ 'न' ह्रङ मि ह्रङ ए 'गी' मूला नाना । एसे पुइकपा ओयँाला चिठ्ठी अनुसार ङाइ ताम् गोमा कादे क्रासी टिची तला थे आङा जेसुम हिन्बाम प्रेम बिबा आन्धो खापा मूला रो । शायद थे आङा से कादे मावा लाजी तला , कदे ज्याबा सेमरी कल्पना लाजी ताला थे हुक्क तेन छयाम क्षणिक तर्साई ल्हर्ुइ विताप लामा । ओन्छ्यान आङा जेसुमला मायाता थे हुक्कुसे साइसी छोन्बोन लास स्होजीम ।
आङा जेसुमेता तिल्दा थेराङ लाजी थे पापी टुल्कुसे लुच्छा मायाला आशा उन्सी, तिल्दा ङरिेला खेलौना सोजी । थे ह्रङबा धोका पिन्पा सेमनोन मूवा टिम तिल्दा लुच्छा ब्रेक लाजी -
चु ह्राङबा बेदनासे बालुवारी छ्योङपा तरङा ह्राङ छट्पटप तसी टिबा बेलारी माइतीरी तिलाई सेम न्हापारी खाम्लाबा बिसी खाबा दुइरी, झन थे आङा जे सुत प्रेम हत्यारा टुल्कुसे स्हुखाना लाबा घाउरी आपा मयुङसे चुपीले ब्रोसी पिन्जीम् । ओन्छयान आङा जे सुमल थे स्हुखाबा पोररी चुपीसे ब्लोमा कादे स्हेर खाजी तला । शायद थे आङता चेक्खेन थाहा मुला ।
नाना ज्ञानी आङा जेसुमला चु बेदना कादे र्ङाई बहप लामा ङाता समेत कादे अज्याबा सेम स्हुखाजी
थे आङाला दुङालरी साउदी अरबला मे ह्रङबा गर्नाङरी ङा सुत्दै मिख्ली प्रुल-प्रुल पुइसी कादेक्रजी । चु बेलारी चु क्युङमला भदै 'ला' री फूलुम गाङला मकै खोमा आङा जेसुमसे कोबा हवाइला ङाता याद खाजी ।
चरीला कामई दोङला नाई
ए ङाला चोखो माया लाई
र्ङाई लापा चोखो मायारी
खालाइला जल खेल तसामी
ए से ङाता धोका पिन्लावा
धोका पिन्सेत सेम मुसाम्
मायाला छोता अस्रिम र्ङाई.... ।
साच्चा मायाला आशा लासी
चोखो माया लाबा दुइरी
साच्चा मायारी छल क्लाङसाम्
चु ल्हर्ुइ भरनोन सेम क्राला
लुच्छा माया उन्तासी
एसे ङाता धोका पिन्समी
बालुवाला तारङा ह्राङ तला...।
नाना ज्ञानी चु बेलारी आङा जेसुम् साँच्चिन थेला ङ्हाच्छाला कोबा ह्वाई हा्रङ बालुवाला तारङा दोची ताला, कादे छट्पट् तासी बोल्सी टिबा मुला ताला चु ह्राङबा दुःखद बेलारी आपा-मयुङसे क्युइला ग्योइरी फक अयुना, पूर्खौर्ली रीति रिबाजला उखानता चरितार्थ लासी उन्जी । 'वास्तबरी थाहा आयाङना खिम्तारी निपा जामे कोलासे सगुन पोङ' आलाना आपा मयुङ ह्रुप तामा दोख तला बिबा ताम चु एक्काइसौं शताब्दी झुटा हिन्ना । दुइरी सिबा म्हाबा बिपा गोर्की भाग्यला खेल हिन्ना, कर्मला ख्याल हिन्ना ।
वास्ताबरी चु सँसाररी प्रेम बिना खलाई सोबारी आखाम् । ह्याङ म्हि हलुइ सच्चा चोखो प्रेमला आशारी संसाररी सोसी टिबा मुला । शायद चु थोक सोमला अभावरी म्हि ल्हर्ुइ पागल दोसी ब्राबा ह्याङला मिसे म्राङबा मुला ।
चु बेलारी ङा ह्याङला नाम्सा, ह्वाङला दिमरी मुबा हिन्सम् आङा जे सुमला हलुइरी तापा थे घटना शायद अतासेता मुला तला । तिल्दा बिसम चु गोर्की आशिक्षाला कारण हिन्ना ह्याङला ह्युलारी मुपा मोक्खोन आपा-आमा ज्योज्यो आले नाना आङा शिक्षाला कमी मुला ।
नाना ज्ञानी चु दुइरी ह्याङला नेपाल ह्युलारी शान्ति तसामी म्हिला ह्युलरी मुबा ङा ह्राङबा मोक्खोन आले कादे ह्रङलान ह्युलसारी दोसी खासेदा मुबा । ङनीला युबा जोश, मँगर, बृद्धि विवेक ओम छर व्योन बाङ ह्रङलान ह्युलरी प्रयोग लसेता मुबा ह्राङलान् छुटला विकास लासेत मुबा । मोक्खोन आगोबा आपा-आमा, ज्योज्यो आले, नाना आङा कादेता गोना लासेदा मुबा । आङा जेसुम् ह्रङबा पीडित आङा कादेला क्राबा सेमता नेन लासेता मुबा ।
चु भदौलाला क्रोबा गेताङरी गान्बा उइमे दोबा आपा-आमा दुखीला कोला विदेशसे खाबा ग्याम च्यासी खम्सी अखाम्सी मकै बेबा-ढोड थापा, बाझो मोइपा लबा मुला तला । चु खेतीला बेलारी ङाला आपा-आमात ह्रो लापा सेम ङाता कादे मुबा । तिलासे नाना ज्ञानी नेपाल ह्युल्ला अशान्तिसे जन्म पिन्पा चु बध्यतला शिकार दोसी ङा म्हिला ग्याबा दोसी टिबा मुला । चु ग्याबा दोपाला बदलारी ह्राङलान हयुल्री साहु दोसी गे लापारी ङाता योना हतार मुला । थे बिसी साउदी अरबला ह्युलारी योनोन रेसी कोन्ज्यो सोमता मोइकु लापा मुला । चु ह्राङवान ह्याङला मोक्कोन तामाङ समुदायता सन्देशला साथरी तिनीला चु चिठ्ठी ग्याम फेसी तिला ह्या नाना ज्ञानी....।
- थेनोन माया लापा आले
धनिक दोङ,
सरमथली काभ्रे
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।