दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
ह्वाइखाला धार थेन नानाआङा
ह्युलरी लोकतन्त्र वहाली तासी गणतन्त्रला म्रावरी दोखाम ह्युल क्योङलान ह्युलबाकादे ह्राङला खाजिवाई अधिकार किन्वाला लागिरी रेबारी चुसी जिन्बा मुला । ह्युल्ला बेनान ह्राङबा नीति नियम प्रक्रियाकादे पोबाला ताङरी विशेष लासी आदिवासी जनजातिकादे ह्राङला धर्म, संस्कार परम्पराला छ्यामरी आमाग्योईदा स्यान ग्योई ह्राङनोन र्छना ल्हेना लाबारी जे आताना सरकारी कामकाजी ग्योई स्होबारी भाषिक अधिकारला ताम ङहाच्छा बाबा म्राङबा मुला । चुह्राङले ह्राङला आमाग्योइ फिरी सचेत ताबान भाषिक अधिकार याङबाला लागिरी जनजाति सांसदकादेसे संसदरी प्रस्ताव पेश लाबान मुला ।
चुनोन दुइरी तामाङ ग्योइला फिरिनोन तामाङ ग्योइ, तामाङ सेमलेङला अवस्था खाराङबा मुला - बिबा विषयरी तामाङ खेन्पोकादे, सेमलेङ प्रेमीकादेसे तामाङ ग्योइ थेन सेमलेङला दोङराप ओर्सर्ीीाइसी च्यातोबा अवस्था म्राङबा मुला ।
चुह्राङले तामाङ ग्योइ सेमलेङला ताम लातोमा तामाङ ग्योइ थेन सेमलेङदा माया लाबा, चु थुमरी योगदान दोन्बा ल्हाना च्याङना स्रष्टा, सेमलेङप्रेमी ग्योइप्रेमीकादे मुनोन मुला । थेला आलाबा तामाङ डाजाङ मिनला गेार्गी साहित्यिक संस्थासे स्रष्टा र्सजककादे केना लाबा गे लाबान खाबा मुला ।
थेला ह्राङलान ग्लारी महत्व मुला बिसाम गेलान ताङरी तामाङ डाजाङला सोम्छा राष्ट्रिय कवि गोष्ठी क्योलोलो थुम्बा मुला । खेन्पोकादेसे, तर्कविद समिक्षककादेसे ह्राङ-ह्राङलान ल्होलोन दृष्टिकोणसे च्यार्साई तामाङ डाजाङ ग्योइ सेमलेङ छार्ना ल्हेना लाबा उद्देश्यरी उपलब्धि मूलक मुला । निबा बैशाख २९ रेकुनु याम्बुरी ताबा कविगोष्ठीरी गोर ब्रे जोङला ३८ जना स्रष्टाकादेसे बो किन्बा मुबा । ३८ जना स्रष्टा मध्येरी काभ्रे जोङला सोनी ङेसुर, रिना बमजन, अस्मिता थिङ, श्रृजना गोले रामेछाप जोङला शुकरानी दोङ याम्बु जोङला जुनु थिङ लासी जम्मा गोर डु नानाआङाला प्रतिनिधित्व ताबा मुबा । ओत्तेबा गेताङरी जम्मा गोर डु जेख्खेन नानाआङा प्रतिर्स्पर्धारी खाबा बिबा ताम क्योङनोन सेमलेङप्रेमी नानाआङला लागिरी दुःखलान ताम हिन्ना । स्यान स्यान दुइरी डाजाङला गेताङरी ह्वाइखा बासी दोखाबा नानाआङाकादे प्रतिस्पर्धाग्याम विसाम थारेङ ताबा म्राङजी । आखिर तामाङ नानाआङाकादे बेनान ह्राङबा ग्लारी तिल्दा लिच्छा ताजी बिबा प्रश्न चुरीनोन टड्कारो रुपरी रेबारी खाम्ला । हिन्बाम खाजिवाइ प्रतिस्पर्धीरी बो किन्बा जा ग्रेन ओम बो आकिन्बा जा जाजा ताबानोन आहिन । तासाइनोन ल्हाना ज्योज्योआलेसे बो किन्बा स्यान खाजिबाई प्रतिस्पर्धाग्याम थारेङ ताबा जा आजेनी । उदाहरणनोन किन्तोमा क्योलोलो जेख्खेन ताबा तामाङ प्रज्ञासभाला साधारणसभारी उम्मेदवारी थेन मुल्मरी रेबारी ह्राङला गेन्दुन ठ्वाङसी नानाआङाला अगुवाला रुपरी म्राङबा नानाआङानोन गुमचुप म्राङबा मुबा । ओत्ते जे आताना चुत्तेदोना पाङजी कि 'प्रतिस्पर्धारी बो किन्बा ज्याबा आहिन, बो किन्सी दात्ते बे्रजी बिसाम ह्रेम्मीकोलाकादेला गुङरी व्यर्थै म्रिङकोलाला बेइज्जत ताला' चुह्राङले ह्राङलान गेन्दुन संचालन लासी टिबा ओम शिक्षित नानाआङाला चुह्राङबा सांगुरो मानसिकतासे तामाङ नानाआङाला स्थिति खाजिवा जुगरी तोर रेबारी खाम्ला - खाजिवाई ग्लारी खाली डाबा जे ग्रेन ब्रेबाजा तिलाई आहिन बिबा छोर्ला आदे । ङादा छोर्बा मुला ब्रेबानोन ग्रेन हिन्ना, तर ब्रेबानोन ग्रेननोन हिन्ना बिबा चु छिगला अनर्थ आतागाई, डाबारी खाम्बा उद्देश्यनोन किन्तोला ।
जसरी तासै तामाङ र्सजककादे गोल्छे-गोल्छे ल्हेबान खाबा म्राङबा मुला । जति पनि र्सजककादे मुला क्योङसेन ह्राङला स्वेच्छासे ब्रिगु स्याङबा म्राङबा मुला । तर ह्याङदा चु तामला ज्ञान आरेकी ह्राङसे ब्रिबा सिर्जना खाजिवा धाररी मुला, खाजिवा धाररी ब्राबान मुला बिबा । ताम र्सजककादेदा अवश्यान थाहा याङबारी जरुरी मुला कि ह्राङला सिर्जना खाजिवा धाररी ब्राबान मुला बिबा ताम । ओत्ते जे आताना तामाङ ह्वाइखाला अवस्था दात्ते खाजिवा काल, धाररी मुला बिबा तामनोन थाहा याङबारी जरुरी मुला । साँचो पाङतोमा सेमलेङला ल्होलो-ल्होलो विधारी ज्ञान आरेबालान कारण मुला ताला तामाङ सेमलेङरी सेमलेङ न्हाङला क्योङनोन विधाला छ्योइकादेे खाबारी आखाम्बा । दात्ते ह्याङसे च्यामा म्राङमा तामाङ सेमलेङरी सेमलेङला स्यान-स्यान विधारी बिमा ह्वाइ थेन ह्वाइखा विधाला तिलाई प्रगती ताबा म्राङबा मुला । थेरीनोन ल्हाना ह्राङबा र्सजकदा तामाङ ह्वाइखला धार खालाङ मुला, खाजिवा कालरी मुला थाहा आरे ।
चुह्राङले च्यामा तामाङ सेमलेङरी नानाआङाला अवस्था ओम र्सजककादेदा सेमलेङ न्हाङला विधागत ज्ञानला अवस्था झण्डै होह्राङबान म्राङबा मुला । चुह्राङबा अवस्थारी तामाङ सेमलेङखेन्पो ओम सेमलेङ गेन्दुनसे दर्ुइ दुइरी सेमलेङला विधागत विषयरी छलफल, वहस ह्राङबा गेताङकादे स्हेङबारी आवश्यक म्राङबा मुला । थेसे लामा विधागत विषयरी उत्कृष्ट छ्योइकादे सिर्जना ताबारी खाम्ला । ओत्तेजे आताना तामाङ सेमलेङरी नानाआङाला स्थिति थेन र्सजककादेरी सेमलेङला विधागत ज्ञानला अवस्था ल्होलो ताबारी खाम्ला ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।