कवि गोष्ठी फिरी तुन्बा समिक्षा

याम्बु । ह्युल्ला बाम आन्दोलनला शिर्षथ व्यक्तित्व निर्मल लामाला ङसिछा स्मृति दिवस निवा २७ रे कुनु याम्बुरी दाङबा मुला । डोङबा लामा थेन सम्बन्धीत मुबा वामपन्थी समूहकादेसे हरेक दिङ वैशाख २७ रेकुनु लामादा डान्बान ल्होलो-ल्होलो गेताङकादे स्हेङबान खाबा मुला । चु दिङरीनोन नेपाल कम्युनिष्ट पार्टी एकिकृत) से चेम्बर भवन जमलरी होजा स्मृति सभा गेताङ स्हेङबा हिन्ना ।

होजा स्मृति सभारी ल्होलो-ल्होलो राजनीतिक पार्टी प्रतिनिधिकादेसे लामाला फिरी ह्राङ ह्राङला सेमताम थान्स्युबा मुबा । निर्मल लामा थेन ह्युल्ला वर्तमान कम्युनिष्ट आन्दोलन विषय थेन छ्याम स्हेङबा होजा सभारी एकिकृतला नेता रामसिंह दोना उपस्थिति मुबा । २७ रे कुनु लामादा डान्बान नेकपा -एकिकृत) समू्हला दलकादेसेनोन देशव्यापी रुपरी स्मृति सभा दाङबा मुबा । नेकपा एकता केन्द्र मसाल थेन एकिकृतसे विशेष रुपरी लामाला स्मृति दिवस दाङबा मुबा । थेराङनोन लासी जनमोर्चा नेपालसेनोन २५ रे कुनु राष्ट्रियसभा गृहरी लामाला स्मृति सभा गेताङ स्हेङजी । माओत्सेतुङ विचारधाराला प्रमुख अंग डान्बा दर्ीघकालिन युद्ध थेन लेनिनला उपज डान्बा शहरी व्रि्रोहग्याम सत्ता कब्जा लाबा निती नेपालला सर्न्दर्भरी लागू लाबारी आखाम बिबा धारणा किन्बा डोङबा लामा शहररी व्रि्रोह थेन ग्रामिन गुरिल्ला युद्धला तालमेल आवश्यक ताबा धारणानोन थान्स्युबा मुबा ।

लामाला होजा विचारदा दक्षिणपन्थी बिसी लामादा पार्टीयामनोन तेबा माओवादीसेदोना दात्ते लामाग्याम प्रतिपादित विचारला आधार लासी टिबा म्राङबा मुला ।

लामा वि.सं. २००७ सालला राणाशासन विरोधी क्रान्तिला कमाण्डर, २०४६ सालला जनआन्दोलनला नेता मध्ये गोर्गी कुशल नेतृत्व किन्बा नेता मुबा । ह्युल्ला इमान्दार राजनीतिज्ञला छवि स्हेाबारी सफल लामा वि.सं. २०५७ साल वैशाख २७ रे कुनु क्यान्सरला रोगग्याम डोङबा हिन्ना ।