म्हि ल्हुइला ग्यालामरी जो खालाइदा ल्हानान थरिला बाधाकादे खाला । फरक चुत्तेजे हिन्ना खालाइला ल्हुइरी च्याङना, खालाइला ल्हुइरी ल्हाना । चुह्राङबा बाधाकादे जो खालाइला ल्हुइरी सामान्य तासी जिन्बा मुला कि बाधाकादेथेन छेबान ल्हुइला ग्यालामदा ङ्हाच्छा बोर्बारी खाजिवाइ प्राणी, म्हि संर्घष्ारत म्राङबा मुला । तासाइ विडम्बनाला ताम, प्राय लासी च्याङना म्हिला ल्हुइरी जे थेह्राङबा खाजिवाई-खाजिवाई संकट थेन बाधाकादे खाला, जुन म्हिसे लाबा सहास थेन संर्घष्ा विमाइनो ल्हाना थारेङ ताला । जुन म्हिसे ह्राङला छे थेन प्राण थान्बारी दुइला हरेक घडि पलाथेन मिख्ली पुइबान सम्झौता लातोला । चुह्राङबा संकट, संर्घष्ा थेन संझौताला ह्याल थोप, ह्याल थोप म्लाङ खसुन्हाङरी गोर्गी नाङसाल अझैनो लुङबारी बाङ लासी टिबा मूला, थे लानि ह्याल पिन्बारी बाङ लासी टिबा मुला । 'ङादा अजैनो सोबा रहर मुला, सोला बिबा आशा मुला ।' चु सेमताम हिन्ना निबा दिङ गी ह्यान्छे एप्लाष्टिक एनिमिया बिबा रोगग्याम पिडित निरु लामाला ।

काभ्रे जोङला कानपुर गाविस वडा नं. ९ री आपा प्रेमबहादुर लामा बल आमा नानीमाया वाइवाला कुग्याम २०४५ सालरी केवा किन्बा निरुमाया लामादा निबा २०६३ असार २५ गते ह्यान्छे थे रोगसे चुङबा हिन्ना ।

निरु श्री जनचेतना मावि लोप्खाङ सस्यर्ूखर्कला कक्षा १० ला लोप्बोननोन हिन्ना । ङ्हाच्छा निरुदा लोप्खाङरी डोना डोनान रोगसे चुङबा हिन्ना । लोप्खाङरी, ह्रिल्बा, दारबा, विहोस् ताबा तासी ल्हानारेम लोप्खाङसे पुइसी बातोबा दोना ताजी ।

लोप्पा, डोबा ख्यात्पारी औधिन लगाव थान्बा निरुसे खाम्सी आखाम्ना सोमरेदोना टेष्ट परीक्षारी सामेल तासाइनो पूरा परीक्षा विसाम पिन्बारी आखाम्नी । थेनोन ताङरी ङ्हाच्छारेम पुस लारी निरु मान लाबाला लागिरी धुलिखेल अस्पतालरी ला सोम, पाटन अस्पतालरी ला गि थे लिच्छा वीर अस्पतालरी भर्ना लासी ला सोमदोनाला अस्पतालला वास तासी जिन्बा मुला निरुला । चुह्राङले ह्राङथेन छ्यामला ह्रोकादे ताङसी ङेसी डोबारी निमा सेम खिसी टितोजी निरुसे । क्योलोलोला १८ दिङला म्होन्दोला पूपू ह्राङबा निरुसे रुप ताबाला ताङरी आशाला सा डुइबान पाङजी 'ङादा अझैनोन ल्हाना डोबा सेम मुला ।' रोगग्याम खाम्जी बिसाम डोसिन दोसी ह्युलरी ज्याबा गे लाबा सेम मुला । निरुला विरामी ताबा बिमा ङ्हाच्छा थेन दात्तेला स्वभावरी खाह्राङबा फरक मूला बिसी आमा नानीमायादा ङ्योइमा नानीमायासे सुङजी "जामेला बानी एकदम सोझो सिधा, ताम च्याङना लाबा, ल्हाना ह्राङबा डोबा ख्यात्पारी झुकाव थान्बा मुला । ल्हेङमोला ताङरी निरुदा ह्राङला खाह्राङबा सेम मुला, तिला लाबा सोच मुला बिसी ङ्योइमा बिसाम खाली स्ह्याल खाइमा थोप, खाइमा ह्याल ताबा म्राङजी । खार्साई तिलाई सेमन्हाङला ताम पाङबारी आखाम्नी । तार्साई निरुला फिर्क्यापला स्ह्याल म्राङमा जो खालाइसे निरुला ल्हुइला स्हु महसुस लाबारी खाम्ला । सार्बारी माइबा म्हेन्दो पूपूला टा खार्मा ह्राङनो ताबा मुला निरुला ल्हुइरी । निरुला तार रक्त मासी जिन्बासे खाम्देहोना ला सोमन्हाङरी होजा रक्त मासी प्रत्यारोपन लातोबा अवस्था मुला दाते । ङ्हाच्छारेम निबा दिङला कार्तिक ला ह्यान्छे २ पाउण्ड का युबारी शुरु लाबा दात्ते तिरेमरीन ५ पाउण्ड ह्यान्छे ७ पाउण्डदोना का युतोबा मुला । चुह्राङले दात्तेला अवस्था गोमा ङसि रे थेन च्युइ रेन्हाङरी निरुदा का युतोबा मुला । चुह्राङले निबा कार्तिक ला ह्यान्छे दात्ते दोनारी रेम रेम लासी ८७ पाउण्ड का निरुला ल्हुइरी युसी जिन्बा मुला । तिरेमरीन अस्पतालरी खाबा निबा लाबारी दात्ते १५ हजार ह्यान्दे २० हजार टाङगा तोबा मुला । निरुला आपा आमासे सुङबा आन्सार दातेदोनारी निरुदा मान लाबारी ३ लाख विमा ल्हाना खर्च तासी जिन्बा मुला विसाम १ लाख नाम्साबाला छे तासि जिन्बा मुला । जामेला मान लाबारी खर्च टाङगासे आजित तासाइनो निरुला आपा प्रेमबहादुर थेन आमा नानीमायादा जामे सोला बिबा ग्रेन आशा मुला । दात्ते निरुला चन्दा सहयोगग्याम मान लाबा मुला । ग्लिङला फेरि बमा, छाबाला फेरि होबा बिमा ह्राङ निबा बैशाख ह्यान्दे निरुला मिसे ज्याना आम्राङबा मुला । मिरी का जाम तासी आर्कु मान लातोबा समस्यानोन मुला निरुला ल्हुइरी ।

डाक्टरसे सुङबा आन्सार निरुदा मान लाबारी ला सोमन्हाङरी ह्युल फिर्क्याप कि जापानरी कि अमेरिकारी बोर्तोबा सल्लाह मुला बिसाम मान लाबारी २० लाख ह्यान्छे २५ लाख दोनाला अवश्यक मुला । प्रेमबहादुर थेन नानीमायाला सन्तान सोम मध्यरी जा ङ्िह याखार गी जामे निरु हिन्ना । दात्तेला निरुला अवस्था बितोमा ल्हुइरी का युमा ह्यान्छे सामान्य रुपरी ब्राबारी खाम्बा मूला विसाम ल्हुइरी का जिन्मा ह्यान्छे ना, सुङ गिजाग्याम का बगाप तासी निरु क्षिण क्षिणरीन विहोस ताला । तार्साई डाक्टरला सल्लाह आन्सारी निरुदा फिर्क्याप ह्युलरी बार्सर्ीीान लाजी बिसाम निरुसे अवश्यन दोसिन ल्हुइ याङबारी खाम्बा अनुमान लाबारी खाम्ला । निरुला दिम थेमेसे निरुदा जसरीन तसाइनो सोना लातोला बिबा आशाला छ्यामरी ल्होलो-ल्होलो गेन्दुन, व्यक्तिकादेथेन सहयोगला अपेक्षानोन लाबा मुला । दात्ते निरुदा मान लाबारी छ्योबा टाङगा आरेबासे फिर्क्याप ह्युलरी बोर्बारी खाम्बा आरे । निबा दिङ गी ह्यान्छे ह्राङला प्राण रक्षाला लागिरी भयंकर संकटला गुङरी संर्घष्ा लाबान संझौतारी सोसी सा पोबान लास्युबा निरुमायादा नाता, साइनो, सम्बन्ध, चिनजान विमाइनो गोर्गी मानवियताला हिसाबसे ह्याङ जो खालाइसे सहयोग लाबारी खाम्ला ।