दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
प्रचण्ड, गिरिजा ओम ग्ले डिक्सी जिन्बा मुला
छार नेपाल रो, लोकतन्त्र नेपाल रो ओम् माओवादीला गणतन्त्र नेपालला ताममि ख्लागो तामाङला ताम्सालिङ नेपाल रो । तामाङला ताम्सालिङला ताम बिबा मौकारी म्हाइबा ताम जेगेन हिन्ना । जनजातिसे ह्रिबा अधिकारला ताम हिन्ना ओम् स्वायत्तताला माग हिन्ना । चलाख बामानला कोला प्रचण्ड जनजातिजुकुला बामरी न्हेसी तिरेमला खेपरीन गिरिजा तेन ग्ले ज्ञानेन्द्रला ह्रो दोनिबा मुला । खालाइदाम शायद पत्यार आता ताला । चु म्हिकादे चुदे डिक्सी जिन्बा मुला बिबा ताम । गिरिजातेन डिक्पाताम तासाइ ग्लेतेन डिक्पा तामरीजा बिसाम क्योङ नेपाली ह्युल्वाजुकुन अलमलरी मुला म्हान्बा मुला । चु अलमल बिबा दारेमजा परिवर्तन खाइमाइनोन आता बिबाला स्पष्ट संकेत हिन्ना । अझ ह्याङ तामाङजुगुसे म्हाइबा ताम्सालिङला ताममि म्हाङला ताम चख्ख्ोन हिन्ना । म्हाङ म्राङसी ङोन्छुपरी थोपो रिबा जेगेन हिन्ना । गोर्की अचम्मला ताम हक अधिकार बिबाम क्योङ आदिवासी जनजातिजुकुसेन ह्रिसी टिबा मुला नि - तामाङकादेनोन नेपालीन हिन्ना क्योङ नेपाल ओम छार नेपाल स्होबा अभियानरी आब्राना ताम्सालिङ ताम्सालिङ - आहिन् ताम प्रष्ट मुला ताम्सालिङ आयाङ बिबा तामला । तिल्दा ह्याङला बौदिक तामाङकादेला बुद्धिरी चुराङबा सम्भवनोन आरेबा स्हे म्हाइसी टिबा - लोप्पा डोबा आलाना बुद्धि आखाबा बिबाम छुट्टोन ताम हिन्ना । तर शिक्षित म्हिकादेनजा ताम्सालिङला लुच्छा ग्यामरी ब्रापा म्हिकादेदा खाल्से छोर्बा खाना लाला ?-
प्रचण्डला स्वाङ नेपालरी जनवादी शिक्षाला अभियान बापारी रो । बेनान ह्युल्वाला आमाग्योइलान विषयरी लोप्पा डोबा लाबारी म्याङबा छार शिक्षा निति स्होबारी रो । बेनान आदिवासी जनजातिजुगुला आमाग्योइदा राष्ट्रिय ग्योइ सरह मान्यता याङना लाबारी रो । चुरी जनजाति थोरी नेपालरी मुबा बेनान म्हि सरह च्योच्यो व्यवहार लाबा सेम म्राङसाइ नेतृत्व तहरी टिबा माओवादी दात्ते कुटिसी टिबा म्राङला । सञ्चार थुमरी टिसी ह्युल्ला सञ्चार थुम च्याबा माओवादीसे सञ्चार थुमरी खाइ तिला परिवर्तन बाजी ओम ? रेडियो नेपाल तेन टेलिभिजनरीक्यार खाई ओम परिवर्तन लाबा ?
नेपाल परिर्वतन ताबारी क्योङ नेपाली ह्युल्वान सचेत तादोला । नेतृत्व तहरी ह्राङला हक अधिकार ह्रिमा नेपालला कानूनदा चुङसी आहिन ह्याङला ह्राङला कानून ह्राङसेन स्होबा प्रयासरी ह्याङ वाङतोला । ह्राङला कानून बिबा मौलिक कानून हिन्ना । दात्ते चलाप तासी टिबा नेपालला कानून र्सवसाधारणला हितरी आरे । नेपालला कानून बेनासेन उपभोग लाबारी योग्य आरे । चुरला प्रशाशन तेन कानून बिबा जनताला फाइदादा तादोला । संकटकालरी ओराङबा तोरला म्हिकादे सिबा म्हाबा ताजी । कादे म्रिङकोलाजुकु विधुवो ताजी, कादे म्किादे बेपत्ता ताजी । खाइओम थे सिबा म्हिकादेदा डान्बा ? तिला खालला भूमिका क्लाङजी ओम? युद्धरी सिबामी सिसिनिजि । तर छार नेपालरी छार नेतृत्व लाबाजुगुसे थे सिबा म्हिकादेला परिवारदा खाइ तिला च्याजी ओम? चुरी क्रान्ति झनझन ल्हेसी निबा म्राङला । चुरी मिनसुताइ खाइमाई आथेबा छार-छार मिनकादे थोन्सी टिबा म्राङला । फोरम, वाइसीएल, मोर्चा, कोब्रा ओम् चुरे भावर रो । तिलोम चुकादे बिबा? खाला चुकादे? खालाङसे खाबा ? चुरीन ठुङबा हिन्साम चुरीन ठुङबा बिसी पाङतोजी । आहिन बिसाम ङानी चु ग्याम खाबा बिसी ह्युल्वादा खुलस्त पाङबारी खाम्दोजी । बन्द, हड्ताल क्रान्ति लाबारी खाबा हिन्साम एन्से थोबा लक्ष्य उद्देश्य तिला - र्ङाई वाइसीएल न्हाङरी ल्हामान तामाङकादे म्राङबा मुला । दात्ते प्रचण्ड ज्ञानेन्द्रतेन डिक्पा अवस्थारी दोला जिन्बा मुला । माओवादीरी ब्रापा तामाङकादेला तामाङ राष्ट्रिय मुक्ति मोर्चा रो ? चु मोर्चा ठ्वाङसी खाइओम थेन्से तिला लाबारी खाम्जी ओम ? प्रगति खाइ ओम थेन्ना ? दात्ते थोन्बा छार क्रान्तिकारी पार्टर्ीीदेइनोन चु ब्रे दलन्हाङलान म्हिकादे हिन्ना । थेदासी पाङबारी खाम्ला कि नेपालरी दारेम तिलाई तासेदा आरे ।
सभ्य व्यवहार लासी गिसेमगिरी डिक्सी धर्म लासी राजनीति लाबा हिन्साम नेपालला राजनीति ज्याबा तासेला । नेपालला राजनीति ज्याबा ताबारी नेपाली ह्युल्वाजुगुला सेमताम ज्याबा तादोला । चुरला राजनीति लाबाकादेला ताम ङ्यान्सी ह्याङ टिबारी आता । थेदासी राजनीतिला 'र' उच्चारण दोना सुतान आलासे । चुरला कांग्रेस, एमाले, माओवादी ह्राङबा खाप्बाइनोन पार्टर्ीीदेला तिलाइनोन ठेगान आरे । न्हाङगार रेरीक्यार तिला तासी निला थे ह्याङसे म्राङनोन म्राङला । ताम्सालिङ याङला बिबा आशारी ब्रासाम थे खालादामान आशालान्हाङरीन सिला । माओवादीसे गणतन्त्र बाबारी बिसी च्युइ दिङ दोना तुम्बक थोजी । ल्हामान माओवादीकादे सिसी साप्रारी दोङजी । तर थेन्ना गणतन्त्र बाबा म्हाङ फोसारी ताजी । ताम्सालिङ,ताम्सालिङ बिदासी फोसारी स्ह्यान्दो म्हिला यारी सितोला । ह्युल तेन ह्युल्बादा लागिरी सिबाकादेला चुरी तिलाइनोन मतलब आरे । थेदासी ह्याङ बेनान ह्याङलान दिमला थेमेतेन नोन छ्याम टिसी दुःख सुख जुबा गिसेमगिरी सदभाव तेन माया लासी ह्राङलान ग्लारी टिसी सोमा ज्याबा ताला । छार नेपाल, संविधानसभा, लोकतन्त्र, गणतन्त्र ताम्सालिङ राजनिति लाबाकादेला सोसी चाबा ग्यालाम हिन्ना । चुराङबा ग्यालामकादेला भर लासी ह्याङ टिबारी आता । संविधानसभा आताबाला प्रमुख कारणनोन प्रचण्ड गिरिजातेन ग्ले ज्ञानेन्द्र डिक्सी जिन्बासे हिन्ना । दारेम चुरी संविधानसभा ताला, नीति नियम पारित लाला छार ह्युल दोला बिबाला तिलाइनोन आशा आलार्साई ताला । चु ताम बेनासेन ज्यानालासी गोगाई ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।