काँग्रेसला कारण ह्युलरी गणतन्त्र घोषणा लाबारी गाइजि

खाला मुला ताला सीबी लामादा गोली छेब्बा ?

खबरदारी आन्दोलनला आवश्यकता

छार दिङला होइस्हेरथेन ङेबान नागार्जुन

खराङलसी नानाआङाकादे विदेशरी चुङबाटिम ?

संचार थुमरी लोकतान्त्रिकरण थेन पुनः संरचना

ग्लेसे दक्षिणकालीरी पुजा लाजी

नुवाकोट याम्वू सम्पर्क भेला

सिनासला अन्तरक्रिया गेताङ थुम्जी

सञ्चार समूहला साधारणशभा

का दान गेताङ तासेदा शहिद अनिल लामाला मिनरी श्रद्धञ्जली सभा

सरकारी सेवारीनो समाबेशी अभियान

प्रतिभा प्रवाह गेताङ

विद्यार्थी घेदुङला विचार गोष्ठी

जातिय तेन क्षेत्रिय पार्टी ठ्वाङवारी याङतोला

सेमरी म्हान्बा ताम

ताम्सालिङ न्हाङरी चेतना बोर्बा अभियान मुला

तामाङ काइला काइ

श्रीलंका तेन अष्ट्रेलिया उपधिला ग्यामरी

खै ! खालाङ खाजी लोकतन्त्र ?

प्रगतिशील ह्वाइ कोदोजी

योञ्जनला डान्बा खाजी

ङाला वास्तविक कहानी

          ताम्सालिङसे लाबाजा तिलाई आला

लेप्सी जिन्बा यात्रा ला गोङमा कादे लेप्नान लातोला

तिला ज्याबा डान्बा बिसे ?

पिर ताबा मुला

गजल

तामाङ फिल्मला ब्यस्त कलाकार

तामाङ चलचित्रला दर्शक च्याङना मुला

हृवाइ संगीतला थुमरी च्यागे विसाम हृयाङ तामाङला गुङरी ङाच्छाला बिमा दान्देला एक्काइसौ शताब्दीला चु दुइरी खासी स्योङ गान्दीतेन छ्याम खाबा वालुवा, फोहरकादे ह्राङ हृयाङ तामाङला ह्वाइ संगीतला थुमरीनोन नकारात्मक पक्षकादे मुला । थे पक्षला फिरी ताम लादोमा चुह्राङलासी लाबारी खाम्ला ।

ह्याङ तामाङला ग्योइ, रिमठीम, सेमल्हेङ, गोइलोदा ल्हेना, छार्ना लावा सेम थोसी काइपा काइमोसे जतिन ह्वाइकादे कोबा मुला । थे ह्वाइकदेदा ज्याना लासी च्यामा ङयान्मा मायाप्रीतिला ह्वाइ चेक्खेन कोबा ल्हामा म्राङबा मुला । थे हृवाइला छिगकादे च्यामा, समाजरी विकृति, विसंगति फैलाव लाबा किसिमला ह्वाइकादे म्राङबा मुला । उदाहरणला लागिरी च्यादोमा वाला-वाला ग्राम्बा एल्वमला ह्वाइः-

वाला-वाला ग्राम्वा- ग्राम्वा च्यागोइ साइलीला वाला-वाला ग्राम्बारी च्योक-च्योक लाइलोम खाला खाम्बा
'सेमला दुङाल' एल्बमला
'क्यार्स नाम्साला आङा नानी आज्याबा
मुवाटीम एला बानी'
'सफा टेम्पोला'
योला दिनी झलल थोन्काबा
जेबानाना खालाङसे ज्योनखाबा,
नाना ब्राउ सेगे याम्वुरी सफा टेम्पोरी'

ह्राङबा ह्वाइकादेला उदाहरण ल्हामान-ल्हामान मुला हृयाङला तामाङ ह्वाइला थुमरी । हृयाङला तामाङ काइपा काइमोसे जहिलेन चुह्राङबान चुह्राङवान ह्याङला तामाङला ह्वाइला थुुमरी, संगीतला थुमरी लिच्छा तासी टिला । थेसे लामा ह्याङला ह्वाइ व्यवसायिक रुपरी चेक्केन सफल ताबा किसिमसे आहिन्ना लिच्छा-लिच्छाला दुइरीन आजम्बरी ह्वाइ संगीतला रुपरी टिबा किसिमसे कोदोजी । जस्तै मानवहादुर दोङसे ब्रीवातेन कोवा ह्वाइ

चरीमैना दुःखला न्हाङरीन सिनामु
चाबारी दिमरी कान आरे
क्वानवारी गोरी क्वान आरे
ख्रेन्बा खार्साई सेमनासी
खाइकादे ब्रासे सेम क्रासी
चरीमैना दुःखला न्हाङरीन सिनामु,

चु ह्वाइ २०३६ साल ह्यान्दे दान्देला चु दुइ दोना बेनान तामाङ हयूल्वाकादेला सेमन्हाङरी वाङसी टिवारी सफल मुला । हृयाङसे डेन लादोला चु ह्राङदा हवाइ ब्रीवा कोवा मानवहादुर दोङदा हयाङ हयूल्वाकादेसे डेन लादोला । लिच्छाला दुइरी क्यारएनोन थोन्काइ । अर्को प्रगतिशील हृवाइ । वास्तविक हृवाइला ताम लादोमा तिल्दा एल्वमला

''प्लाष्टिक दुइबा गे मुला आमा
तिला गे लासी चाला आम्हान्गो
बोरासे ङाला ल्हर्ुइ गाप्मुला आमा
तिलाक्वान क्वान्ना आम्हान्गो
दुःखीला तीङ नावा म्ही मुला आमा
थे एला सेमरी आम्हान्गो ''

चु ह्वाइला छीग गादे मार्मिक मुला, चु ह्राङवान ह्वाइकादे कोसी निजी विसाम हृयाङ तामाङला हृवाइ संगितला थुमरी छार छार ग्याम थोन्सेला । छ्यामरी दुःख याङबा ज्योज्योआले नानाआङाला वेथा-वेदनादा हवाइ संगीतला माध्यमग्याम तोर थीवारी ह्रो लासेला । चु ह्राङबा वास्तविक ह्वाइ ब्रीबा कोबा कलाकारकादे तामाङ समाजला थुमरी च्याङना चेक्केन मुला । जतिन तामाङ काइपा काइमोसे ह्राङ-ह्राङलान ह्वाइ कोबामुला थे ह्वाइकादेसे केबल ङयानखेनकादेदा मनोरञ्जन चेक्केन पिन्बारी खाम्ला । तासाइ वास्तविक जीवनरी पुइसी टिबा दुःख सुखला यथार्थदा विसाम फिर्क्याप तेवारीचा पक्कान आखाम । थेसे लामा प्रगतिशील ह्वाइ कोदोजी । जस्तै ः-

आङा- थाङकुमी ब्रीबा ए खाइवा ज्योज्यो मी होइ
हृयाङला बोरीम तिल्दा दुःखचे
ज्योज्यो - गलैचा राबा ए खाइमो आङामी होइ
फ्यूक्पोला ग्लेठिम ताबासे -
-बहुदल विवा ग्लेठिमरी
मुबान म्हिचे तोर ताबा टिम
सोवाला गेन्देन ह्योन्दारी
लुसी चाबाला मोज लावाटीम
आपोसाम वहुदल ए खाइमो आङा होइ सुख आयाङ

स्होसी चावासे चुह्राङवान-चुह्राङवान ह्वाइकादे कोसी निजी विसाम आवश्यन हृयाङला तामाङ समाजरी प्रगतिशील ह्वाइला विकास तासि निसेला । छ्यामरी वेनान काइपो काइमोदा सेमन्हाङग्यामसेन अनुरोध मुला की माया प्रीतिला ह्वाइ चेक्केन आकोना समय सान्दर्भिक तेन छ्यामरी वास्तविक ह्वाइकादेनोन कोदोजी । चु ह्राङबा ह्वाइलाग्याम गोङमा ल्हामान तोर निबारी सफल तासेला विबान लिच्छारी

चु केवा निलाजी दुःखरी ङाला
बामरी हालो जुवा थोतासी
तारनोन ताजी क्रा थोवोरी ङाला
सेरोरी हली दोतासी
जिउसारो फ्यूक्पोला ब्हारी मोइवासी
शथीला र्स्र्वीणम
                                                        - मादनकुँडारी - १, काभ्रे