दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
प्रशान्त तामाङ
इण्डियन आइडल टपटेनरी
दार्जिलिङला तामाङ ब्योन प्रशान्त तामाङ भारतला प्रतिष्ठित प्रतियोगिता इण्डियन आइडलला उत्कृष्ट च्यूइ (टपटेन) प्रतियोगिरी समावेश तावारी सफल तावा मुला । टपटेनरी दोमा प्रशान्तसे ङ्िहच्छा तावा मुबा । इण्डियन आइडल भारतला अधिकांश ग्लाला छार गायन प्रतिभासे वो किन्बा प्रतिष्ठित प्रतियोगी ता दिन्ना ।
दार्जिलिङला २२ दिङला प्रशान्त निम्नवर्गीय ब्योन भारतीय आर्मीरी गे लावान मुला । प्रशान्त आपला डोङबा लिच्छा आपला ग्लारी भारतीय सेनारी भर्ना तावा हिन्ना । प्रतियोगिता ङ्हाच्छा ह्यान्देन ह्राङला काइला जादू ग्याम प्रशान्तसे वेनान दर्शककादेला सेम डावारी सफल तावा मुबा ।
इण्डियन आइडलला भोटिङ राउण्डरी दोबा प्रशान्त नेपाली मूलला खप्पाई विमा ङ्हाच्छाला प्रतियोगी हिन्ना । प्रशान्तला पक्षरी भोट युवारी थेला दिमनाम्सा दार्जिलिङरी अभियाननोन चलब लाबा मुबा । दार्जलिङवासीकादेसे गोन्बो, लाथानकादेरी नितासी प्रशानतसे डागाई बितासी सामूहिक पूजा पाठ लाबा मुबा । बेनानसे ल्हामा विमा ल्हामा एसएमएस लादासी भोट युबा मुबा । दार्जेलिङला चोक, गाडी बेनान ग्लारी प्रशान्तला पक्षरी भेट युबारी आह्वान लावा पोस्टर थान्बा मुला ।
युबारी उत्साहित प्रशान्तला प्रशंसककादेसे प्रभावकारी मोहतावा बितासी स्थानिय मोवाइलला गेदिमरी तोडफोड लाबा तामसोरनोन याङबा मुला ।
नेपालीमूलला प्रशान्त टपटेनरी दोबा तामसोर्रस नेपाली कादेदा नोन ताङना लाबा मुला । प्रशान्तला पक्षरी भोट युवा व्यवस्था लातोबा माग नेपालीकादेसे लाबा मुला । तिलाई गेसे भारतरी दोसाम प्रशान्त दा भोट युवारी बेनानदा अह्वान लावा मुबा । संगीतला औपचारिक शिक्षा अकिन्बा प्रशान्तसे प्रतियोगिताला निर्णायककादेला सेम डावारी सफल ताबा मुला । नेपाली निर्णायक उदित नारायण झा तेन प्रशान्तला गुङरी नेपाली ग्योइ ग्याम ताम ताबा मुला ।
तामाङ ब्योन प्रशान्तला इण्डियन आइडलला यात्रा सफलताला छ्यामरी जिन्गाई ताम्सा लिङ थेमेला ज्याबा डान्बा ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।