दीङः २ बोः ७ पूर्णाङ्कः २७, २०६४ जेठ १ ह्यान्दे १५, मइ १५ - मइ २९, २००७ Tamsaling fortnightly Online News.
Tamsaling Archieve
April 14 to
28, 2007
April 29 to May 14
May 15
to May 29
ठेट भाकाला काइपा - प्रेम लोप्चन
चरिला कमाई दोङला नाई, फापरे स्याङबारी आसे र्ङाई
छिगीला वचन पाङगे ङाइ, दर्पन ऐनारि लिच्यागो
देशीनाम्साला नानाआङा सन्सीम बैठक दनस्यागो
सन्सीम बैठक दनस्यागो टुपसेम रान्पा डास्नारी
डिहिला म्हेन्दोला वास्नारी
सिन्धुली गडी बर्दिवास
कोर्वान खाजी भमरा याङलावा बिसी म्हेन्दोला रस
सांगीतिक थुमरी प्रेम लोप्चान ओदे नौलो मिन आहिन । ह्रेङबा दुइ ह्यान्से चु थुमरी मुबा लोप्चानसे खप्पाइबिमा ङ्हाच्छा कोबा कोदोको ढिडो नाकाला स्या बैला त हैन सोल्टी स्या बिबा ह्वाइ कोबा ह्यान्सेन ङ्यानखेनकादेला सेमरि चिवारी सफल काइपा हिन्ना प्रेम लोप्चन । थोरि उल्लेखित ह्वाइएनोन काइपा लोप्चनला लिच्छाला ताङरि लालबहादुर योञ्जनथेन रर्ेकर्ड लाबा तामाङ ह्वाईला तुन्बा अंश हिन्ना ।
२०१९ सालरि आवा जसपाल लोप्चान -माइते) ओम आमा सुकुडोल्मो लामा -लालुङबा) ला केवारि माइला जाला रुपरी सिन्धुपाल्चोक चौतारा बतासे गाविसला भुवा बिबा ग्लारी केबा प्रेम लोप्चन पेशाला रुपसे महेन्द्र पुलिस क्लवला सहायक इन्सपेक्टर हिन्ना । ह्राङला विभाग साँस्कृतिक विभाग तवासे लमाइनोन ह्वाई संगीतरी ब्राबारी सजिलो महशुस लाबा काइपा प्रेम लोप्चनला वाल्यकाल बिसाम ओदे ज्याना लासि ङ्हाच्छा अनिजी जजाबा उमेररि आवाला माया ग्याम थारेङ चितोबा लोप्चनसे । ल्हानान संर्घष्ा लाजी वाल्यकालरी दात्ते थेनोन संर्घष्ाला अनुभवसे लामान चुग्लारी दोना दोबारी सफल ताबा मुला काइपा प्रेम लोप्चान ।
काईपा प्रेम लोप्चन होराङवान ब्रे दिङला मुबा दुइला ताम हिन्ना । जामा दुइरी चौतारारी यातायातला सुविधा आरेवा । शायद कार्त्तिक, मंसिर लाला दर्ुइ मुदाला लोप्चनला आमासे ह्रोकादेथेन तिलाइ सामान किन्बारी धिमग्याम तिलाई थारेङ बलेफी बिबा ग्लादोना पुइजी । लोप्चान ह्रोकादे थेन निबा ताङरि गोरगी ह्रो आस्याङला जादेन याम्बुरि निबा सल्लाह ताजी ओम दिम थेमेला अनुमति बिनान लोप्चन आमासे पिन्बा टाङगा थोसी याम्बुरी वाङजी । थे टाङगा थोसी लोप्चन खोपोङरि दोखाजि, खोपोङदोनामी दोखाजि जजाबा उमेरला लोप्चनसे याम्बुरि तिकलासे खोपोङरि खसि आकु अरु मुबा ग्लारि निजी । ङ्हाच्छा आकु आरुसे वाङजी लोप्चानदा । तसाइ ल्हानान ह्रो लाजि थेलिच्छा काइपा लोप्चानसे गोरगी होटेलरि गे लबारि वाङजि थेराङलासि गे लाबाला लागिकला बोगलगिक टाङगा याङवामुबा लोप्चानसे । थेलिच्छा बिसाम लोप्चनसे वरफ चुङबा गेएनोन लाबारी वाङजी होटेलरि बिमा बरफ चुङमा ल्हाना टाङ्गा स्होवा अनुभव लाजी होटेलरि गे लामा विमा वरफ चुङमा दोब्बर ह्राङवा स्होवामुबा लोप्चनसे टाङगा । चुह्राङलासिन तिलाई लिच्छा ह्राङला परिश्रमला कमाई थोवान आमादा स्याप्पारी नगरकोट सिपाघाट तवान चौतारा दोजि काईपा लोप्चन । दिमरी दोमा ह्राङला आमाकादे ङ्हाच्छा जति दुङाल मुर्साई जाला परिश्रमला कमाई म्राङसी ताङवामुवा ।
वास्तवरि प्रेम लोप्चानला बाल्यकाल चुह्राङलासि जति दुखरि वितप ताजि थे दुखला छ्यामरी ल्हानान रमाइलोएनोन लासि निवामुवा लोप्चनला बाल्यकालला रेकादे । सिन्धुपाल्चोकला चौतारा जहाँ तामाङ सेलो गोसि डम्फु ह्राप्सी स्यावालामुला थे ग्लारि केवा लोप्चान एनोन जात्रा विवा थेवाईसाथ थे ग्लारिदोसिन ख्लावा मुबा । आमासे दोहोरी कोवामुमा लोप्चन स्याबामूबा । तिरेममि चुह्राङबा दर्ुइ तावामुवा कि प्रेम लोप्चनसे स्याबा विवा थेवासाथ वेनान म्ही थेरि पोप्पामूवा ओम क्योङसेन तिलाई टाङ्गा पिन्सी लोप्चानदा हौसाला दोन्बामुबा । थेसे लामा लोप्चन झन स्याबामुबा ।
चुह्राङलसि रेकादे ङ्हाच्छा निवाई गेनमुबा प्रेम लोप्चन ओदेखेर १४ दिङला तवामुबा । याम्बुरी मुबा गोरगी आङीला जा हस्तबहादुर घलेसे याम्बुरी सिपाहीला जागिररी भर्ना ठोङवासे थेरि सिपाहीरी भर्ना तावारी विदासि खबर लाजी प्रेम लोप्चन याम्बुला महेन्द्र पुलिस क्लबरी भर्ना तवारि दोजि । हिन्वामि १४ दिङला लोप्चनसे ङ्हाच्छामि भर्ना तवारी अयाङलाई लिच्छा दब्बेन सेवा ज्योज्यो गीसेथे दर्ुइरी नेपाली नागरिकताला प्रमाणपत्र अतोवासेलामा १८ दिङला बिदासि भर्ना लापिन्जी । चुह्राङलासि महेन्द्र पुलिस क्लबरि सिपाहीला जागिरला लागिरी भर्ना ताबा तिलाई दिङ लिच्छाह्यान्छे चेक्खेन औपचारिक रुपसे ह्वाई संगीत कोवारी चुजी । महेन्द्र पुलिस क्लबरी जागिर लावान ताङरी तिरे क्लवग्याम तिलाई म्ीेकादे छनौट लासि स्यावा ह्वाई कोबा लावारी वोर्वा ताम ताजी २२ जनाला छनौटरी प्रेम लोप्चान एनोन छनौट ताजी थेलिच्छा छनौट लावान निमा म्हेन्दो ब्लीला छनौटरीनोन प्रेम लोप्चन सफल ताजी । चुह्राङलासि संर्घष्ा लावान सेलो ह्वाई कादेरी स्यावान निवा ताङरी संगीत गुरु गोपाल योञ्जनथेन परिचय तावा अवसर याङजी काइपा लोप्चानसे । सेलो ह्वाइरी स्यावा म्राङदासि खाला चिम चु विदासि खुब चासो लासि लोप्चनदा ङ्योइपा मुबा जामा दुइरी । सांगीतिक थुमला बरिष्ठ संगीतकार गोपाल योञ्जनसे स्याप्पा लिच्छा तिरे लोप्चनदा गोपाल योञ्जनसे गोरगी सेलो ह्वाई कोपुङजी । लोप्चनसेनोन नाम्सारी कोवा ह्राङलासिन ठेट भाका ठेट छिगरी ह्वाईकोजि थेलिच्छा गोपाल योञ्जनसे खुब ध्यान पिन्सी ङ्यान्जी ओम गोरगी ह्वाईला छिग हु्रप्सी ह्वाई स्होसिपिन्जी जुन बेलारी, रेडियो नेपालविमा स्यान खजिवै रेकर्डिङ्ग स्टुडियो आरेवा नेपालरी । ल्हानान लाइन चिदासि काइपा प्रेम लोप्चनला ह्वाई रर्ेकर्डलावा पालो खाजि । नाम्सारि जात्रारी क्यार ह्वाई कोवान ब्राबा लोप्चन थेरि माइककादे म्राङमा अचम्मा तावा मुबा ओम नर्वसनोन ताजि ल्हानान रेम न्होङना लाजि तर्साई जतिरेम न्होङना लर्साई चु ह्वाई प्रेम लोप्चनसेन कोदोला विदासि कोपुङवा विसम काईपा लोप्चानसे दत्तेनोन म्लेवा आरे । साँच्चिकन थेलिन्छा गोपाल योञ्जनसे आशा लाबा ह्राङवान ज्याबा चर्चा ताजिथे ह्वाई । थे दर्ुइरी रर्ेकर्ड ताबा ह्वाई चैत त पछि वैशाख आयो बिबा आपा त लोप्चन आमादा स्याङतान बिबा ह्वाई ल्हानान सफल ताजि ।
चुह्राङलासिन चुवा प्रेम लोप्चनला सांगितीक यात्रासे तिनी दोखामा ल्हानान सेलो ह्वाईकादे गुङरी तामाङ ह्वाईकादे नोन कोजि । विशेष लासि तामाङरी बिमा नेपालीरी तेमा वेनासेन ङ्यान्वा तावासे ह्याङला ठेट भाकादा ठेट ह्वाइकादेदा नेपालीरी तेवा सुङबा लोप्चनला लिच्छाला ताङरी सेलो जुहारि, सैलुङे जुहारीनोन ल्हानान सफल ताजि । सांगीतिक गेताङला ताङरी जापान, जर्मन, हङकङ ह्राङवा ल्हानान ग्लारि दोसिजिन्बा काईपा प्रेम लोप्चनला छुट्टोन अनुभव मुला । लोप्चनला अनुभव अन्छार विदेशरी तामाङ कलाकारकादे तामाङकादेला निमन्त्रणारी दत्तेदोना निवा अवसर याङवाआरे । ल्हानान तामाङकादे मुग्लानग्याम कलाकारकादेला माग लर्साई वेनान नेपालीकादेन माग लावा अनुभव मुला लोप्चनदा । चुह्राङलसी अनुभव किन्बान निबा ताङरी काइपा प्रेम लोप्चनसे तामाङ जातीदा गोरगी रमाइलो लाबा जातला रुपरी किन्बामुला । तामाङकादे रमाइलोला लागिरी खुल्ला मुला ल्हानान ग्लारि रमाइलो लाबा मुला सुङवान रमाइलोला ताङरी ल्हाना थुङ्बा तामाङ कादेला ल्हानान दुखला ताम डान्बामुला । सेलो जुहारी ह्वाई ग्याम चर्चारि मुवा लोप्चनसे लिच्छाला ताङरी बिसम तामाङरीन थेह्राङवा दोहोरी ह्वाई तेवामुला रर्ेकर्ड लावामुला । आशा लागे काइपा लोप्चनला चु ह्वाई एनोन ङ्यानखेनकादेला सेम डाबारी सफल ताला मानबा मुला ।
प्रस्तुति खड्ग मोक्तान
ताम्सालिङला छायांकन लिच्छाला ताङरी
सिद्धान्त फिल्मस् प्रा.लि.ला व्यानररी स्होवा तामाङ चलचित्र 'ताम्सालिङ'ला छायांकन अन्तिम चरणरी दोबा मुला । ताम्सालिङसे याङबा जानकारी अनुसार भाद्रला न्हाङरी पर््रदशन लाबा उद्देश्य थोवा चु चलचित्रला ह्वाईकादे चेक्खेन छायांकन लावारी बाँकी मुला । धुलिखेल, नगरकोटला छ्यामरि भक्तपुरला ल्हाना ह्राङवा पर्यटकिय ग्लाकादेरि छायांकन लावा चु चलचित्रला ह्वाइरी बिसम गोदावारी, चांगुनारायण, ओम भक्तपुर नगरपालिकाला, फुलबारीरी छायांकन लाबा योजना मुला विदासि निर्माता निर्देशक सुदिप दोङसे जानकारी दोन्बामुला । निर्माता निर्देशक, कथा, पटकथा, संवाद वेनान सुदिप दोङसेन लवा चु चलचित्ररि नृत्य निर्देशन कमल योञ्जन, द्वन्द्व र्सर्ूय थोकर ओम छायांकन सागर खड्कासे लाबामुला विसाम चलचित्रला कलाकारकादेरि सुदिप दोङ कमल योञ्जन, राजिव गोले, गम्भिर स्याङतान, मनिषा घिसिङ, सिता गोले ओम लालबहादुर योञ्जनथेन दलबहादुर लामासे प्रमुख भूमिकारी क्लाङवामुला । तामाङ दर्शककादेदा ताम्सालिङ फिरिज्ञान पिन्बा ताम्सालिङ बिबा तिक हिन्ना ताम्सालिङ न्हाङरी तामाङकादे खाराङलासि चिवा मुला ताम्सालिङ न्हाङला तामाङला अवस्था खराङवा मुला बिबा तामदा उन्बा कथा बस्तु थोबा चु चलचित्रला उद्देश्य बिबान ताम्सालिङला ज्ञान पिन्बा म्हाइबा हिन्ना विदासि ताम्सालिङसे जानकारी याङवामुला ।
ताम्सालिङ अनलाइन डट कम
ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन
श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ,
सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ
योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।