ङाइ गोबा आन्सार नेपाल तामाङ घेदुङ क्योङनोन तामाङला संगठन हिन्ना । तर दुःखला ताम घेदुङला गे म्राङमा घेदुङ खाली तामाङला मिनला संस्था जे ह्राङ तासी टिबा म्राङबा मुला । घेदुङसे राजनैतिक विषयरी विमाइनोन ह्राङला सांस्कृतिक, पारम्परिक कला धर्मदा ल्हेना छार्ना सोना लाबा गे लातोला । ङाइ गोबारी आखाम्बा वा दात्ते घेदुङ राजनैतिक रुपरी ङ्ाहाच्छा खाबा म्राङबा मुला । थेह्राङलेन आर्कू दुःखला ताम तिला विसाम घेदुङला जिल्ला-जिल्लारी ज्याबा सर्म्पर्क आरे । ङानीसे गेताङ लासी डोन्बो स्होसी ङ्योइसाम डोन्बो दोसी सेजी, ज्याबा भाषण लाजी, दोसी केन्द्ररी दोखामा ह्यान्छे खाइमाइ जिल्लारी तिला ताजी बिसी फि्लक दोसी आच्या ।

                         - सुवित्रा बलः न्होरचोहो जिल्ला घेदुङ मकवानपुर

घेदुङ बिबा ह्याङ तामाङला संस्था किन्ना । तामाङ ह्युलबाला गुङरी घेदुङ ठुङमा ह्यान्छे गोल्सेन तामाङला संस्कृति परम्परा, धर्म, ग्योइ ल्हेना छार्ना लाबारी बाङ लाबा म्राङबा मुला । खाबा रेकादेरी घेदुङसे तामाङ ह्युलबाला लागिरी ज्याबा गे लाला बिबा आशा लाबारी खाम्ला ।

          - पदमकुमारी मोक्तानः मुल्मी, जिल्ला घेदुङ, संखुवासभा ।

तामाङला कल्याणला लागिरी ठाङबा संस्थानो घेदुङ हिन्ना । दात्तेदोना चुसे ह्राङला संस्कृति परम्परा सोना लाबा गे लाबा मुला । ङाइ गोबा आन्सार ल्हानान ग्लाला तामाङसे दशैं बहिष्कार लासी ल्होछार दाङबा परम्परा तिबा गे घेदुङसे लाबा हिन्ना । चुह्राङबा सन्देशसे लामा ल्हाना तामाङरी चेतना खाबा म्राङबा मुला 

                   - रत्नकुमारी रुम्बाः मुल्मी, महिला घेदुङ मकवानपुर

घेदुङला विषयरी ङादा ओत्ते ल्हाना ज्ञान आरे । तामाङला बेनान बिमा ग्रेन संस्थान हिन्ना बिबा जे थाहा मूला । चु संस्थासे ह्याङ तामाङला लागिरी तिला-तिला गे लाबामुला बिबा ताम ओत्ते गोबारी म्याङबा आरे ।

                              - माइली थोकर तामाङः हाकु गाविस, रसुवा

तामाङकादेला संस्था बिसी ङोसेवा संस्थानोन घेदुङ हिन्ना । घेदुङला बाङ ज्याबा मुला । तर ओत्तेचे बाङलासी बेनान तामाङला समस्यादा गोबारी आखाम । थेसे लामा घेदुङसे मान्बा ह्राङबा विकासला समस्यादा गोबारी आखाम । थेसे लामा घेदुङसे मान्बा ह्राङबा विकासला गे ताबारी खाम्बा आरे । दारेला छार नेतृत्वसे पुरानो दिङला गेला समिक्षा लाबान सक्रिय तातोबा म्राङबा मुला । तिनीला चु युवा वर्गला नेतृत्वदा ज्याबा गे लासी उन्खाम्तोला । जामाजे घेदुङला औचित्य बेनान तामाङसे म्राङबारी खाम्ला ।

                          - विष्णुमाया वाइवाः मुल्मी, जिल्ला घेदुङ तनहु

घेदुङ तामाङला संस्था हिन्ना । हिन्बाम घेदुङला ह्राङ लान समस्या मुला ताला ग्ला-ग्लारी दोबारी आखाम्बा । घेदुङ तामाङकादेला ङामरी ताबा विमाइनो तामाङकादे घेदुङला ङामरी ताबा म्राङबा मूला । तामाङकादेसे घेदुङ तामाङला संस्था बिसी चासो किन्सि टिबा मुला । थेह्राङलेन घेदुङसे खाम्देदोना ह्युलक्योङलान तामाङला समस्या, दुःख-सुख सेमरी खेन्सी तामाङला मुद्दाकादे राज्यदोना बोर्खाम्तोला । जाम जे तामाङ ह्युल्बाला गुङरी घेदुङसे ह्राङला ज्याबा छवी थान्बारी खाम्ला

               - इन्दिरा घिसिङः मुल्मी जिल्ला घेदुङ कैलाली धनगढी

तामाङकादेला न्हान विबा टिम ह्रोकादेसे । ङादा खार्साई तिलाई थाहा आरे । खाइमा गी नाम्सारी घेदुङला म्हि खाजी । गेताङ लाजी विवा मूला । चुसे तामाङलान विषयरी गे लाबा मुला बिबा लामूला ह्रोकादेसे ।
                                                                - रतीमाया लोप्चनः तनहु

घेदुङ बिबा तामाङला कला धर्म संस्कृति सोना लाबारी ठवाङबा सांस्कृतिक थेन सामाजिक संगठन हिन्ना । तर घेदुङ थेगे विमाइनो नो राजनीतिक थुमरी लगाव थान्बा म्राङजी । थेतासी घेदुङरी राजनैतिक थाङखाबा मुला ।

राजनैतिक खिचलासे घेदुङसे म्हान्बा ह्राङबा गे लाबारी आखाम्जि । राजनैतिक थुमरी विमाइनोन पर्ूण्ा रुपरी सामाजिक गे लाबारी खाम्तोला । दारेम युवा नेतृत्व दाम्बा मुला । थेनीकादेसे् अवश्यन तामाङ समाज ह्युल्बारी ह्राङला कर्तव्य थेन दायित्व गोसी गे लाला बिबा तामाङ ह्युलबासे आशा लाबारी खाम्ला ।

                              - पूणिर्मा गोलेः संचारकर्मी, हेटौडा मकवानपुर

घेदुङ फेरि ङाला तिला सेमताम मुला विसाम दात्तेदोना घेदुङसे लाबा बाङकादे ल्हानान ज्याबा मुला । थेनोन बाङला कारण ६४/६५ जिल्लारी घेदुङ विस्तार ताबा मुला । चु ज्याबा पक्ष हिन्ना । तर घेदुङला जुन किसिमला ज्याबा-ज्याबा नाराकादे मुला थे जा खाली नारारी जे सिमित ताबा म्राङबा मुला । थे नारा नारारी जे सिमित ताबा कारण तिला म्राङबा मुला बिसाम केन्द्र थेन जिल्लाला गुङरी ज्याबा सर्ंपर्क स्थापित ताबारी आखाम्ना हिन्नाह्राङ छोर्बा मुला । घेदुङला केन्द्रला नारा केन्द्ररी जे ताला । थे जिल्ला जिल्लारी आदो । थेतासी घेदुङसे तामाङ ह्युलबाला गुङरी ज्याबा अस्तित्व थान्बारी खाप्पाई बिमा ङहाच्छा केन्द्र थेन जिल्ला गुङरी ज्याबा सर्म्पर्क थेन समन्वय ताबारी खाम्तोला ।
                                         - विष्णुमाया तामाङः कास्की पोखरा ।

घेदुङ तामाङकादेला होह्राङबा संस्था हिन्ना जुन सामाजिक संस्थाला मिन ग्याम ङोसेला । तामाङसे घेदुङ फेरि थान्बा आस्था विथोल्दिबारी माइबा मुला । घेदुङ खाइमा सामाजिक गे खाइमा राजनैतिक हिसाबरी सक्रिय ताबारी माइबा म्राङबा मुला । घेदुङला उद्देश्य बिबा तिला थेमताम स्पष्ट तातोला । घेदुङसे ह्राङला ज्याबा परिचय ओन्बारी कि सामाजिक गे जे लातोजि कि राजनैतिक थुमरीन सक्रिय तासी गे लातोजी । ङाला धारणा तिला विसाम घेदुङसे स्पष्ट लक्ष्य, धारणा, स्पष्ट विचार थोसी स्पष्ट नीति अनुरुप गे लातोजी । जामा जे घेदुङ ह्राङला अनुरुप ङ्हाँछा दोबारी खाम्ला ।
                                           - संझना लामाः नवलपरासी, चितवन ।

घेदुङसे तामाङदा ग्लागिरी बाबा गे लाबा मुला । ह्युल क्योङनोन ठाम्सी टिबा तामाङ पोप लाबा ज्याबान गे हिन्ना । ह्युलक्योङला तामाङ पोप लामा ह्राङलेन क्योङनोन तामाङला समस्या पोप लासी समाधान लाबागे लातोजी । जु ल्होछार दाङतोबा, तामाङसे तामाङनोन थर ब्रितोबा लहरला जागरण बाजी । थेह्राङबान ज्याबा ज्याबा नीतिनियम बासी निरन्तरता पिन्खाम्तोला ।

                                                      - धनकुमारी मोक्तानः धनुषा

चुह्राङले घेदुङ फिरी ल्होलो-ग्लाला नानाआङासे ल्होलो-ल्होलो खाल्ला सेमताम थान्स्युबा मुला ।

गेार्गी उखान मुला "नहुनु भन्दा कानो मामा वेश । हिन्ना तामाङ ह्युल बाला गुङरी तिलाई आरेबा बिमा काना आस्याङनोन ठिक मुला । ङहाच्छा, ङ्हाच्छा घेदुङरी चु उखान डिक्साइनोन दारे खाबा रेरी चु उखान डिक्पारी आता । उडी छुनु चन्द्र एक बिबा ह्राङबा उद्देश्य थोबान घेदुङसे गोङमा ङहाच्छा न्हेतोबा दर्ुइ खाबा मुला । नारा ह्राङबान ग्रेन विचार उद्देश्य थोसी नातावाद, कृपावाद ह्राङबा कुसंस्कादा थारेङ थान्बान हृयुलक्योङलान तामाङदा समेटब लासि बोर्तोबा म्राङबा मुला । दात्ते छार थेरीनोन युवा नेतृत्व दाम्बा मुला । छार नेतृत्व युवा नेतृत्व दाम्बाला औचित्य तिला - थेदा गम्भिर रुपरी किन्सी निबा दिङला गेदा ज्यान लासी मूल्यांकन लाबान सहि ढंगसे सहि नेतृत्व विकास लाबान तामाङ ह्युलबा थेन कोइला ङामरी कोइला थारेङ आताना क्योङथेन कोङबा केकेवा सम्बन्ध स्होबारी तिनीला आवश्यकता बिबा ताम छार नेतृत्वसे मनन लाबारी खाम्तोला ।

ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।

प्रायोजक थेन वेभ मास्टर मुकेश लामा, याम्बु, नेपाल ।
E-mail ceo@tamsalingonline.com