शान्ति तेन विकास
ह्याङला हयूलरी शान्ति बिबा छिग ह्याङसे स्याप्पारी आखाम्बा मुबा । शान्ति छिग खाप्पा चराला मिन मुताला ह्राङबा ह्याङ नेपाली हृयुल्बाकातेता छोरबा मुला ताला । शान्ति थेन विकास छिग एक आपसरी परिपूरक मुला । जब दोना ह्याङला हृयुलरी शान्ति कायम आदा जामा दोना हृयुल ताआखाम । विकास शान्तिला पर्ूवाधार हिन्ना । जहाँ विकास ताबा मुला, थेरी अवस्यन शान्ति ताबा ह्याङसे प्रष्टलासी म्राङबा मुला । विकास आताबा हयुलरी ल्हाना मात्रारी विनास ताबा हयाङसे मिसे म्राङबारी खाम्ला ओम म्राङबा मुला । जहाँ हत्या हिंसा आता थेरी विकास ताबा मुला विसाम जहाँ हयाङला नेपाल ह्राङबा अतिकम विकासिल हयूल ताबाला कारणसे अशान्ति ताबा हिन्ना । शान्ति थेन विकास छिग एक आपसरी याछिन् थेन स्याला ह्राङबा सम्बन्ध मुला । चु ङ िमध्यमला अभाबरी हयुलरी विकास ताबार आखाम्नी । थे ताबासे ह्युलरी शान्ति बाबाला लागिरी विकासला खाचो ताबा मुला बिसाम विकास ताबाला लागिरी नोन शान्तिला आवश्यकता मुला । ह्याङला ह्युलरी विकास जहाँ मुला थेरीन शान्ति पक्कै ताला, तिनी खासी ज्योज्यो आले बिचरी एक आपसरी छेप्पा-सेप्पा मुला । ज्योज्यो आले विचरीन क्रान्ति तासी टिबा मुला । हृयुलरी दिन प्रतिदिन विकासला सट्ट विनास तासी टिबा मुला । सायद विकास तासी टिबा हिन्साम चुराङबा आतंक सृजना तासेला आरे । तिनी खासी बेलाता कर्ुर्सर्ीी आवश्यक तासि टिबा मुला ।
नेपाली नेतकादे हृयुलादा श्रष्टा चाएरी डुबाप लाबाब गेन मुला । विकास लाबाला सट्टा ह्राङला फो -भुडी) नाङ, तिन चार पुस्ता दोनाला लागीरी छ्योना सम्पती नेपाल बैकरी आबाङना म्हिला हृयुलला बैंककातेरी जम्मा लासी थान्बा मुला । चुल्लान कारण बेनासेन हृयुल्दा अदोगतिरी दोनालाबासे तिनि हृयुलरी अशान्तिसे ल्पिङबा मुला । साझो जनताकादे बेरोजगारी दोसी दिनहुँ दिनकादे बिताप लसि टिमुला गोर ङ ियुङला -ढुङ्गाको) बिचरी चेपाप लासी स्वदेब मुला । ह्राङला हृयुलरी टिबारी आखाम्ना म्हिला हृयुलरी म्योबा नागीह्राङ ह्योङ-ह्याङ लासी भ्रबारी बाध्य मुला । ल्होलो-ल्होलो किसिमला कोठीरी दिनकादे बिताप लाबारी बाध्य ताबाला मुला ।
थेनोन कारण ए नेपाली जनता हृयाङ न्हाफ्याङरी छ्यूकु -तेल) युसी आटिना, हृयाङ बेनान् एक जुट तानासी यारी या मिलाप लासी ङ्ह्राछा वाङदोजी । र्राईफल थेन गोलीदा ख्लाके । तिती ह्युलला दर्ुइ निजीन्बा आबा आमाला कु थान्न-थान्न ताबा मुला । ल्हाना म्रिङकोलाकातेला सिन्दुर फ्याबा मुला । आले आङाकादे टुहुरा ताबा मुला । नेपालला पवित्र गान्दी कादेरी दारेम कारी पणित ताबान मुला । चु बेनान ताबाला कारण हृयुलरी अशान्ति थेन अविकसिलला कारणले ताबा हिन्ना ।
हृयाङला हृयुलरी बुद्ध च्योदान्दे केसी चु शान्ति विसी थान्बा हृयुल तिनी अशान्तिरी परिणत ताजी । खाई थे बुद्धला उपदेशकादे - खालाङ निजी थे शान्तिला प्रतिककादे - तिनी हृयाङ र्सबसाधरण जनतासे तिला म्हाइ मुला विसाम बेनासेन हृयुलरी चाडोन शान्ति तादोला तर खाई शान्ति -
शान्ति तातोला बिसी नारा आलाना, परेवा उडाप लासी एक आपसरी डिक्सी हृयुलरी खाराङ लासी शान्ति बादोला अनि विकास पट्टी खाराङ लासी उन्मुख तासेबीबा तर्फसेम् पिन्दोला ।
दारेम हृयुलरी शान्ति थेन विकास ताला, जामादे नेपाली बासिन्दाकादे म्हिला हृयुल
पट्टी निबाकमए ताला अनि नेपालीकादे ह्राङला ह्युलरी टु ब्राना लासी ह्युलला उन्नति
लाबारी खाम्ला । बेनान नेपालीकादे खुसियालीला छ्याम ह्राङला हृयुलरी रमाइलो ताला,
अनि थे तामाचे हृयुलरी शान्ति थेन विकास ताला, थे तामाचे हृयुलरी शान्ति थेन विकास
खाला ।
- धनध्वज मोक्तान
ताम्सालिङ अनलाइन डट कम ला लागीरी तेबा ग्रेन डिक्खेन जगतमान लामा, डिक्खेन कुमार मोक्तान, ह्रो डिक्खेन श्रृजना गोले, प्रतिनिधि खड्ग मोक्तान, बजार विश्वोर दोङ, ह्रोलाबा चन्द्र दोङ, सल्लाहकार डा. गणेश योञ्जन, अमृत योञ्जन, कानुनी सल्लाहकार अधिवक्ता कुन्साङ योञ्जन, प्रबन्धक अम्बर बम्जन तामाङ ।
प्रायोजक थेन वेभ मास्टर मुकेश लामा,
याम्बु, नेपाल ।
E-mail ceo@tamsalingonline.com