बन्द तेन हडतालसे मंसिररी
सिङ्गुनरी जबरजस्ती दुर्सा
नाङसाल गेताङ दिङ कु री
जनजाति आन्दोलन तेन छार नेपाल
संकट, संघर्ष, संझौता थेन निरुमाया
नाम्सा दिमरी लोप्खाङ स्हेङबान
डाजाङला ब्लिछा साधरणसभा
उपत्यका बन्दरी ग्योइकाइ गेताङ
मुटुको चिनो विमोचन
संविधानसभाला चुनाव तेन माओबादी
गुम्बा व्यवस्था समितिदा व्यवस्थित लातोला
नेपाल क्रिकेटला सेमिफाइनलरी
ब्राजीलसे डाजी कोपा अमेरिका कप
खालेदोङरी छार ग्योइ
पर्वतारोही माइला तामाङदा डेन लाजी
महोत्सवरी तामाङ चलचित्र मोलमला प्रदर्शन
आमाला मायाला छायांकन लिच्छाला ताङरी
सेमला ह्रो फुरिमायादा चिठी
दुर्सा गाङरी राप्प म्हि
प्रकाश ब्लोन चलचित्र छायांकनला
 

कलाकारिता थुमरी ङा सन्तुष्ट मुला

- शान्ति लामा नायिका

'माया प्रेम थेन लाला बरदान याङबारी ल्हाना गार्‍हो ताबा टिम । देन्बा माया थेन लाला बरदान याङबारी ग्रेन तपस्या थेन धर्म लातोनाम' चु सेमताम हिन्ना शान्ति लामाला । फिर्क्यापसे फ्लिक च्यामा, म्राङमा चञ्चले, चुलबुले म्राङर्साई क्योलोलो दिङला नायिका शान्ति लामा ङामदेसे च्यामा बिसाम गम्भिर स्वाभावला जामेकोलाला रुपरी याङबारी खाम्ला । शान्ति लामाला सेमतामला छनक गोमा खालाइथेन सेम डिक्पारी वाङबा ह्राङबा मुला ।

म्हि गम्भिर म्राङसाइ कला थुमरी ल्होलोल्होलो खाल्ला अभिनय लाबारी जेबा शान्तिदा खाजिवाई खाल्ला ग्वाइलोसे सेम दुत्ला । होह्राङबान दिङ्सोम ब्लि ङ्हाच्छा ह्यान्छे म्युजिक भिडियोग्याम ह्राङला कला यात्रा तिबा शान्ति लामाला केवा बिसाम २०४१ सालरी भारतला अरुणाञ्चल मध्य प्रदेशरी ताबा हिन्ना । शान्तिला डोबा स्यात्पाला ताम लातोमा भारतरी कक्षा सोमदोना ओम याम्बुला शान्ति विद्यापिठग्याम एस.एल.सी दोना डोबा हिन्ना । शान्तिला आपा मानबहादुर लामा थेन आमा सुनमाया लामा बिसाम धादिङ जोङला कटुञ्जे गाविस वडा.नं.-८ हुलाक नाम्साला स्थानीयवासी हिन्ना । म्युजिक भिडियो लिच्छा तामाङ ग्योइला मोलम चलचित्रग्याम चलचित्र थुमरी ह्राङला गोङमा न्हेबा शान्ति ह्राङसे क्लाङबा ङ्हाच्छा रेमला चलचित्र मोलमरी गात्तेबा गार्‍ह्रो सजिलो महसुस ताजी बिसी ङ्योइमा शान्तिसे पाङजी- ङ्हाच्छान तिलाई भिडियोरी क्लाङबासे अभिनय लाबारी जाकार गार्‍हो ताजि बिसाम काभ्रेला ग्योइ पाङबारी गार्‍हो ताबा मुबा । स्यान ल्होलो ल्होलो थुम मुसाइता तिल्दा फिल्म थुमनोन दाम्जी बिसी ङयोइमा जाजामा ह्यान्छेन स्याबा अभिनयरी बिशेष रुची मुबासे चु थुमरी बाङबा हिन्ना । शान्तिसे पाङजी फिल्मी थुमरी बाङबारी शान्तिसे खालाईग्याम प्रेरणा याङबा आहिन ह्राङलान दिम थेमेलानो प्रेरणा आयाङनी । ह्राङलान रुचिला कारणसे हिन्ना । रुचिला कारण क्लाङबा मोलम फिल्म अन्तराष्ट्रिय आदिवासी चलचिमत्र महोत्सवरी प्रदर्शनरी दाम्बा शान्तिसे गौरबला ल्हेङमो थान्जि । मोलम क्लाङसी लिच्छानो फिल्मी अफरकादेदा ल्होलो ल्होलो परिस्थितिसे लामा स्विकार लाबारी आखाम्नी क्योलोलो जे तामाङ फिल्मी ङ्िही अफर खाबामुला दारेम जा क्लाङला ताला बिसी पाङबा शान्तिसे चु थुमदा ह्राङसे ङ्िहरेला शौखला रुपरी जे क्लाङबाकी चुनोन थुमरी निरन्तरता पिन्ना बिसी ङ्योइमा बिसाम खार्साई थे लक्ष्य दोना ङा दोबारी खाम्बा आरे बिसी पाङजी । तार्साई दर्ुइ थेन परिस्थितिसे ह्रो लादेदोना तामाङ फिल्मरी क्लाङसेला सेम शान्तिला मुला ।

ङ्हाच्छा रेमला क्युजिक भिडियोरी क्लाङबा बापत ग्यार्जा ङ््हा पारिश्रम याङबा शान्तिसे दात्तेदोना दर्जन ङहि बिमा ल्हाना म्युजिक भिडियोरी ह्राङला कला प्रस्तुत लासी जिन्बा मुला । दात्ते गोर्गी क्यूजिक भिडियोरी क्लाङबाला तोङ ङ्िह ह्यान्छे तोङ सोमदोना पारिश्रमिक किन्बा मुला । म्युजिक भिडियोलान छायांकनला ताङरी शान्तिसे ह्युल्ला ल्हाना ग्लाला छ्यामरी ह्युल फिर्क्याप दर्ुबई कतार, अबुधानी ह्राङबा ग्लाकादे कोर्सर्ीीजम्बा मुला । धर्मरी ओधि विश्वास लाबा लाहुरेला जामे शान्तिला ल्हुइला ह्रो बिसाम प्राङबोन तार्साई इमान्दारी बेनान दुःख सुखरी ह्रो लाबा, पुरुषसत्ताग्याम थारेङ मुबा ह्रो तागाई बिबा सेम मुला । चुह्राङले ला थेन धर्मरी विश्वास लाबा शान्तिदा राजनीतिक थुमरी बिसाम खासाइ रुची आरे ।