कवि गोष्ठी फिरी तुन्बा समिक्षा

खालाङ तिग ताजी - तिल्मा सल्लेरी सदरमुकाम ध्वस्त ताजी । तिल्मा ङ्याँसे भिमादरी माओवादीसे पुलिस साइजी । स्ह्योरी जेकेन याम्वूला पु्तलीसडकरी बेवारिसे बम फोसी म्हेन्दो सोमला बु निजी । चुह्राङबा तामसोरला पोरेसे स्योस्योला पाना प्लिङबा मुबा । तामसोर ङ्यान्सी थुरथुर लोङबा पाराङसे ङोआसेबा म्ही म्राङसामी लुबा मुबा । रेडियो नेपालसे म्हेन्दो ब्ली ङा शाही सेनाला जवान सिसै बहादुर बीरगती याङजी बिमुबा । पाङतोबा तिग बिसाम थे दुइरी अशान्ति मुबा । सशस्त्र जनयुद्ध लासी खाबा माओवादी थेन राज्यपक्षला युद्ध मुबा । थे दुइरी ल्हानान अशान्ति मुबा । दान्दे दुइ पोसि जिन्जी । निबा जनआन्दोलन ङसिे निरंकुश शाही सत्तादा तिलै लिच्छा ब्रेक लाबारी सफल ताजी । १० वर्षो जनयुद्ध थेन २१ दिने जनआन्दोलनला वाङसे संसद पूनस्थापना ताजी । ग्ले ज्ञानेन्द्रसे सत्ता ख्लाजी । दलकादेसे विजय जुलुुस थेन नाङसाल म्राबा गे लाजी । नेपाली ह्युल्वासे शान्ति खाला बिसी मोलम लाजी । मेची हेन्से महाकालीधोनाला नेपालीसे शान्ति खाजी बिसी लुङदर फेर्जी । तर बास्तविकता म्हान्बा ह्राङ आतानी । लोकतन्त्र खाजी । शान्ति ला बुर्गान खुल्ला मुरी फ्याङला बिसी डेन्बा ह्यूल्बासे खाइमै शान्ति छोर्बारी आखाम्नी । र्

र्सवसत्तावादला म्हेरेसे क्रोबा ङीसदलला नेतासे लोकतान्त्रिक व्यवहार ओन्बारी आखान्वा चु दुइरी माओवादी सुत्तै सत्ताला लेप्पा ठिरी चिमाहेन्से नेपाली आमाला सन्तानला स्वतन्त्रताला याङतामदा प्लेसी ङेबा म्राङमुला । जनआन्दोलन सोम लासी जनतादा र्सार्वभौम स्होतोला बिबा नेतृत्व माओवादी न्हाङरीन थोन्सी जिन्जी । संविधानसभाला ङ्हाच्छाला वैठकला साधारण वहुमतसे राजतन्त्र व्याङबा सहमतीरी सही लाबा प्रचण्ड दात्ते संविधानसभा ङ्हाच्छान सदन ग्याम्सेन गणतन्त्र घोषणा लातोला विबान मुला । जनता शान्ति आहिन अशान्ति म्राङसी लोङसी चिमुला । सडक, सदन थेन सत्तारी मुबा माओवादीसे वाइसीयल मिनला संगठन स्होसी ग्ला ग्लारी अशान्ति काप्पन मुला । वाइसीयला सागरला ताम मुला पुलिस प्रशासन फेेल तावासे ङानीला चु एक्सन तावा हिन्ना ।

ग्यागरदानरी द्वन्द्वला म्हेरे लुङबा ख्लाबाआरे पहाडरी जनजातीला मागसे मु दर्ुर्सर्ीीचबा चु विशिष्ट दुइरी समस्या समाधान पट्टी खालैला सेम निबा आरे । लोकतन्त्र तेन शान्तिला ताम लासी जेकेन ताला - सुङसे लोकतन्त्र बिसी, स्युगुरी ब्रिसी, ग्रेन भाषण लासी शान्ति खाबा हिन्सामी नेपालीसे तिक्दा दुङाल नातोजी -

अस्थायी शिविरला छापामारला दुङाल नाम्सा-नाम्सारी धोसी जिम्मुला । तिल्मा 'एक घर, एक छापामार' बिसी तुम्वकला धमास पिन्बा माओवादी तिनी न्हाङगार नागीला रु म्हाइमा ह्राङ खाइमायी गणतान्त्रिक भेला खाइमायी संघर्ष समिति स्होवारी वाध्य मुला । तार डि थोबा डोन्बो म्राङसामी ब्राङ पिबी सुत्तै ल्हेम्बारी आख्लबा गिरिजा ग्रेन दलसे बैठकरी ङयोइमा सुत्तै क्रास्हुखा बिसी म्राप डुङसी चिबा चु दुइरी लोकतान्त्रिक गणतन्त्र खाला बिसी आमान्नै ताला । 'ग्लाप खेप्पा तासाम ब्रा म्हाइमुुला, म्ही खेप्पा तासाम निहुँ म्हाइमुला ।' रो बिबाह्राङ गिरिजाला दोधारे सेम म्राङसी प्रचण्डला प्रेसर लेप्सी जिन्बा मुला ।

नाम्सारी अवसरवादीसे घार ख्लाजी बिसी ताम फुइसी जिन्बा दुइरी माओवादीला नेतृत्वदा सता थेन सदन ताओमला न्हाबेङ तासी जिन्जी । चुनोन ताबासे जनतासे शान्तिला सा बुन्बारी खाम्बा आरे । माओवादीदा मे थेन रु आरेबा गधा स्होबारी म्हाइबा कांग्रेससे राजतन्त्रला नाइबा ल्हुइ थोबारी ख्लाबा आरे । आहिन स्थायी शान्तिला लागि संविधानसभाला चुनाव लाबारी तिक्दा आखाम - क्यार-क्यार मिति पोबान निला चुह्राङबान हिन्साम प्रतिगामीसे थोबो रेबा जर्ेकन आहिन नेपालदा ग्लोङला ओम न बाँसुरी न रीन तिगै आता ।