कवि गोष्ठी फिरी तुन्बा समिक्षा

संविधानदा तेन्बा गे जेक्खेन लाबारी आदा

जनजातिला थोपथाङला पोरे कोङना जोर्दोजी सुङसे फ्युबा खेप्पा सेमतामसे तिगै आला ।

स्यार, लो, न्हुप, चेङ ग्याम गिक तासी छोर्देजी ।

चु ङाइखाला बो हिन्ना-अस्मिता थिङ 'म्हेन्दो' से ब्रिबा 'छोर्दोजी' ला । अस्मितासे छाइखा डोबा मुबा तामाङ ग्योइला ङाइखा प्रतियोगितारी । प्रतियोगिता स्हेङबा मुबा तामाङ डाजाङसे निबा २९ गते याम्बुला ल फ्याम्पसरी । जाम्बुलिङला राजनीतिक दुइ, ह्यूल्से चुङबा लोकतान्त्रिक पद्वति थेन पीडित जनजाति ह्यूल्बासे म्हाइतोबा थोपथाङ विषयरी ब्रिबा छोर्दोजीला म्होइजेनसे प्रतियोगितारी गिफ्छा ग्ला डाजी । तामाङ डाजाङ डु दिङरी वाङबाला दुइसाङरी आयोजित थे गेताङरी बोकाल सोमसे डु ङाइखा ब्रिखेनसे बो किन्बा मुबा बिसाम ल्हानानला सिर्जनासे शान्ति प्रजातन्त्र थेन अग्रगमनदा ग्ला पिन्बामुबा ।

ह्युल्ला काइरान उइमा दाङबो हेन्से तिनी धोना खाराङबा मुला बिसी ब्रिमुवा गोले के.आर.चालिसेलीसे । खाइमा तालै ब्रेसी जेकेन टितोबा तामाङला छोन्बो काइरानसे खाबा ह्युल्बादा खबरदारी लाबा मुबा थेनोन श्रष्टासे ।

होसियार । खबरदार
तामाङकादे ।
कैलाश । बुढानिलकण्ठ जे आहिन
सांगे च्योम्दान्देदानोन

विष्णुला अवतार बिसी जिन्जी । गोले के.आर. ग्योइ ग्योइकाइ जेकेन आहिन धर्म थेन ठिमला दास दोसी चितोजी । दारेम ह्याङ म्हेर्सी आता । ह्राङला याङताम ह्रिसी आता । ब्यान्सी किन्तोला । चुनोन भावसे डानालाजी के.आर. दा ङछिा पुरस्कारला पोरे । लादाङसेला लिच्छा शनिवार दिङ ङाहेन्से ग्योइकाई गोष्ठी लासी खाबा तामाङ डाजाङसे ५४ औं गेताङ दाङबा थे कुनु बिसाम प्रतियोगितात्मक मुबा बो किन्वा मुबा ल्हाना श्रष्टाकादेसे । संस्कृति, पर्यटन थेन उड्डयानमन्त्री पृथ्वी सुब्बा गुरुङसे ठोङसेन लाबा थे गेताङरी अस्मिता थिङ 'म्हेन्दो' ला 'दुङालला ल्हुइ' छाइखा संग्रहला विमोचननोन ताबा मुबा । म्हेन्दोला संग्रह गिक्छा संग्रह हिन्ना बिसाम ब्रिबा ताङ चा ङाच्छाहेन्सेला मुबा ।

लोकतान्त्रिक प्रकृयारी मुबा नेपाल ह्यूल्साला राजनीतिरी तामाङला ग्रेन भूमिका मुला थे ताबासे ह्राङला पेठिक, ग्योइकाई र्छार्न ल्हेना लाबा गेदा ख्लाबा आता सुङबान मन्त्रिला बाङ मुबा तामाङसे अझ छोर्तेबा दुइ मुला । चोत्तेसे आछ्यो आन्दोलनरी तामाङ जे आरे ङानीला साथ मुला ।

नियमित ङाइखा ब्रिखेन सम्देन दोङ, पेमा लामा 'संघर्ष' रिना लामा 'बन्जन' कादेसे बो किन्बा थे गेताङरी ङ्यान्खेन, ग्योइकाइप्रेमी थेन पत्रकारकादे जोम्बा मुबा । याम्बुला ङामरी चिसै तामाङ ङाइखाला थुमरी गोर गोकी गोङमा फर्ेबा तामाङ श्रष्टा नेपाल प्रसाद स्याङतानला 'तोमुला' ङाइखासे सान्त्वना पुरस्कार डाजी । डाजी । छोला ताम मुबा तामाङ ह्युल्बासे ल्हानान विकृति । विसंगती न्हासी चिमुला दारेम क्योङसेन गोतोजी । खाबा दुइरी क्योङनोन गोर्कि तादोला ।

दारेम संविधानसभाला चुनाव ताआपिन्बा थेन छेनोन तोला
ग्यार्जा तोङजा शाहिदला काला साइ म्हाइनोन तोला
बृद्ध तितुङ

हिन्ना, सामन्ती, राज्यसत्ताला नाङबा प्लेबासे तामाङदा लिच्छा ताना लाजी । ज्लेला शासन जेकेन आहिन ज्योर्दाला डिमसे झन तोर ताबारी आपिन्नी । तामाङ ज्योज्यो - आले, नानाआङा ए ङा रेतोजी चु ङाइखाला मर्म मुबा बुद्ध तितुङला । ह्रोसे याङजी सोम्छा पुरस्कार । डाबासेमी डाज अिाडाबासे चा तिग याङजी ओम ?

प्रतियोगितारी बो किन्बा श्रष्टाकादेसे प्रशंसापत्र याङजी । ब्रिगू स्याङबारी प्रोप्साहन याङजी । बो किन्बा छार श्रष्टाला ताम मुबा ज्यार्दी ग्याइरीमी थाहा मुबा । तर्सर्ेेामाग्योइरीनोन प्रतियोगिता ताबा चा थाहा आरेबा मुबा । ङ्हाच्छाला रेमरी चुह्राङलासी बो किन्सी तामाङ ङाइखा डोम्याङबा अवसर पिन्बा तामाङ डाजाङदा थुजेछे ।

हिन्बामी, २०६० थेन २०६१ री ङस्िम चुह्राङबा प्रतियोगिताला आयोजक तामाङ डाजाङला साहस चु सोम्छा मुबा । प्रकाशन हेन्से प्रशारण धोनाला गेरी या जाङबा डाजाङदा चुपोल्से अक्षय कोषला घोषणा लासी ह्रो लासेला मुला संरक्षक डा.गणेश योन्जनसे । चोदे ग्रेन ग्याइकाइला आन्दोलनरी वाङबा तामाङ डाजाङदा ह्रो तार्गे ङाला तर्फयाम १,००,००० -लाख गिक) पिन्जी सुङबान योन्जनला सुझाव मुबा चु थेबा गेन्दुनकादे मुला तर खै । गे लाबादा प्रोत्साहन पिन्बारी तिक्दा लिच्छा । ङहाच्छा खातोजी । सरकारसे आला सत्तारी मुबा नेताकादेसे लेबाफेबा लामुला थेनि साम्प्रदायिक मुला ।

म्लाङ खास खासी मुठेङमा
महान शहिद थुम डान्मु
मु ठेङसी ह्याल-ह्याल दिनी फेमा
ह्रो ङाला एनोन थुम डान्मु । सुकरानी दोङ

तामाङ आमाला ल्हानान सन्तानसे का थेन ब्याङबा जातीय थेन वर्गीय महान आन्दोलनरी कादे शहिद ताजी कादे तिग ताजी ब्योङबा थेला बाला काला खि नाङ किन्बाला ग्राम चासी ब्राबा ङा हिन्ना बिसी ब्रिबा सुकरानीला ङाइखा मुबा । थेह्राङबान ल्हानाभिना ल्हाना तामाङ श्रष्टासे आन्दोलन, बलिदान थेन जातिय भेदभावदा किन्सीमा ङाइखा ब्रिबा मुबा ।

सस्तो मायाँ पिरतीला ङाइखा ब्रिबा उमेरला श्रष्टाकादे सुत्तै ऐतिहासिक लेबाफेबा दमन, शोषण थेन अच्याचारला च्याल्दा टाङबारी ब्रिगू म्युङसी खाबा मुबा । प्रतियोगिता मुबा सत्य हिन्ना गिफ्छा म्हेन्दो गीदा दाम्तोबा मुबा निर्ण्ाायक मोक्तान दुपबा ङ्गेल थेन इन्द्रराम मोक्तानसे अस्मिता, गोले के.आर, बुद्ध थेन नेपाल प्रसादला ङाइखादा दाम्जी ह्रोकादेसे डाजी थुजेछे श्रष्टादा बिसाम सलाम रचनादा बिनोन तोला बो किन्बा उत्साही उर्वर श्रष्टाकादेदा निरन्तर ब्रिग म्युङबारी ज्याबामान्बा ।

लिच्छारी,

गाङजोरी बाला होइसेर फेवाला छ्यामम बैर गर्ुर्सर्ेे मुला गणतन्त्र खासेला मुला ह्यूल्बाकादेसे आन्दोलन ख्लालाआदे नेपाली ह्युल्बाला थोप्थाङ ह्राङसेन ब्रिम्याङबा आरे थस्योल्को आन्दोलन ह्याङला म्हाङ पुरा ताबा आरे ।

- पेमा लामा, 'संघर्ष'